Hosea 2:3 - Mukanda Wa Zambi 1970

³ Nyi kasolo, mungukamuzula mahina jenyi, makabwa uselesele ngwe tangwa lize asemukine. Mungukamuwangamisa, makoma ngwe chifuchi chumu, makafwa ni pwila.

MUKANDA USANDU WA ZAMBI 1975

³ Kuchina mungumuzula liakulu, ni kumupwisa ngwe tangwa lize asemukine. Hanji mungumupwisa ngwe puya, ngwe chifuchi chinomu chau lume, nikumushiha ni pwila.

Hosea 2:3 Iomraidhean Croise

Kutuhuka 17:3

Alioze atu yeevwa pwila yinji, yaaketeka Mose ngwo: “Mumu yika watutuhwishile mu Egiptu? Watunehene muno hanga tufwe ni pwila, ni ana jetu, ni yimuna yetu, nyi?”

Izaya 33:9

Mu minda keeshi kulima mo nawa; kumushi atu. Usaki wa Libano hiwalela, chikulo cha chinuno cha Sharone hichalumuka puya, mu chifuchi cha Bashane ni ha mulundu wa Karmele mafwo haaholwoka ku mitondo.

Izaya 47:3

Atu maakakumona uselesele; maakamona chize Unevu sonyi. Mungukanukala, niumwe kechi kangukanjisa.”

Izaya 64:10

Membo je a chijila haabwa ngwe puya, Yerusaleme hiyabuzuka, hiyabwa yahululu.

Jeremia 12:10

Akwa kuyula anji a tundaka heenyeka munda wami wa vinyu; haaliachila mbuto yami hashi; chifuchi chami chibema haachalumuna puya.

Jeremia 13:22

Nyi muulihula ngwe: “Mumu yika yino yeswe yanguwana, mumu yika mahina jami haatanwoka ni haangulimbula ni tachi?” Mungwamba ngwami, mumu milonga ye yoka naye.

Jeremia 13:26

Mwene Zambi iye mwene mafukula mahina jenu ni kunukolesa sonyi.

Jeremia 14:3

Pichi kaakutuma akwa milimo yo kwatahila meya. No kaakuya ku mashima, alioze meya keeshiko; kaakuhiluka ni swaha ja ubolongo. Kaakwivwa sonyi ni kulekumuka, kaakuhetamina hashi.

Jeremia 17:6

Kali ngwe chibuta cha mu puya, chize chinasoko mu puya ha mavu omu, ha mavu a mungwa haze kuheshi kusoka chimwe chikwo. Mutu yoze keshi kuyuka nichimwe.

Jeremia 2:31

Yenu Aisraele, banjikenu ku liji liami. Kuma hinabwa ngwe muya kuli yenu, ngwe chifuchi cha milima ni cha utoji, nyi? Mumu yika mba nwakwamba ngwenu, munulinga cheswacho chinanuwahila, kunuchikahiluka nawa nichimwe kuli yami?

Jeremia 2:6

Kaangwalwile ko ngwe Chuma, chibwe naalamwinyine ku Egiptu ni kwasongwela mu puya, chifuchi cha masekeseke ni mena, chifuchi cha pwila ni kole ni woma, kuze kukushi mutu niumwe chibwe kwendangana mo.

Jeremia 22:6

“Kuli yami, zuwo lia wanangana lia Yuda lili libema ngwe chifuchi cha Gileade, ngwe milundu ya Libano; alioze mungulipwisa liamokomoko kuze mutu niumwe kahashile kutwama.

Jeremia 4:26

Chifuchi cha chinuno yichalumuka puya; membo jacho yeenyeka mumu ha ufwatulo wa Mwene Zambi.

Jeremia 51:43

Yihunda yenyi hiyabiha, hiyabwa puya yamokomoko, kuze niumwe kahashile kutwama ko chibwe kwendangana ko.

Jeremia 51:5

Yami, Mwene Zambi Mukwa Ndundo Jeswe, chehukile ko Aisraele ni Ayuda, chibwe haananguvulumuna yami, Munangi wa Aisraele.

Ezekiel 16:22

Ha utanji we nilimwe tangwa kuwewulukile ko muze wabwile uselesele, muze watunyine mu manyinga ja yena mwene.”

Ezekiel 19:13

Haliabwila hautumba mu puya, mu chifuchi chize kuchishi meya.

Hosea 13:15

Chibwe Aisraele maatatuka ngwe manonge, hindu mungukatuma fuji ya chivukuminya ya ku chivumbuko cha ku puya. Muyikomisa mashima jo a meya ni tusulo two twa njiji. Muyikahehula yuma yenyi yeswe yilemu.

Hosea 2:10

Mungukamuzula mahina nikumwecha uselesele ku meso ja masepa jenyi, hanga tutale yoze makamulamwina ku kwoko liami lia ndundo.

Usolwelo 17:16

Mbinga kumi jize hiwamona, ni mwe ngongo yoze, maakabwa akwa kole ja chitanji yoze. Maakamuchangumuna yuma yenyi yeswe, maakamuhichika uselesele. Maakalia musunya wenyi, mba maakamwocha.

Akwa Kuyula 15:18

Hohene Samsone yevwa pwila kuhiana, yakololoka kuli Mwene Zambi ngwenyi: “Hi wangukwasa kukumba kuhiana. Kuma ngufwe ni pwila ya meya hanga yilima wano ja Afilistia angukwate, nyi?”