Hosea 4:1 - Mukanda Wa Zambi 1970

¹ Mwene Zambi kanasumu atu a mu chifuchi mulonga. Yenu Aisraele, banjikenu, yize anambe Mwene Zambi ngwenyi: “Mu chifuchi kumushi ululi ni zango; atu kaanyingikine Zambi.

MUKANDA USANDU WA ZAMBI 1975

¹ Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 4:1 Iomraidhean Croise

1 Yitanga Ya Mianangana 22:19

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

Miaso (Masamu) 81:9

Kanda nulingila mazambi eka, chibwe kwawayila, shina yami.

Izaya 1:10

Yerusaleme, akwa lutwe je ni atu je kaali ngwe Sodome ni Gomora. Banjikenu yize Mwene Zambi ananwambe. Kanyamenu ku yize Zambi yenu ananulongesa.

Izaya 1:18

Mwene Zambi kanambe ngwenyi: “Tweyenu haliabwila tulivwe, chibwe milonga yenu yachila naye ngee, kumuyibwa yitoma ngwe chiwe. Chibwe yibeka yenu ya mu mbunge yahiana naye kuchila, kumuyibwa yitoma ngwe Wanda.

Izaya 28:14

Haliabwila yenu akwa kulenya waze nwayula muno mu Yerusaleme, banjikenu chize anambe Mwene Zambi.

Izaya 34:1

Tweyenu yenu akwa mavungu eswe! Kungulukenu, nubanjike. Hashi heswe ni eswe waze nwatwama mo, tweyenu nubanjike.

Izaya 34:8

Lino lili tangwa lize Mwene Zambi makalamwina Zione ni kumukala kuli akwa kole jenyi.

Izaya 5:3

Kashika sepa liami yamba ngwenyi: “Yenu akwa Yerusaleme ni Ayuda, batulenu hakachi ka yami ni munda wami wa vinyu.

Izaya 59:4

Nwakuya ku chota, alioze kunushi kusopa ni ululi. Nwakuhanjika mahuza ha kulisambisa. Nwakwaka uhuka ni kusema Vunda.

Izaya 59:8

Nyi nuli hakamwihi, niumwe mabwa mu uhwimino; yeswe yize nwakulinga yili ya uhenge. Nwakukaula jila ja uhenge; waze nwakuyikaula kunushi kubwa mu uhwimino.

Izaya 66:5

Banjikenu yize Mwene Zambi anambe, yenu waze nwakumulemesa ni kumwononokena. Ngwenyi: “Amwe a kuli atu jenu kaakunuvutwokela, mumu nwakushachila hali yami. Kaakunuseha ni kwamba ngwo: ‘Mwene Zambi asolole unene wenyi, anulamwine, mba tumone chize nunawahilila.’ Alioze ayo ene kumaakevwa sonyi!

Jeremia 11:7

Muze watuhwishile tushakulu two mu Egiptu yingwakanyamisa hanga angwononokene, nakwakanyamisa ndoo ni musono.

Jeremia 19:3

Mwene Zambi yangulweza ngwenyi, amba ngwe: “Yenu mianangana ja Ayuda ni akwa Yerusaleme, banjikenu chize yami Mwene Zambi Mukwa Ndundo Jeswe, Zambi ya Israele, ngunambe. Munguneha lamba liahiana homa hano; mweswawo machivwa malishimwoka.

Jeremia 2:4

Yenu vungu lia Israele banjikenu ku maliji a Mwene Zambi.

Jeremia 2:9

“Chenacho yami Mwene Zambi, mungusuma nawa atu jami mulonga. Mungusuma nawa akwa vungu lie mulonga.

Jeremia 25:31

liji kumaalivwa ku mambango eswe a hashi. Mwene Zambi kali ni chikuma cha kusuma nacho mavungu. Kumabatwila atu eswe, yingulungulu kumaashiha. Mwene Zambi wachamba.’ ”

Jeremia 34:4

Mwanangana Zedekia, banjika yize ngunambe. Keechi kukushihila mu jita.

Jeremia 4:22

Mwene Zambi kanambe ngwenyi: “Atu jami kaali yihepuke; kaangunyingikine. Kaali ngwe yihepuke ja ana; keeshi malinjekela. Kaali ni mana akulinga ungulungulu, alioze kaali akwa ngwaza ha kulinga yibema.”

Jeremia 4:28

Hashi muhanenganyana; lilu mulikalaa bwii. Mwene Zambi hanambe; kechi kalumuna manyonga jenyi. Hanabatula, kechi kwalumuna.

Jeremia 5:4

Mba yingunyonga ngwami: “Wano kaali lume yiswale, keeshi mana. Kaali kwo yihepuke, kaanyingikine jila ya Zambi yo, ni Shimbi jenyi.

