Hosea 3:4 - Mukanda Wa Zambi 1970

⁴ Kulumbunuka ngwo, Aisraele matangwa anji maakabalika, maakahona mianangana ni akwa kuyula, chibwe milambu, hanji tumenga a mawe, chibwe mahamba, hanji ngombo.

MUKANDA USANDU WA ZAMBI 1975

⁴ Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Hosea 3:4 Iomraidhean Croise

Ubutukilo 31:34

Kuma Rashele te hasweka mahamba ja tato mu tuku ya musau wa kamelu, mba yatwama ho. Labane yabolongoza chinji mu zuwo lia Rashele, alioze kamwene ko nichimwe.

Ubutukilo 49:10

Lukanda wa wanangana kechi akatuka kuli Yuda, mbwechi ya mukwa kuyula keechi kayichiza ku vungu lienyi ndoo ni kuze mwenya yo makasoloka, yoze atu maakononokena.

2 Samuel 6:14

David yazala lume hina litoma lia chijila mu zalilo yenyi, yahangana kuhiana ni kuchichimieka Mwene Zambi.

1 MIANANGANA 23:24

Mwanangana Josia yakomba mu Yerusaleme ni mu chifuchi cha Yuda tahi eswe, ni yuma yeswe yize akwa mavungu akuwayila nayo. Yachilinga akamanunune maliji a Shimbi, waze asonewene mu mukanda uze hako Hilkia awanyine mu zuwo lia Zambi.

2 Sango Ja Mianangana 15:2

Neye yaya ni kutakana mwanangana Asa. Yakololoka ngwenyi: “Banjikenu kuli yami, mwanangana Asa, ni yenu eswe Ayuda ni Abenjamine! Mwene Zambi mabwa hamwe ni yenu nyi yenu munubwa hamwe nenyi. Nyi munumufupa munumuwana. Alioze nyi nwamumba nyima, neye kumanwehuka.

Kutuhuka 28:4

Ukaalweza akanuke mahina wano: chibwiko, ni chikuto chihi, ni chikulo chisuku, ni chikuto cha kwola, ni kapusa, ni muya. Akanukina yayenu Arane ni ana jenyi a malunga mahina hanga akangulingile milimo ya uhako.

Kutuhuka 28:6

“Akanuka chikuto chihi ni Wanda ulauluka, ni wa ufungo, ni uchila, ni mahina atoma alefuna a kwola ni Wanda wa oru.

Lungungu 2:9

Yajilo hiyanjila hashi, ni ye yikungo yayo hiyabatwoka. Mwanangana ni e alemu haliabwila kaali mu undungo. Hikeeshi kulongesa nawa Shimbi; akwa munanyi keeshi nawa ni Usolwelo wa kuli Mwene Zambi.

Ezekiel 19:14

Shina lia muvinyu yilikwata kahia; ke kahia yikocha mitango yawo ni mihuko. Mitango kuyichi kabwa nawa ni tachi, kuyichi kabwa nawa kanda ja mianangana. Uno uli umwe mwaso wa lungungu; atu te kaakwimba yisuho yinji.

Ezekiel 20:32

Hinunabatula kulu ngwenu, nunazange kulipwisa ngwe mavungu akwo, ngwe atu waze atwama mu yifuchi yikwo, waze akukombelela mitondo ni mawe. Alioze Chuma chize kuchahashile kubwa nichimwe.”

Ezekiel 21:21

Mwanangana wa Babilonia kanamanyina ku mutondo wa yinyingi ha makano. Ha kunyingika jila yize chamutamba kuya, kananyikisa mivwi yenyi, kanatahe; kanatale ku liayi lia kashitu yoze halambula mulambu.

Ezekiel 21:31

Munukamona ndundo ja ufwatulo wami, mungukanwalumukina ngwe milengi ya kahia. Mungukanukunjika kuli atu akalu waze maakanwonona.

Daniel 11:31

Amwe a kuli lujita twenyi maakajilula zuwo lia Zambi. Maakakanjisa atu kulambula milambu ya tangwa ha tangwa, maakamika Chipupu cha Kuvwisa Woma.

Daniel 12:11

“Chize ku tangwa lia kukanjisa milambu ya tangwa ha tangwa, kafwa ngwe, chize ku tangwa lia kusoloka cha Chipupu cha Kuvwisa Woma kumukukabwa matangwa 1,290.

Daniel 9:27

Mwe mukwa kuyula yoze makakolesa Usendo ni atu anji ha miaka shimbiali. Muze miaka yitatu ni yipinji hiyabalika, mba makasa songo lia yitapo ni milambu. Hohene Chipupu cha Kuvwisa Woma makachisa mu zuwo lia Zambi. Muchikabwa mo ndoo mwe yoze makachisa mo makaheta ku songo lienyi lize Zambi amululikilile.”

Hosea 13:10

Nwechile mwanangana ni akwa lutwe, alioze maahasa kulamwina chifuchi nyi?

