Hosea 13:3 - Mukanda Wa Zambi 1970

³ Atu wano maakabatwoka ngwangwangwa ngwe mbundu ya chichamene, ngwe mume uze wakukukumuka muze tangwa hiliazunduka. Maakabwa ngwe yizungu yinahehuka ni fuji ku chizungwilo, ngwe mwishi uze unakakumuka ha jiko.

MUKANDA USANDU WA ZAMBI 1975

³ Kashika mapwa ngwe mbundu ya chimene; hanji ngwe mume uze wakuma washi; ngwe yizungu yize yakuhehuka ku chizungwilo hanji ngwe mwishi unakatuka ku njanela.

Hosea 13:3 Iomraidhean Croise

Jobe 21:18

ni kumuhehula ni fuji ngwe mwambu, hanji ngwe yizungu ni kangonga, nyi?

Jobe 30:15

Ngunevu mwongo unji, lufuma wami haya ngwe fuji, yiwape yami hiyajimuka ngwe malelwa.

Miaso (Masamu) 1:4

Alioze yingulungulu keeshi kubwa chocho nihakepe; kaali ngwe yizungu yize yakuhehuka ni fuji.

Miaso (Masamu) 68:2

Zambi kanaahange, ngwe chize fuji yakutakumuna mwishi; kumaatoka ku meso ja Zambi, ngwe chize Sela yakusangunuka ni kahia.

Izaya 17:13

Mavungu maakalundumuka ngwe miavu ya tachi ya meya, alioze Zambi kanaakanjisa. No kaanahiluka ngwe fufuta yize yinahehuka ha milundu, ngwe chimwe chambu mu fuji.

Daniel 2:35

Susumuku we utale, ni uma, ni unengu, ni prata, ni oru yiifwenyoka, yiibwa ngwe fufuta ha chizungwilo cha lwiza. Mba fuji yiihuhwa kweswe, kukwasalile ko nikamwe. Alioze lwe luliwe yilwalumuka lumulundu, yilutanda hashi heswe.

Hosea 6:4

Alioze Mwene Zambi kanambe ngwenyi: “Ayenu Aisraele ni Ayuda, ngunulinge kuchi? Nunanguzange lume shimbu likepe, ngwe mbundu ya chichamene yize yinajimuka nikawashi, ngwe mume uze wakulukumuka muze tangwa hiliavumbuka.

Zefania 2:2

shimbu kanda nuuma ni kulekama ngwe yitemo, shimbu kahia ka ufwatulo wa Mwene Zambi kanda kachikundama, shimbu kanda achisolola utenu wenyi.

Zakaria 8:12

Kumaakakuwa mbuto jo mu uhwimino. Mivinyu yo muyikema mihuko, mavu maakasokesa mbuto, mukukabwa vula munji. Atu ja vungu liami waze maasala ho mungukaawahisa ni yuma yino yeswe.