Hosea 11:3 - Mukanda Wa Zambi 1970

³ Hindu yami mwene nalongesele Israele kwenda. Yingukwata atu jami ku moko, yingweendesa, alioze kaatayijile ko ngwo, yami nakwafunga.

MUKANDA USANDU WA ZAMBI 1975

³ Chipwe chocho yami mwene nalongesele Eframe kwenda. Naakangayikine mu moko jami hindu kanyingikine yami naawukile.

Hosea 11:3 Iomraidhean Croise

Miaso (Masamu) 107:20

Yaawuka ni liji lienyi, yaalamwina ku kufwa.

Kutuhuka 15:26

Yaamba ngwenyi: “Nyi mununguvwila yami Mwene Zambi yenu, ni kulinga chize chinalite ku meso jami, ni kufunga ni kutayiza yiyulo yami yeswe, chichi kunwaha yikola yize nahele akwa Egiptu. Nguli Mwene Zambi yenu, yoze wakunuwuka.”

Kutuhuka 19:4

‘Yenwene nunakamona chize yami Mwene Zambi ngunakalinga akwa Egiptu, ni chize ngunakanuneha kuno, ngwe ha mapulwa ja tela.

Kutuhuka 23:25

Nyi mununguwayila yami Mwene Zambi, Zambi yenu, mungunuwahisa ni yakulia ni meya, munguchiza kuyiza hakachi kenu.

Izaya 1:2

Mwene Zambi yamba ngwenyi: “Hashi ni lilu, banjikenu yize ngumambe! Ana waze nalelele ni kwahoka haangukatukila.

Izaya 30:26

Kakweji makabwa ni mitemite ya tangwa, ni tangwa mulikabwa ni mitemite yisuho shimbiali kuhiana. Pangu lialio mulikabwa pangu lia matangwa shimbiali. Chino cheswe muchikabwa muze Mwene Zambi makakasa ni kuwuka yilonda yize aalemekene iye mwene.

Izaya 46:3

“Ngubanjikenu, yenu vungu lia Yakoba, masalila eswe ja atu jami. Hingunanufungu chize ku tangwa lize nwasemukine.

Izaya 63:9

ku lamba lio Heswe. Hi kanganda ka mwilu ko, alioze iye mwene mwe waalamwinyine. Mu zango lienyi ni keke yenyi yaalamwina. Matangwa eswe te kaakwafunga,

Jeremia 30:17

Kumungukanuwuka nawa; kumungukawuka yilonda yenu. Chibwe akwa kole jenu maakamba ngwo: ‘Zione haamumbila; niumwe unamunyongena.’ Yami, Mwene Zambi, nachamba.”

Jeremia 8:22

Kuma mu Gileade yitumbo kuyishimo, nyi? Chibwe mbuki keeshimo, nyi? Kuchi mba, atu jami kaawukile ko?

Hosea 14:4

Mwene Zambi kanambe ngwenyi: “Atu jami mungukaahilwisa kuli yami. Mungukaazanga ni mbunge yami yeswe, mumu ufwatulo wami hiwahwa.

Hosea 2:8

Katayijile ko ngwenyi, yami mwene namuhele mbuto, ni vinyu, ni maji a olive, ni prata, ni oru yeswe yize akuwayila nayo hamba Bale.

Hosea 7:1

“Muze nakuzanga kuwuka atu jami Aisraele ni kwawahisa nawa, hindu nakumona lume ungulungulu wo ni yibi yize akulinga. Kaakuhanjeka mahuza mukachi ko, kaakulokola mazuwo ni kwiya, kaakwiya yuma ya atu mu majila.

Hosea 7:15

Chibwe yami naalelele ni naatakamishine, hindu kaakungutwama punga.

Yilinga 13:18

yalihumikiza no ngwe miaka makumi awana mu puya,

Shimbi 1:31

ni mu puya. Nwamwene chize Mwene Zambi anumbachile kanawa ndoo kuno ngwe chize tata akumbata mwanenyi.’

Shimbi 33:27

Mukulu Zambi habwa chiswamo che ku miaka yeswe, moko jenyi kaakukufunga ku miaka yeswe. Hanahange akwa kole ku meso je, yamba ngwenyi: “Ononenu eswe.”

Shimbi 8:2

Iwulukenu ngwe chize Mwene Zambi, Zambi yenu anusongwelele mu wenyi uno miaka makumi awana mu puya hanga anuhombole, anweseke ni lamba lieka ni lieka, mba hanga anyingike mbunge jenu, nyi munufunga Shimbi jenyi, nyi ka.