Hosea 4:5 - Mukanda Wa Zambi 1970

⁵ Ufuku ni mwalwa nwakutalinga, ni akwa munanyi nawa keeshi kulinga yibema. Kashika mungukonona mwe noko Israele.

MUKANDA USANDU WA ZAMBI 1975

⁵ Munutalinga ha mwalwa, ni profeta matalinga hamwe ni yenu ha ufuku. Mungwonwona noko.

Hosea 4:5 Iomraidhean Croise

Izaya 50:1

Mwene Zambi kanambe ngwenyi: “Nunanyongo ngwenu, hinunahange atu jami ngwe chize lunga akuhanga pwo lienyi, nyi? Mba yilihi ye mikanda yakulakwila? Nunanyongo ngwenu, nanulanjishile mu undungo, ngwe chize mutu akulanjisa ana jenyi ngwe ndungo, nyi? Ka, nwayile mu undungo mumu ha milonga ya yenwene; nanuhumine mumu ha yitela yenu.

Jeremia 15:8

Mu chifuchi chenu himwabwa tuliwa anji ngwe masekeseke ku mbumbulu ya kalunga lwiji. Hinashiha akweze jenu waze te achili ni tachi jo, ni kumwesa anaye lamba. Susumuku yingwamwesa lamba ni mwongo.

Jeremia 23:9

Ngunevu chinyengo mu mbunge, ngunachikima. Nguli ngwe mutu yoze unazengewa, yoze hanwa vinyu yinji, mumu hali Mwene Zambi.

Jeremia 50:12

Alioze limbo lienu linene kumulikeha, mulivwa sonyi. Babilonia kumabwa mulelu kuhiana mavungu eswe; kumabwa puya yamokomoko.

Ezekiel 14:3

“Mwana mutu, atu wano haanalikunjika ku mahamba, kaakutayiza mahamba kwavulumwisa. Kuma kaananyongo ngwo, mungwakumbulula, nyi?

Hosea 2:2

Ana jami, lembejekenu noko, chibwe hi pwo liami ko nawa, ni yami hi nguli nawa lunga lienyi ko. Mulembejekenu alitwamine kulinga utanji.

Hosea 5:5

Kulengumuka cha Aisraele chakwahisa ayo ene. Milonga yo yinaatalingisa ni kwali mbwisa, ni Ayuda kaakulimbuka hamwe no.

Zakaria 11:8

Ha kakweji umuwika nachiijile tufunga akwo atatu, mumu te kaakunguvutwokela.

Zakaria 13:2

Ha matangwa waze mungukachiza majina ja mahamba mu chifuchi, niumwe kechi keewuluka nawa. Mungukahuma eswe waze akuzanga kulipwisa akwa munanyi ni akuzanga kukombelela mahamba.

Galashia 4:26

Alioze Yerusaleme, limbo lize lia mwilu, liabwa mwenyaho, mwe mama yetu.