Hosea 4:2 - Mukanda Wa Zambi 1970

² Mumu kaakulakenya alioze keeshi kulinga; kaakuhanjika mahuza, kaakushiha, kaakwiya, kaakulinga utanji, kaakulikokela yitela ni kumwanga manyinga.

MUKANDA USANDU WA ZAMBI 1975

² Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Hosea 4:2 Iomraidhean Croise

Ubutukilo 4:8

Mba Kene yambila mwanakwo Abele ngwenyi: “Tuye ni kwendangana hakepe.” Muze haaheta mu munda, Kene yatumbukila mwanakwo, yamushiha.

Izaya 24:5

Atu haanabihisa hashi mumu haakolema Shimbi ja Zambi ni haashiha Usendo wa miaka yeswe uze Zambi akolesele no.

Izaya 48:1

Banjikenu yenu Aisraele, yenu vungu lia Yuda. Yenu nwakulishinga ni jina lia Mwene Zambi, nwakwamba ngwenu, nwakuwayila Zambi ya Aisraele, alioze mahuza jenu.

Jeremia 51:5

Yami, Mwene Zambi Mukwa Ndundo Jeswe, chehukile ko Aisraele ni Ayuda, chibwe haananguvulumuna yami, Munangi wa Aisraele.

Jeremia 6:7

Ngwe chize shima liakufunga meya jalio akekema, Chenacho nawa Yerusaleme akufunga ungulungulu wenyi. Ngunevu upupilo ni kwonona mu limbo; ngunamono shina misongo ni yilonda.

Lungungu 4:13

Alioze chino chabwile mumu akwa munanyi jenyi yaavulumuna, ni mahako jenyi yaashihisa waze te keeshi yitela.

Ezekiel 7:23

“Yuma yeswe yinabinji. Mu chifuchi cheswe kaakushiha atu; mu membo muli upupilo.

Hosea 10:13

Alioze nwatumbile ungulungulu, yinuhela mihuko yawo. Hinunali mihuko ya ku mahuza jenu. “Mumu nwakujikijila ha matemba jenu ni unji wa tujita twenu,

Hosea 10:4

Kaakwokesa maliji amokomoko, kaakulakenya alioze keeshi kuyilinga, kaakukolesa Usendo alioze kuushi kulinduluka. Ululi hiwalumuka uhenge, hiwoka ngwe mihuko ya ulembe mu mihanga yakulima.

Hosea 11:12

Mwene Zambi kanambe ngwenyi: “Aisraele haanangujingilika ni mahuza ni kwonga, ni Ayuda kaakunyongonona kulimika ni yami, Zambi wa kushishika kanda munangi.

Hosea 12:14

Aisraele yasosomba Mwene Zambi atenuke, yaalikokela kufwa mumu ha milonga yo. Mwene Zambi makaamwesa lamba mumu amulelesele.

Hosea 5:2

ni wina usuku ku limbo lia Akasia; yenu eswe mungukanumwesa lamba.

Hosea 6:8

Limbo lia Gileade linazala ni ungulungulu ni yingalwe.

Hosea 6:9

Mahako haalumuka mbunga ya eji waze akutwaminyina atu. Chibwe mu jila ya kuya ku Shekeme, kuma kwa chijila, kaakushihila ko atu, kaakulikunjika lume alinge yibi.

Hosea 7:1

“Muze nakuzanga kuwuka atu jami Aisraele ni kwawahisa nawa, hindu nakumona lume ungulungulu wo ni yibi yize akulinga. Kaakuhanjeka mahuza mukachi ko, kaakulokola mazuwo ni kwiya, kaakwiya yuma ya atu mu majila.

Hosea 7:3

Mwene Zambi kanambe ngwenyi: “Atu kaakwonga mwanangana ni akwa lutwe jenyi mu punga jo.

Hosea 7:4

Eswe kaali yihulia. Usolo wo ubi uli ngwe jiko lia kahia lize akwochela mbolo, lize mwe mukwa kwocha mbolo kahashile kulisosela nawa ndoo ni muze mwaha hiwafutunuka.

Mika 3:2

hindu nwakuvutwokela ululi, nwakuzanga ungulungulu. Nwakuzunwona atu jami ni mwono wo ni kusunwona misunya ya ku yifwaha yo.

Mika 3:9

Yenu miata ja Aisraele, ngubanjikenu yenu waze nwakuvutwokela ululi ni kwalumuna yibema kubwa yibi.

Mika 6:10

Mu mazuwo ja yingulungulu kumuli ubite uze atambwile ni uhenge. Kaakulinga ni yeseko ya mahuza, yuma ngwe yize nakuyivutwokela.

Mika 7:2

Mu chifuchi kumwasalile nawa niumwe mukwa kutuwika mu mbunge, niumwe yoze wakulemesa Zambi. Atu eswe kaakufupa kushiha akwo, kaakuzomba enyembo jo hanga aashihe.

Zefania 3:1

Akwa Yerusaleme lamba lio, limbo ha uhenge ni lia uhulia lize Wakubinjisa atu jenyi mwene.

Zakaria 5:3

Mba yangwamba ngwenyi: “Ha mukanda uze hanasonewa Shingo lize mulitanda mu chifuchi cheswe. Ku sali limwe lia chivungo kunasonewa ngwo, mweswawo meya, maamuhuma mu chifuchi; ku sali likwo linasonewa ngwo, mweswawo malishinga ni mahuza, maamuhuma.

Zakaria 7:9

“Ku shakulu nahanyine Shimbi jino kuli atu jami ngwami: ‘Chanutamba kubatula milonga ni ululi, ni kulilweza utu ni keke umwe ni mukwo.

Mateu 23:35

Chenacho lamba munukabwa nalio mumu ha manyinga ja akwa ululi waze amwanganyine hashi keeshi chitela, chize ku manyinga ja mukwa ululi Abele ndoo ku manyinga ja Zakaria, mwana wa Barakia, yoze nwashihile hakachi ka zuwo lia Zambi ni chilumbilo cha mulambu.

Yilinga 7:52

Hakachi ka akwa munanyi a Zambi, iya tushakulu twenu kaahungumionene ko kama? Yaashiha akwa munanyi waze ambujolele shimbu kanda hakutwala ku kwiza cha Mukwa Ululi. Ni haliabwila hinunamukunjika kuli akwa kole jenyi, hinunamushihi.

Shimbi 5:11

“ ‘Kanda uvuluka jina lia yami Mwene Zambi, Zambi ye, ni kaleleso, mumu chichi kasambisa yoze malelesa jina liami.

Shimbi 5:18

“ ‘Kanda Ulinga utanji.

Shimbi 5:19

“ ‘Kanda wiya.

1 Tesalonika 2:15

Enoo ashihile Mwene Yesu ni akwa munanyi a Zambi, yaatuhungumiona nawa yetu. Keeshi kubemena kuli Zambi. Kaakulimika ni atu eswe.

Usolwelo 17:6

Yingumona pwo yoze te hazengewa ni manyinga ja akwa Kristu, ni manyinga ja waze ashihile, mumu ha kushishika cho mu kuliendela ni Yesu. Ha kumumona yingulishimwoka kuhiana.