Hosea 4:3 - Mukanda Wa Zambi 1970

³ Kashika chifuchi muchikoma chau, ni waze eswe atwama mo kumaakafwa. Tushitu eswe a mu yambu, ni tujila, ni yishi kumaakafwa.”

MUKANDA USANDU WA ZAMBI 1975

³ Kashika chifuchi chinalinyenge, ni waze eswe atwamamo kanahongo, ni tushitu a mu yambu nawa, ni tujila a mu tetela, ni chipwe yishi a mu kalunga-lwiji kanaachiza.

Hosea 4:3 Iomraidhean Croise

Izaya 33:9

Mu minda keeshi kulima mo nawa; kumushi atu. Usaki wa Libano hiwalela, chikulo cha chinuno cha Sharone hichalumuka puya, mu chifuchi cha Bashane ni ha mulundu wa Karmele mafwo haaholwoka ku mitondo.

Jeremia 12:4

Chifuchi chetu ndoo tangwa lika muchuma? Mwambu wa mu minda yeswe ndoo tangwa lika muukoma? Tushitu ni tujila kaakufwafwa mumu ha ungulungulu wa atu jetu, e atu kaakwamba ngwo: “Zambi kechi kumona yize twakulinga.”

Jeremia 23:10

Che chifuchi hichazala ni atu waze haalituna Mwene Zambi; Kaali yitanganyanyi, mu chiyulo cho kaakulinga lume yibi. Mumu ha Shingo lia Mwene Zambi, chifuchi chinabinji, ulishilo hiwoma chau;

Jeremia 4:25

Yingumona ngwami kuheshi atu; chibwe tujila haachina.

Jeremia 9:10

Yingwamba ngwami: “Mungunenganyana mumu ha milundu, mungulila mumu ha ulilo wa yimuna, mumu yeswe hiyoma; niumwe wakuhi unendangana mo. Ngombe keeshi kuteta mo nawa, tujila ni tushitu a mu yambu haachina mo.”

Jeremia 9:9

Kuma kuchatambile kwamwesa lamba mumu ha yuma yino, nyi? Kuma chichi kukala milonga ha vungu ngwe lino, nyi? Yami Mwene Zambi nachamba.”

Ezekiel 38:20

Yishi ni tujila, ni tushitu anene ni akepe eswe, ni atu a hashi heswe maakachikima ni kungwivwila woma. Milundu muyikabuzuka, mawe maakafwenwoka, ni yipanga yeswe ya mawe muyikabujeka.

Joele 1:18

Ngombe kaanendangana ni kuteta mumu keeshi ni haze maalia; chibwe yendo ya mapanga kaanamono lamba.

Amose 1:2

Mukwa munanyi wa Zambi Amose kanambe ngwenyi: “Mwene Zambi kanakulunguza ha mukinda wa Zione, liji lienyi linahiohio ku limbo lia Yerusaleme. Mwambu wa yimuna hiwoma, mashinde ha mulundu wa Karmele haachiluluka.”

Amose 5:16

Kashika Mwene Zambi Mukwa Ndundo Jeswe kanambe ngwenyi: “Mu majila eswe a mu limbo atu maakalila mbimbi, maakambamba ngwo: ‘Mama yami! Mama yami!’ Maakatambika chibwe njimi ha kulila afu hamwe ni waze akutambula fweto ya kulila.

Amose 8:8

Kuma hashi kuhechi kanyika, nyi? Mutu mweswe mu chifuchi kechi kanenganyana, nyi? Chamwenemwene, hashi heswe muhakanyikumuka, muhakazunduka ni kunyikumuka ngwe lwiji wa Nile.

Nahume 1:4

Kakwambila kalunga lwiji, mba moma chau! Kakumisa njiji. Yambu ya Bashane yinalele, mulundu wa Karmele unomu, yitemo ya Libano yinalekama.

Zefania 1:3

atu, ni tushitu, ni tujila, ni yishi. Mungulimbula yingulungulu. Mungwonona akwa hashi eswe, kuhechi kusala mukwa mwono niumwe. Yami Mwene Zambi nachamba.

Zakaria 5:4

Mwene Zambi Mukwa Ndundo Jeswe kanambe ngwenyi: ‘Mungumwangina Shingo lize kweswe; mulikanjila mu zuwo lia mwiji mweswe ni lia yoze wakulishinga ni mahuza. Mulikanjila mu mazuwo jo ni kwenyeka mo.’ ”