Hosea 3:5 - Mukanda Wa Zambi 1970

⁵ Alioze tangwa kumulikeza lize Aisraele maakahiluka nawa kuli Mwene Zambi, Zambi yo, ni kuli umwe wa ku vungu lia David mwanangana wo. Mba maakalemesa Mwene Zambi ni kutambula yawana yenyi yibema.

MUKANDA USANDU WA ZAMBI 1975

⁵ Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Hosea 3:5 Iomraidhean Croise

1 Yitanga Ya Mianangana 12:16

Muze atu haamona ngwo, mwanangana kasolo kweevwa, yaamukumbulula ngwo: “Yetu ni akwa jiko lia David kukwahwa! Chuma chika chibema mwana wa Jese atulingilile kama? Yenu Aisraele, hilwokenu kwenu ku mahiahia jenu! Rehoboame lilingile koko wanangana we!” Chenacho Aisraele akatukilile mwanangana Rehoboame.

Izaya 17:7

Ha tangwa lize atu maakatewulukila kuli Tangi yo, Zambi Munangi wa Aisraele.

Izaya 2:2

Ha matangwa akusula mulundu wa zuwo lia Zambi muukabwa mulundu usuku kuhiana milundu yikwo yeswe. Mavungu anji maakeza ko;

Izaya 2:3

mba maakamba ngwo: “Tukandukenu ha mulundu wa Mwene Zambi, ku zuwo lia Zambi ya Aisraele. Makatulongesa chize anazange tulinge; mutukendangana mu majila jenyi. Mumu longeso lia Mwene Zambi liakukatuka ku Yerusaleme, ku Zione kakuhanjika ni atu jenyi.”

Izaya 60:5

Muukachimona ni muukawahilila, muukalikwiza kuhiana. Makakunehena ubite wa mavungu. Ubite wo muukejilila kusuku mu sali lia kalunga lwiji.

Izaya 9:13

Alioze Aisraele kaasolo kwalumuka ku mbunge. Chibwe Mwene Zambi Mukwa Ndundo Jeswe haanamwesa lamba, hindu kaasolo kuhiluka kuli iye.

Jeremia 23:5

Mwene Zambi kanambe ngwenyi: “Tangwa kulineza lize mungukatongola mwanangana umwe wa ululi, wa ku vungu lia David. Mwanangana yoze makayula ni mana, makalinga ni ululi ni yize yinalite mu chifuchi.

Jeremia 30:9

Alioze maakalingila yami Mwene Zambi, Zambi yo, ni umwe mutu wa ku vungu lia David, yoze mungukapwisa mwanangana.

Jeremia 33:17

Yami, Mwene Zambi, ngunambe ngwami, ku miaka yeswe mu vungu lia David kumuchi kahona mutu yoze makabwa mwanangana wa Aisraele.

Jeremia 33:9

Yerusaleme mulikabwa limbo lia chiseke, ni ulemu, ni liakuchichimieka nalio. Mavungu eswe a hashi kumaakevwa woma, kumaakachikima muze maakevwa yuma yibema yize hinalinga akwa Yerusaleme, ni chize hinaayukisa.”

Ezekiel 16:63

Mungukakukonekena yibi yeswe yize walingile, alioze yena muukayiwuluka ni kuyivwila sonyi. Muukahola lume kuluu.” Mwene Zambi wachamba.

Ezekiel 38:16

Muukalimika ni atu jami Aisraele ngwe chize kangonga akuhuhwa mu chifuchi. Muze tangwa mulikeza, mungukakutuma ni kunjila mu chifuchi ni tachi ni kulweza mavungu chize ngubwa, ni kwalweza ulinange wami mu yuma yize yena Goge muukalinga.

Ezekiel 38:8

Kulutwe lia yimwe miaka mungukamwaha Shimbi akalimike ni akwa chifuchi chimwe waze akatukile ku mavungu anji eka ni eka, te keeshi woma wa jita. Maakanjila ni tachi mu chifuchi cha milundu ya Israele, chize chabwile puya ni chahululu matangwa anji, alioze haliabwila atu kwenako anatwama mu uhwimino.

Daniel 10:14

Hineza ni kukulumbunwina kanawa yize muyikeza hali atu je kulutwe. Uno we Usolwelo wa yuma yize muyikeza ho.”

Daniel 2:28

Alioze kwali umwe Zambi ya mwilu yoze wakusolola yijimbikilo. Halianga kununyingikisa yize muyikabwa kulutwe. Haliabwila mungunulumbunwina chilota chenu ni we Usolwelo hinwamona muze te nuli mu tulo.

Hosea 1:11

Ayuda ni Aisraele maakalikunda nawa. Mba maakatongola umwe mukwa lutwe, no maakawaha, maakoka nawa mu chifuchi cho. Ewa tangwa lia Jezrele mulikabwa tangwa linene!

Hosea 11:10

“Atu jami maakangukaula muze mungukatawoka ngwe tambwe kuli akwa kole jo. Maakatuka ku chitokelo ni kwiza fuji kuli yami nikuhwimashana.

Hosea 5:15

“Mungukehuka atu jami ndoo ni muze maakatayiza yibi yo, mba maakahiluka ni kungufupa. Mu lamba lio maakangufupa ni mbunge yeswe.”

Hosea 5:6

Kaakwanda mapanga jo ni ngombe jo hanga alambule mulambu kuli Mwene Zambi, alioze kuyichi kwakwasa. Keechi kumuwana, mumu hakatuka kulu kuli ayo.

Hosea 6:1

Aisraele kaanambe ngwo: “Tuhilukenu kuli Mwene Zambi! Hatulamba, alioze kumatuwuka; hatulemeka yilonda, alioze kumayikasa. Hi chocho ko, nyi?

Amose 9:11

Mwene Zambi kanambe ngwenyi: “Tangwa mulikeza muze mungukahilwisa wanangana wa David, uze uli ngwe zuwo lize habuzuka. Mungukalulika mambango jalio ni kujibemesa. Wanangana uze mungukaubemesa ni kuupwisa ngwe hatangu.

Mika 4:1

Ha matangwa akusula mulundu wa zuwo lia Zambi muubwa mulundu usuku kuhiana milundu yikwo yeswe. Mavungu anji maakeza ko;

Kwalula 24:14

Balame yambila Balake ngwenyi: “Haliabwila ngunahiluka kuli atu jami, alioze shimbu kanda nguchiya, ngunakutoweza chize Aisraele maakalinga kuli atu je.”

A-ROMA 11:25

Akwetu, ngunanunyingikisa chijimbikilo chino, kuchina munulinyonga ngwe nuli akwa mana. Chijimbikilo chino ngwo kukala cha mbunge ja Aisraele hi cha matangwa eswe ko. Alioze maakasala chizechene ndoo kwoka cha mavungu akwo hichazuka.

A-ROMA 2:4

Hanji unalelesa kulumbama cha utu wa Zambi, ni uhumikizo ni uhomboloji wenyi, nyi? Kuwanyingikine ngwe, utu wa Zambi unatambe kukutwala ku kwalumuka cha mbunge ye, nyi?

Shimbi 4:30

Muze munukamona lamba, ni yuma yino yeswe muyikanuwana munukahiluka kuli Mwene Zambi ni kumwononokena.