Jeremia 51:5

Yami, Mwene Zambi Mukwa Ndundo Jeswe, chehukile ko Aisraele ni Ayuda, chibwe haananguvulumuna yami, Munangi wa Aisraele.

Jeremia 6:13

Atu eswe anene ni akepe, kaaneseka kufumbula mbongo ni uhenge; chibwe akwa munanyi ni mahako kaakwonga atu.

Jeremia 7:28

Muwaalweza ngwe, vungu lio keeshi kungwononokena, yami Mwene Zambi yo, hanji kulilongesa ku lamba lio. Umwenemwene hiunahu, hikeechi kuta nawa pande.

Jeremia 9:20

Yingwamba ngwami: “Yenu mapwo, banjikenu kuli Mwene Zambi, kanyamenu ku maliji jenyi. Longesenu ana jenu a mapwo kulila mbimbi, ni masepa jenu kwimba miaso yakulinyenga nayo.

Jeremia 9:3

Kaakuzanga kuhanjika mahuza matangwa eswe, kaakuyula chifuchi ni uhenge, hi ni umwenemwene ko. Mwene Zambi kanambe ngwenyi: “Atu jami kaakuwezela yibi ha yikwo, keeshi kutayiza ngwo, nguli Mwene Zambi yo.”

Jeremia 9:7

Kashika Mwene Zambi Mukwa Ndundo Jeswe kanawezela ngwenyi: “Mungubemesa atu jami ngwe chize akubemesa utale, mungweeseka. Atu jami haanavulumuna, mba chika chikwo munguhasa kulinga kuli ayo?

Ezekiel 16:35

Kashika Yerusaleme, yena chitanji, banjika chize anambe Mwene Zambi.

Hosea 12:2

Mwene Zambi kanasumu Ayuda mulonga. Makamwesa Aisraele lamba mumu ha yitanga yo. Makaafweta nikulita ni yitanga yo.

Hosea 12:3

Kashakulu ko Yakoba yaasemuka pasa ni yayo Esau. Muze ayo eswe te achili mu jimo lia naye yaalitachika. Muze Yakoba hatatuka yalitachika nawa ni Zambi,

Hosea 5:1

“Yenu mahako ja Zambi, banjikenu! Yenu Aisraele, ivwenu! Yenu akwa jiko lia wanangana, halakanenu! Yenu chatamba kubatula ni ululi, alioze eswe nuli ni uhiso! Hinwabwa muheto ku limbo lia Mizpa, ni Wanda wakuta ha mulundu wa Tabore,

Hosea 5:4

Ungulungulu uze atu haanalingi unaakinji ha kuhiluka kuli Zambi yo. Mahamba kaakwayula, atu kaasolo kutayiza Mwene Zambi.

Joele 1:2

Yenu tushinakaji a malunga kanyamenu, mutu mweswe mu Yuda, banjika. Hinunamono kama Chuma chino ha matangwa jenu chibwe ha matangwa ja tushakulu twenu, nyi?

Amose 3:1

Yenu Aisraele, eswe waze Zambi hanaapulula mu chifuchi cha Egiptu, banjikenu maliji waze Mwene Zambi hahanjika hakutwala kuli yenu.

Amose 7:16

Banjika maliji a Mwene Zambi: yena unangwambe ngwe: ‘Litwamine kulongesa maliji a Zambi ni kulimika ni Aisraele.’

Mika 6:2

Yenu milundu, yenu fundamentu jeswe ja hashi, banjikenu ku kusuma cha Mwene Zambi! Mwene Zambi kanasumu atu jenyi. Kumasuma Aisraele mulonga.

Yoano 8:55

Kunwamunyingikine nilimwe tangwa, alioze yami ngunamunyingika. Nyi mungwamba ngwami, chamunyingikine, mungubwa mukwa mahuza ngwe yenu. Alioze ngunamunyingika, ni nakwononokena liji lienyi.

A-ROMA 1:28

Kaakulituna chinyingi cha umwenemwene hakutwala kuli Zambi. Kashika Zambi wakwakunjika ku manyonga a kulumbuka ha kulinga yuma yize kuyalitele.

1 Korintu 15:34

Bwenu ni manyonga abema ngwe chatamba. Ehukenu kuvulumuna. Amwe hakachi kenu kunwanyingikine Zambi. Ngunambe chino ha kunukolesa sonyi.

Usolwelo 2:11

“Yoze uli ni matwi, evwe yize Mwiku wa Linanga unambila Yikungulwila! “Yoze makumba kechi kafwa nawa ku kufwa cha muchaali.”

Usolwelo 2:29

“Yoze uli ni matwi, evwe chize Mwiku wa Linanga unambila Yikungulwila.”