Jeremia 1:1 - Mukanda Wa Zambi 1970

¹ Uno uli mukanda wa maliji waze ahanjikile mukwa munanyi wa Zambi Jeremia wa ku Hilkia, umwe wa ku chihunda cha Anatote mu chifuchi cha Benjamine.

MUKANDA USANDU WA ZAMBI 1975

¹ Maliji a Jeremia, mwana Hilekia, wa hakachi ka asasendote, waze apwile mu Anatote mu chifuchi cha Mbenjamine.

Jeremia 1:1 Iomraidhean Croise

1 Yitanga Ya Mianangana 2:26

Hohene mwanangana yambila hako Abiatare ngwenyi: “Yena yako ku Anatote, ku mahie, ku minda. Te kuunatela kufwa, alioze chichi kukushiha haliabwila mumu wambachile mushete wa Usendo muze wabwile hamwe ni tata David, yiumona lamba hamwe ni tata.”

1 Sango Ja Mianangana 6:60

Mu chifuchi cha Benjamine yaaha membo wano ni ku ulishilo wa yimuna: Geba, ni Alemete, ni Anatote. Membo jo eswe te kumi ni atatu nikulita ni majiko jo.

2 Sango Ja Mianangana 35:25

Mukwa munanyi Jeremia yatomba umwe mwaso wa lungungu mumu hali mwanangana Josia. Njimba mu Israele, malunga ni mapwo, kaali ni ndako ya kwimba mwaso uze muze akumulila. We mwaso uze kuuli mu mukanda wa lungungu.

2 Sango Ja Mianangana 36:12

Yavulumuna Mwene Zambi, kalikehesele ni kubanjika kuli mukwa munanyi Jeremia, yoze walongesele maliji a Mwene Zambi.

2 Sango Ja Mianangana 36:21

Chenacho amanunukine maliji waze Mwene Zambi ambilile mukwa munanyi Jeremia alweze atu, ngwo: “Chifuchi muchisala chahululu miaka makumi shimbiali, ndoo ni kuze tangwa lia uhwimino wacho mulikamanunuka, mumu kaachihichikile ko mu uhwimino.”

Ezra 1:1

Ha mwaka utangu wa kuyula cha Siruse mwanangana wa chifuchi cha Persia, Mwene Zambi yamanununa maliji waze ambilile mukwa munanyi Jeremia akalweze atu; yanyongesa Siruse ahane Shimbi ni kuyisoneka, ni kutwa mutambi mu chifuchi chenyi cheswe ngwenyi:

Izaya 1:1

Mukanda uno unalumbununa maliji hakutwala ku chifuchi cha Yuda ni limbo lia Yerusaleme, waze Zambi asolwele kuli Izaya mwana wa Amoze ha matangwa ja kuyula cha Uzia, ni Jotame, ni Ahaze, ni Hezekia mianangana ja Yuda.

Izaya 10:30

Akwa Galimi kololokenu! Yenu akwa Laisha, banjikenu! Yenu akwa Anatote, kumbululenu!

Izaya 2:1

Mwene Zambi yalweza Izaya mwana wa Amoze maliji wano hakutwala ku chifuchi cha Yuda ni limbo lia Yerusaleme:

Jeremia 11:21

Malunga a ku chihunda cha Anatote azangile kungushiha. Yaangulweza ngwo, nyi muunyongonona kulongesa maliji a Zambi, mutukushiha.

Jeremia 29:27

Mumu yika kuwachilingile kuli Jeremia wa ku chihunda cha Anatote, yoze wahanjikile kuli atu ngwe mukwa munanyi?

Jeremia 30:1

Mwene Zambi, Zambi ya Israele, yangwamba ngwenyi:

Jeremia 37:12

Mba nakatukile ku Yerusaleme ni kuya ku chifuchi cha Benjamine ni kutambula Chihanda chami cha chihinga cha jiko liami.

Ezekiel 1:3

Ku Babilonia ku mbumbulu ya lwiji Chebare, Mwene Zambi, yangusa kwoko.

Daniel 9:2

Ha mwaka utangu wa kuyula chenyi, yami Daniel te nakuhengula mu mikanda ya Zambi ni kushinginyeka hakutwala ku chize Yerusaleme mabwa kwenyeka miaka makumi shimbiali nikulita ni liji lize Mwene Zambi alwezele mukwa munanyi Jeremia.

Amose 1:1

Mukanda uno unalumbununa maliji ja Amose, kafunga ka mapanga, wa ku chihunda cha Tekoa. Zambi yamusolwela yuma yino hakutwala kuli Aisraele, te hikwasala miaka yaali ndoo ku kunyika cha hashi, muze Uzia abwile mwanangana mu chifuchi cha Yuda, ni Jeroboame, mwana wa Joashe, abwile mwanangana wa mu chifuchi cha Israele.

Amose 7:10

Mba hako Amazia, wa ku limbo lia Betele, yatuma liji kuli mwanangana wa Israele, Jeroboame, ngwenyi: “Amose kanakutwama punga. Maliji jenyi maakashiha chifuchi.

Mateu 16:14

No yaakumbulula ngwo: “Akwo kaakwamba ngwo: ‘Yoano Chipapachisa’; akwo ngwo: ‘Eliya;’ akwo ngwo: ‘Jeremia, hanji umwe mukwa munanyi mukwo wa Zambi!’ ”

Mateu 2:17

Chenacho chamanunukine liji lize Zambi ahanjikile kuli mukwa munanyi wenyi, Jeremia, ngwenyi:

Mateu 27:9

Chenacho chamanunukine liji lize ahanjikile Zambi kuli mukwa munanyi wenyi, Jeremia, ngwenyi: “No yaatambula makumi atatu a mbongo (ndando yize mbunga ya Israele anyongene ya kumulanjisa.)