Hosea 1:7 - Mukanda Wa Zambi 1970

⁷ Alioze Ayuda mungukeevwila keke. Yami Mwene Zambi, Zambi yo, mungukaalamwina. Alioze chichi kachilinga ni jita, chibwe ni mikwale, hanji ni mata a kwasa, chibwe ni tuvwalu, hanji ni waze akwendela ho.”

MUKANDA USANDU WA ZAMBI 1975

⁷ Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Hosea 1:7 Iomraidhean Croise

1 MIANANGANA 19:29

Mba mukwa munanyi yambila mwanangana Hezekia ngwenyi: “Chino che chilayi cha yuma yize muyikabwa. Mwaka uno ni uze muwiza ho munukalia lume mbuto ya muzumba, alioze mwaka uze ukwo munukatumba mbuto jenu ni kujibatula, ni kutumba mitondo ya vinyu ni kulia ye mihuko.

1 MIANANGANA 19:34

Mungufunga limbo lino ni kulilamwina, mumu hali yami mwene ni mumu ha chilakenyo chize nalakenyene kuli kavumbi kami David.’ ”

1 MIANANGANA 19:35

Ha ufuku uzewene kanganda ka Mwene Zambi yaya ku musumba wa Asuria, yashiha tujita 185,000. Muze hikwacha, kuwana eswe haanafu!

1 MIANANGANA 6:18

Muze Asiria haakundama, Elisha yalemba ngwenyi: “Aa Mwene Zambi, tujita wano apupuchise kama meso jo!” Mwene Zambi yevwa kuliumba chenyi, yaapupuchisa meso.

Miaso (Masamu) 33:16

Mwanangana keshi kukumba ku tachi ja tujita twenyi; chitakame keshi kukumba ku tachi jenyi mwene.

Miaso (Masamu) 44:7

mumu yena hiwatulamwina kuli akwa kole jetu, hiwakumba waze te akutuhungumiona.

Kutuhuka 14:13

Mose yambila atu ngwenyi: “Kanda nwivwa woma. Hwimenu mbunge, munumona chize Mwene Zambi manulamwina musono. Akwa Egiptu wano kunuchi kwamona nawa nilimwe tangwa.

Kutuhuka 14:30

Ha tangwa lize Mwene Zambi yalamwina Aisraele ku moko ja akwa Egiptu. Aisraele yaamona akwa Egiptu haanafu ku mbumbulu ya kalunga lwiji.

Izaya 12:2

Zambi kali chilamwina chami; mungushachila hali iye, chichi kwivwa woma. Mwene Zambi kakungutakamisa, kali mwono wami; kali chilamwina chami.

Izaya 30:18

Hindu Mwene Zambi kanashimbwila kunulweza keke. Kanalilulika kunulweza keke mumu matangwa eswe kakulinga yize yinalite. Kawaha waze akushachila hali Mwene Zambi.

Izaya 49:6

Mwene Zambi yangwamba ngwenyi; “Yena kavumbi kami, nguli ni milimo yikwo yinene yahiana. Hi ya kuhilwisa wika ko ulemu wa masalila ja atu jami Aisraele, alioze ya kukupwisa nawa pangu lia mavungu hanga akwa hashi eswe akaalamwine.”

Izaya 7:14

Kashika Zambi iye mwene makwaha chilayi: umwe mwana pwo makasema mwana wa lunga ni kumuluka jina ngwo, Emanuele.

Jeremia 25:5

Yaanulongesa kwehuka ungulungulu wenu ni yibi yize te nwakulinga, mba hanga nuhase kutwama mu chifuchi chize Mwene Zambi anuhele yenu ni tushakulu twenu kubwa chihinga cha miaka yeswe.

Jeremia 25:6

Yanulongesa nawa ngwo, kanda nuwayila mazambi eka ni kwalingila, kanda nuvwisa Mwene Zambi ufwatulo ni kukombelela mahamba waze nwalingile. Nyi te nwononokena Mwene Zambi, kachi te kanumwesene ko lamba.

Jeremia 33:26

Ngwe chize nalingile, mungukakolesa Usendo wami ni vungu lia Yakoba ni lia kavumbi kami David. Mungukatongola umwe mutu wa ku vungu lia David ayule mavungu ja Abrahama, ni Isake, ni Yakoba. Mungukevwila atu jami keke ni kwawahisa nawa.”

Hosea 1:8

Muze Gomere hasumuna mwanenyi wa pwo, yaka nawa ufumba, yasema mwana mukwo wa lunga.

Hosea 11:12

Mwene Zambi kanambe ngwenyi: “Aisraele haanangujingilika ni mahuza ni kwonga, ni Ayuda kaakunyongonona kulimika ni yami, Zambi wa kushishika kanda munangi.

Zakaria 4:6

Kanganda ka mwilu yangwaha maliji wano a kuli Mwene Zambi ha kulweza Zerubabele ngwenyi: “Kumuukumba, alioze hi ku tachi ja tujita ko, hanji ja yena mwene, alioze ku tachi ja mwiku wami.

1 Samuel 17:47

Chikwo nawa, atu eswe anakunguluka maanyingika ngwo, Mwene Zambi keshi kulamwina ni mukwale hanji ni kunga, mumu jita yili ya mbala ya Mwene Zambi, neye manukunjika mu moko jetu.”