Hosea 2:2 - Mukanda Wa Zambi 1970

² Ana jami, lembejekenu noko, chibwe hi pwo liami ko nawa, ni yami hi nguli nawa lunga lienyi ko. Mulembejekenu alitwamine kulinga utanji.

MUKANDA USANDU WA ZAMBI 1975

² Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Hosea 2:2 Iomraidhean Croise

Izaya 11:12

Mwene Zambi kumakamika bendelo hakachi ka mavungu akaalweze ngwenyi, kakukungulula ni kuhilwisa nawa Aisraele ni Ayuda waze haanamwangashana ku mbango jiwana ja hashi.

Izaya 50:1

Mwene Zambi kanambe ngwenyi: “Nunanyongo ngwenu, hinunahange atu jami ngwe chize lunga akuhanga pwo lienyi, nyi? Mba yilihi ye mikanda yakulakwila? Nunanyongo ngwenu, nanulanjishile mu undungo, ngwe chize mutu akulanjisa ana jenyi ngwe ndungo, nyi? Ka, nwayile mu undungo mumu ha milonga ya yenwene; nanuhumine mumu ha yitela yenu.

Izaya 58:1

Mwene Zambi kanambe ngwenyi: “Kololokenu chikolo! Lwezenu atu jami Aisraele milonga yo!

Jeremia 19:3

Mwene Zambi yangulweza ngwenyi, amba ngwe: “Yenu mianangana ja Ayuda ni akwa Yerusaleme, banjikenu chize yami Mwene Zambi Mukwa Ndundo Jeswe, Zambi ya Israele, ngunambe. Munguneha lamba liahiana homa hano; mweswawo machivwa malishimwoka.

Jeremia 2:2

ngulweze akwa Yerusaleme eswe maliji wano ngwenyi: “Ngunewuluka kushishika che ha ukweze we, ni chize twalizangile ha matangwa atangu a umbachiso wetu; yiungukaula mu puya, mu chifuchi chize kaakuwile mbuto.

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:13

Tayiza lume ngwe: ‘Ngunahi. Nakatukilile Mwene Zambi, Zambi yami.’ Shikisa ngwe, ‘Mushi lia mitondo yeswe ya wisu hingunazange mazambi a tundaka, Chononokenene ko ku maliji je.’ Yami Mwene Zambi nachamba.

Jeremia 3:18

Israele makalichinga ni Yuda. Eswe aali maakakatuka hamuwika mu chifuchi cha undungo ku norde ni kuhiluka mu chifuchi chize nahanyine kuli tushakulu twe kubwa chihinga che ku miaka yeswe.”

Ezekiel 16:20

“Alioze yiulinga nawa chibi chahiana. Yiwanda ana je a malunga ni a mapwo waze wasemene ni yami, yiwalambwola milambu kuli mahamba.

Ezekiel 16:25

Yiulibihisa ni malowa. Yiulikunjika kuli mweswawo wejile ko, ni kwokesa utanji we.

Ezekiel 20:4

“Yena mwana mutu, hiwalilulika wabatwile, nyi? Chilinge. Ewulule yitanga ya atato.

Ezekiel 23:43

Yingulihanjikisa ngwami, kaanalingi utanji ni pwo yoze hahonga ku utanji wenyi.

Ezekiel 23:45

Malunga akwa ululi maakaahisa ngwo: haanalingi utanji, haanashiha atu, mumu kulinga utanji ni kushiha atu yili ndako yo.”

Hosea 1:2

Chisuho chitangu muze Mwene Zambi ahanjikile kuli Hosea, yamwamba ngwenyi: “Yako umbate pwo; mwe pwo lie makabwa chitanji, ana je no maakembulula naye. Mumu atu jami kaasolo kulitwamina kulinga utanji wo nikuwayila mazambi eka, haangwehuka yami Mwene Zambi.”

Hosea 2:1

Kashika vulukenu usoko wenu Aisraele ngwenu: “Atu ja Zambi” ni “Zambi Kananuzange.”

Hosea 4:5

Ufuku ni mwalwa nwakutalinga, ni akwa munanyi nawa keeshi kulinga yibema. Kashika mungukonona mwe noko Israele.

Mika 2:13

Zambi makazulwila atu jila ni kwatuhwisa mu undungo mu chifuchi cha mbala. Kumaakatuhuka ku yajilo ya limbo nikutusuka. Mwene Zambi, mwanangana wo, iye mwene makaasongwela.

2 Korintu 5:16

Chize ku tangwa lino kutwahashile kwalula mutu niumwe nikulita ni ndako ya uutu. Chibwe hatangu twalwile Kristu nikulita ni ndako ya uutu, alioze haliabwila kutwamwalwile nawa ngwe chize.