Hosea 12:3 - Mukanda Wa Zambi 1970

³ Kashakulu ko Yakoba yaasemuka pasa ni yayo Esau. Muze ayo eswe te achili mu jimo lia naye yaalitachika. Muze Yakoba hatatuka yalitachika nawa ni Zambi,

MUKANDA USANDU WA ZAMBI 1975

³ Mwe mu jimo yakwata yayo ku kashijino, muze hapwa lunga yalitachika ni Zambi.

Hosea 12:3 Iomraidhean Croise

Ubutukilo 25:26

Mwana wa muchaali, ha kusemuka chenyi, te kanakwata ku kashijino ka yayo Esau. Yaamuluka ngwo, Yakoba. Muze asemukine ana waze Isake te habwa ni miaka makumi asambano.

1 MIANANGANA 17:18

Mwene Zambi yatenukina Aisraele kuhiana, yaahuma ku meso jenyi, yahichika lume wanangana wa Yuda.

1 MIANANGANA 17:20

Mwene Zambi yehuka Aisraele eswe, yaamwesa lamba ni kwakunjika kuli akwa kole ndoo hahuma eswe ku meso jenyi.

1 MIANANGANA 17:23

ndoo ni kuze Mwene Zambi waahumine ku meso jenyi liakulu, ngwe chize aakanyamishine kuli tuvumbi twenyi akwa munanyi. Kashika Asiraele aatwalile mu undungo mu Asuria, kwenako atwama ndoo ni musono.

Jeremia 2:9

“Chenacho yami Mwene Zambi, mungusuma nawa atu jami mulonga. Mungusuma nawa akwa vungu lie mulonga.

Ezekiel 7:3

“Aisraele, songo hilieza. Munumona ufwatulo wami, mumu ngunanubatwila ha yize nwalingile. Mungunufweta ha yuma yeswe yakuzelwokesa yize nwalingile.

Ezekiel 7:8

“Ha shimbu likepe yenu eswe munumona ndundo ja ufwatulo wami. Ngunanubatwila mumu ha yize nwalingile, mungunufwetesa mumu ha yuma yenu yeswe ya kuzelwokesa.

Hosea 4:1

Mwene Zambi kanasumu atu a mu chifuchi mulonga. Yenu Aisraele, banjikenu, yize anambe Mwene Zambi ngwenyi: “Mu chifuchi kumushi ululi ni zango; atu kaanyingikine Zambi.

Hosea 4:9

Munukamona lamba lizeliene maakamona atu akwo! Mungukanumwesa lamba, mungukanufweta nikulita ni ungulungulu wenu.

Amose 2:4

Mwene Zambi kanambe ngwenyi: “Atu a mu chifuchi cha Yuda haanavulumuna nawa ni nawa, chamwenemwene mungukaamwesa lamba. Mumu haanalelesa longeso liami, kaafungile ko Shimbi jami. Mazambi a mahuza, waze tushakulu two alingile, haanaapiangula.

Mika 6:2

Yenu milundu, yenu fundamentu jeswe ja hashi, banjikenu ku kusuma cha Mwene Zambi! Mwene Zambi kanasumu atu jenyi. Kumasuma Aisraele mulonga.

A-ROMA 9:11

Alioze Zambi kakutongola atu nikulita ni kunyonga chenyi. Muze akutongola atu, keshi kuchilinga mumu ha yitanga yo, alioze kakwatongola nikulita ni kunyonga chenyi. Zambi yaalweza chize chili kunyonga chenyi, yambila Rebeka ngwenyi: “Mukulwana makalingila kanuke.” Zambi maliji wano yahanjika, muze te ana kanda achisemuka, muze e ana kanda achilinga chibema hanji chibi.