Hosea 13:11

Nanuhele mianangana mu utenu wami, hingunaachiza nawa mu ufwatulo wami.

Hosea 2:11

Mungukasulisa yiwanyino yenyi yeka ni yeka, ya mwaka ha mwaka, ni ya kakweji ni kakweji, ni ya semana ni semana.

Alevi 8:7

Yajika Arone chikuto cha kwola ni chikuto chisuku, ni muya mu zalilo yenyi. Yamujika chikuto chihi ni kuchikasa ni muya wa kutunga ni utotombo mu zalilo yenyi.

Zakaria 10:2

Atu kaakuhula mahamba ni tahi, alioze kumbululo lio liakubwa lia mahuza kanda liamokomoko. Amwe kaakulumbununa yilota, alioze kaakuchilinga hanga apiangule atu. Kulembejeka cho chili chamokomoko. Kashika atu kaakwendangana ngwe mapanga waze keeshi kafunga. Kaali mu lamba mumu keeshi tetekeli.

Zakaria 13:2

Ha matangwa waze mungukachiza majina ja mahamba mu chifuchi, niumwe kechi keewuluka nawa. Mungukahuma eswe waze akuzanga kulipwisa akwa munanyi ni akuzanga kukombelela mahamba.

Luka 21:24

Maakashiha ni mukwale, maakatwala funge mu yifuchi yeswe. Mavungu akwo nwakaliata Yerusaleme ndoo tangwa lio mulikamanunuka.”

Yoano 19:15

Alioze yaakololoka ngwo: “Mushihe, mushihe, muhate ha kulusu!” Pilatu yaahula ngwenyi: “Chinalite nguhate mwanangana wenu ha kulusu, nyi?” Mahako a lutwe a Zambi yaakumbulula ngwo: “Kutushi mwanangana mukwo shina mwanangana wa Aroma!”

Hebreu 10:26

Mumu, nyi twanyingika kulu umwenemwene, hindu twakuvulumuna ni mbunge yeswe, kukushi nawa mulambu uze muuchiza milonga yetu.

Akwa Kuyula 17:5

Lunga yono Mika yabwa ni zuwo lienyi lia kuwayila. Yasa mo mahamba ni chikuto chihi cha uhako, yakunjika mwanenyi umuwika wa lunga kubwa hako yenyi.

Akwa Kuyula 18:14

Hohene malunga atano waze ayile ni kwendesa chifuchi cha Laishe yaambila akwo ngwo: “Kunwanyingikine ngwenu, kuno kuli limwe zuwo muli chikuto cha uhako, ni hamba wa prata, ni mahamba akwo, nyi? Kuchi Mutulinga?”

Akwa Kuyula 8:27

Gideone yalinga nayo hamba, yamusa mu limbo lienyi, mu Ofra. Aisraele eswe yeehuka Zambi, yaaya ko ni kukombelela mwe hamba. Yichibwa muheto kuli Gideone ni kuli akwa jiko lienyi.

1 Samuel 14:3

(Hako yoze wakuzala chikuto chihi cha uhako, te Ahija, mwana wa Ahitube, yayo ya Ikabode, mwana wa Finehase, mujikulu wa Eli, mwe hako wa Mwene Zambi ku limbo lia Shilo.) Malunga te kaanyingikine ngwo, Jonatane haya.

1 Samuel 15:23

Kukolema Shimbi ya Zambi chili ngwe kupanda wanga, ni kulengumuka chili ngwe kukombelela mahamba. Muze hiwalituna Shimbi ya Mwene Zambi, neye halituna yena kubwa mwanangana.”

1 Samuel 2:18

Alioze Samuel yalingila Mwene Zambi chize ku wanuke wenyi, te kakuzala chikuto chihi cha chijila.

1 Samuel 21:9

Hako ngwenyi: “Nguli lume ni mukwale wa Goliate, Kafilistia yoze washihile mu chikulo cha Ela. We mukwale uli wakuvunga mu hina kunyima lia chikuto chihi cha uhako. Kutushi ni ukwo kuno, nyi unazange yako nawo.” David ngwenyi: “Kukushi ukwo walifwa nawo, ngwehenu wo!”

1 Samuel 22:18

Mba mwanangana yambila Doege ngwenyi: “Ashihe yena!” Doege yakatuka, yaashiha eswe, te mahako makumi nake ni atano, akwa kuzala chikuto chihi cha uhako.

1 Samuel 23:6

Muze Abiatare, mwana wa Ahimeleke, hachinyina kuli David ni kuya hamwe nenyi ku Keila, te kali ni chikuto chihi cha uhako.

1 Samuel 23:9

Muze David hevwa ngwo, “Saulu kanambe kwasa ne jita,” yambila hako Abiatare ngwenyi: “Neha chikuto cha kuhula nacho Mwene Zambi.”

1 Samuel 30:7

David yambila hako Abiatare, mwana wa Ahimeleke, ngwenyi: “Ngunehene chikuto chihi cha uhako”. Abiatare yamunehena cho.