Hosea 7:1 - Mukanda Wa Zambi 1970

¹ “Muze nakuzanga kuwuka atu jami Aisraele ni kwawahisa nawa, hindu nakumona lume ungulungulu wo ni yibi yize akulinga. Kaakuhanjeka mahuza mukachi ko, kaakulokola mazuwo ni kwiya, kaakwiya yuma ya atu mu majila.

MUKANDA USANDU WA ZAMBI 1975

¹ Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Hosea 7:1 Iomraidhean Croise

Izaya 28:1

Wanangana wa Israele, lamba liawo! Uhenya wawo uli ngwe yipangula ya yitemo yize yinatemuka ku mitwe ya tetekeli jo yizenge. Haalisa maji a vumba libema ku mitwe yo ya kulengumuka, alioze kaanabombo mu fufuta, haazengewa.

Izaya 59:12

“Mwene Zambi tuli ni yitela yinji kuli yena. Milonga yetu yinatuhisa. Tunachinyingika kanawa.

Izaya 59:13

Hitunakukatukila, hitunakwehuka, hitunalitunu kukukaula. Hitunabinjisa atu akwo, hitunakumbu nyima. Tuli ni manyonga a uhepuke; ni maliji jetu kaali a mahuza.

Izaya 59:14

Ubatwilo uze unalite wakuhi. Ululi, ni umwenemwene, ni kutuwika cha mbunge kuyishiko.

Jeremia 51:9

Yilambala waze te atwama ko yaamba ngwo: ‘Yitweseka kuwuka Babilonia, alioze kuma te tangwa hiliabalika. Haliabwila tumuhichikenu, tuhilwoke ku mahietu. Zambi, ni ndundo jenyi jeswe, hamwesa Babilonia lamba, hamwenyeka liakulu.’ ”

Ezekiel 16:46

“Yayenu kali Samaria wa ku norde, ni ye yihunda yenyi. Mwanakwenu, ni ye yihunda yenyi, kali Sodome ku sude.

Ezekiel 23:4

Mukulwana jina lienyi Ohola, mwe Samaria; kanuke jina lienyi Oholiba, mwe Yerusaleme. Yingwambata eswe aali, yingusema no ana.

Ezekiel 24:13

Yerusaleme, yitanga ye ya utanji hiyakuchisa. Chibwe nesekele kukubemesa hindu hiunabu mukwa luchisa. Kuuchi kubema nawa ndoo wamona tachi jeswe ja ufwatulo wami.

Hosea 10:5

Atu waze atwama mu limbo lia Samaria maakevwa woma, maakalila ha kutoka cha kuji a ngombe wa oru wa ku Betele. Ayo ni e mahako waze akuwayila hamba yoze, maakamulilila mbimbi muze uhenya wenyi wa oru haauchiza.

Hosea 11:12

Mwene Zambi kanambe ngwenyi: “Aisraele haanangujingilika ni mahuza ni kwonga, ni Ayuda kaakunyongonona kulimika ni yami, Zambi wa kushishika kanda munangi.

Hosea 11:8

“Aisraele, ngwe kuchi ngunahase kunwehuka? Ngwe kuchi ngunahase kunwecha? Munguhasa kunwonona ngwe chize nonwene Adma, nyi? Chibwe kunulinga ngwe chize nalingile Zeboime, nyi? Mbunge yami kuyangutayijile ko kuchilinga! Nakunuzanga kuhiana.

Hosea 12:1

Yuma yeswe yize Aisraele akulinga chize ku chichamene ndoo ku chingoloshi yili yamokomoko ni yakwenyeka. Kaakwokesa mahuza ni upupilo. Kaakulinga Usendo ni kulilanjisa yuma ni akwa Egiptu.”

Hosea 12:2

Mwene Zambi kanasumu Ayuda mulonga. Makamwesa Aisraele lamba mumu ha yitanga yo. Makaafweta nikulita ni yitanga yo.

Hosea 4:17

Aisraele haanalinungu ni mahamba. Echenu kwo.

Hosea 4:2

Mumu kaakulakenya alioze keeshi kulinga; kaakuhanjika mahuza, kaakushiha, kaakwiya, kaakulinga utanji, kaakulikokela yitela ni kumwanga manyinga.

Hosea 5:1

“Yenu mahako ja Zambi, banjikenu! Yenu Aisraele, ivwenu! Yenu akwa jiko lia wanangana, halakanenu! Yenu chatamba kubatula ni ululi, alioze eswe nuli ni uhiso! Hinwabwa muheto ku limbo lia Mizpa, ni Wanda wakuta ha mulundu wa Tabore,

Hosea 6:4

Alioze Mwene Zambi kanambe ngwenyi: “Ayenu Aisraele ni Ayuda, ngunulinge kuchi? Nunanguzange lume shimbu likepe, ngwe mbundu ya chichamene yize yinajimuka nikawashi, ngwe mume uze wakulukumuka muze tangwa hiliavumbuka.

Hosea 7:13

“Lamba lio! Haangwehuka, haangulituna. Kumaakafwa. Nazangile kwalamwina, alioze uwayilo wo uli wa ulembekese.

Hosea 8:5

Hingunavutwokela kuji a ngombe wa oru yoze akuwayila akwa limbo lia Samaria. Nguneevwila ufwatulo unji. Ndoo tangwa lika maakecha kuwayila mahamba jo?

Hosea 8:9

Kaali akwa pami ngwe yimbulu a mu yambu. Haanayi mu jila yo ene. Haanayi kuli Asuria ni kwakamba aakwase. Aisraele haalilanjisa kuli atu akwo ngwe chize akulinga pwo chitanji.

Amose 3:10

Mwene Zambi kanambe ngwenyi: “Atu wano kaakuzalisa mazuwo jo anene anene ni yuma yize anjile ni wiji ni kulwa. Keeshi kunyingika kulinga kanawa.

Amose 3:9

Ambulwilenu waze atwama mu mazuwo ja mawanangana mu chifuchi cha Egiptu ni mu limbo lia Ashdode ngwenu: “Kungulukenu ha milundu yize yinajingilika Samaria, hanga nukevwe chizungozungo, nukamone chize akubinda.”

Amose 8:14

Atu waze akulishinga ni mahamba ja mu limbo lia Samaria, waze akwamba ngwo: ‘Ni Zambi ya Dan’, hanji, ‘Ni Zambi ya Bersheba — atu waze maakalimbuka, keechi kahinduka nawa.’ ”

Mika 6:16

Yino yeswe muyikabwa mumu nwakawile ndako jibi ja mwanangana Omri, ni ja mwanenyi Ahabe. Nwembulwile ndako jo, kashika mungukanumwesa lamba, atu eswe maakanulelesa. Sali ni sali atu maakanusaula.”

Mateu 23:37

“Yerusaleme, Yerusaleme! Yena wakushiha akwa munanyi a Zambi, wakwasa mawe waze Zambi akukutumina! Yisuho yibwa haha nazangile kukungulula atu je ngwe chize chali cha kasumbi akukungulula ana jenyi mu mapulwa jenyi, alioze kunwachitayijile!

Luka 13:34

“Yerusaleme, Yerusaleme! Yena wakushiha akwa munanyi a Zambi, wakwasa mawe waze Zambi akukutumina! Yisuho yibwa haha nazangile kukungulula ana je, ngwe chize chali cha kasumbi akukungulula ana jenyi mu mapulwa, alioze kunwachitayijile!

Luka 19:42

nikwamba ngwenyi: “Nyi wanyingikine, chibwe musono uno, yuma yize muyihasa kukwaha uhwimino! Alioze haliabwila yinaswamana ku meso je!