Hosea 7:2 - Mukanda Wa Zambi 1970

² Keeshi kunyonga ngwo, yami mungwiwuluka yibi yino yeswe. Alioze milonga yo hiyoka, kaahashile kuyisweka ku meso jami.”

MUKANDA USANDU WA ZAMBI 1975

² Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Hosea 7:2 Iomraidhean Croise

Jobe 34:21

Zambi kakumona ndako ja mutu.

Miaso (Masamu) 10:11

Chingulungulu kakulihanjikisa ngwenyi: “Zambi keshi kwalula yize nakulinga! Kakufuka ku meso jenyi, keshi kungumona!”

Miaso (Masamu) 25:7

Aa Mwene Zambi, ngwiwuluke nikulita ni utu we ni zango lie lize kulishi kuhwa!

Miaso (Masamu) 50:22

“Banjikenu yenu waze nwakungulelesa, nyi ka, mungunwonona; kukushi niumwe yoze manulamwina.

Miaso (Masamu) 9:16

Mwene Zambi halisolola mu ubatwilo wenyi wa ululi; yingulungulu haakwachika mu yitanga yo ene.

Miaso (Masamu) 90:8

Yibi yetu yakusoloka ku meso je; chibwe yize twakulinga ku tenga.

Izaya 1:3

Ngombe kaakunyingika kako, ni yimbulu kaakunyingika ulilo wa maha kako, alioze atu jami Aisraele keeshi kunyingika nichimwe.”

Izaya 26:16

Mwene Zambi, hiunamwesa atu je lamba, mu lamba lio haanaliumbu kuli yena.

Izaya 44:19

Songi ya mahamba keshi yinyingi ni malinjekela akwamba ngwenyi: “Kuma hingunase Chipinji cha mutondo uno ha jiko. Hinocha ho mbolo ni yifwo, hinayilia. Chize chasala ho hinachisonga hamba. Kwe nguli, ngunafukama ni kuwayila mutondo!”

Izaya 5:12

Mu yiwanyino yenu nuli ni tulialia ni tungoma ni ndembo, ni vinyu. Alioze kunushi kunyingika yize akulinga Mwene Zambi.

Jeremia 14:10

Mwene Zambi kanambe hakutwala kuli atu wano ngwenyi: “Kaanazange kungwehuka, kaasolo kulihumikiza. Kashika Chishi kuwahilila no. Kumungwiwuluka yibi yize haanalingi ni kwamwesa lamba mumu ha milonga yo.”

Jeremia 16:17

Mumu hinamona yeswe yize akulinga. Chuma nichimwe kuchaswamine ku meso jami; milonga yo kuyisolo kuswama ku meso jami.

Jeremia 17:1

Mwene Zambi kanambe ngwenyi: “Yenu Ayuda, shili yenu hanayisoneka ni sonekeso ya utale; hanayolo ni liama ha mbunge jenu ni ha mbinga ja yilumbilo yenu.

Jeremia 2:19

Muukamona lamba mumu ha ungulungulu we, muukalihiza ha kungwehuka. Alioze muukanyingika ngwe, chili chibi chahiana kungwehuka yami, Mwene Zambi, Zambi ye, kungulemesa nawa ka. Yami Mwene Zambi Mukwa Ndundo Jeswe nachamba.”

Jeremia 32:19

Yena uli ni manyonga anji wa kulinga yuma ya ndundo. Kuwakumona yuma yeswe yize atu akulinga, kuwakwakundulula nikulita ni yitanga yo.

Jeremia 4:18

Yuda, yino yeswe yena mwene walikokela yo ha ndako je jibi, ni yuma yize hiunalingi. Shili ye hiyakukokela lamba lino; hiyakutuwa mu mbunge.

Jeremia 44:21

“Hakutwala ku milambu yize yenu ni tushakulu twenu, ni mianangana jenu ni miata jenu, ni atu a mu chifuchi nwalambwile mu membo ja Yuda ni mu majila a Yerusaleme, kuma nunanyongo ngwenu, Mwene Zambi kachinyingikine ko, hanji hanavulama, nyi?

Ezekiel 21:29

Usolwelo uze nwakumona uli wa mahuza, ni che kwambujola chenu chili cha saki. Nuli yingulungulu, nuli atu abi; tangwa lienu kulineza, tangwa lia ubatwilo wenu wakusula. Mukwale muukatapa kota jenu.

Hosea 12:2

Mwene Zambi kanasumu Ayuda mulonga. Makamwesa Aisraele lamba mumu ha yitanga yo. Makaafweta nikulita ni yitanga yo.

Hosea 4:9

Munukamona lamba lizeliene maakamona atu akwo! Mungukanumwesa lamba, mungukanufweta nikulita ni ungulungulu wenu.

Hosea 6:2

Kuhwa cha matangwa aali hanji atatu matuhuzulula, mba tuliendele nenyi.

Hosea 8:13

Kaakungulambula milambu ni kulia yifwo. Alioze yami Mwene Zambi Chishi kuwahilila nayo. Kashika mungukewuluka milonga yo ni kwamwesa lamba. Muhaahwa! Mungukaahilwisa nawa ku chifuchi cha Egiptu!

Hosea 9:15

Mwene Zambi kanambe ngwenyi: “Ungulungulu weswe wa Aisraele wabutukile ku limbo lia Gilgale. Kwenako yami nabutukilile kwavutwokela. Mba ha ungulungulu uze haalinga, kumungukaahuma mu chifuchi chami ngwe chize lunga akuhuma pwo mu zuwo. Hi chichi kaazanga nawa, akwa lutwe jo haalimika ni yami.

Hosea 9:9

Kujakangana! Kaali abi kuhiana, ngwe chize abwile ku limbo lia Gibea. Eeche! Zambi kumewuluka uhenge wo ni kwamwesa lamba.

Amose 8:7

Mwene Zambi, yoze Aisraele akulemesa, halishinga ngwenyi: “Chamwenemwene, chichi kuvulama yitanga yo yibi.

Yona 1:2

Yamwamba ngwenyi: “Yako ku Ninive, limbo lize linene, waalweze yibi yo, mumu hinamona ungulungulu wa atu jamo.”

Kwalula 32:23

Alioze nyi kunwamanunwine chilakenyo chenu, ngunanukanyamisa ngwami, munuvulumuna ku meso ja Mwene Zambi. Nyi ka, makanumwesa lamba mumu ha shili yenu.

Luka 12:2

Chize cheswe chaswamanyine, makachisolola, chize cheswe chakuhengeka, makachinyingikisa.

1 Korintu 4:5

Kashika, kanda nubatwila niumwe, muze tangwa kanda lichiheta. Ubatwilo wakusula chatamba kushimbwila ndoo muze Mwene Yesu makeza. Iye makasolola mu pangu yuma yize yahengamine mu milima, makasolola manyonga waze ahengamine mu mbunge ja atu. Mba Zambi makachichimieka mutu ni mutu chize chinalite.

Shimbi 32:29

Nyi te kaali akwa mana kachi maanyingika, mumu yika haanonga, kachi maamona kama songo lio.

Hebreu 4:13

Mutu kahashile kuswekela Zambi Chuma nichimwe. Zambi kakumona yuma yeswe, mumu yuma yeswe kuyakusoloka zwalala, kuyishi kuswama ku meso jenyi. Kuli iye mutukalumbununa yuma yeswe yize twalingile.