Hosea 1:4 - Mukanda Wa Zambi 1970

⁴ Mwene Zambi yambila Hosea ngwenyi: “Muluke ngwe: ‘Jezrele,’ mumu kwasala hakepe ha kumwesa lamba mwanangana wa Israele mumu hali atu waze ashihile kashakulu kenyi Jehu mu chikulo cha Jezrele. Mungukakuwisa vungu lia Jehu.

MUKANDA USANDU WA ZAMBI 1975

⁴ Yehova yamba kuli iye ngwenyi, Umuluke jina Yezerele mumu kwasala hakehe mba munguhana kastigu ku munyachi wa Jehu ha mukunda wa manyinga a ku Yezerele, mba mungusulisa wanangana wa munyachi wa Izalele.

Hosea 1:4 Iomraidhean Croise

1 MIANANGANA 10:1

Ahabe te kakwete ana a malunga makumi shimbiali waze atwama mu limbo lia Samaria. Jehu yasoneka mikanda, yayituma kuli miata a mu limbo lize, ni kuli akwa lutwe ja limbo, ni kuli tufunga twa vungu lia Ahabe. Yasoneka ngwenyi:

1 MIANANGANA 10:17

Muze haaheta ko, Jehu yashiha usoko wa Ahabe eswe, kahichikile ko chibwe umuwika. Liji lino Mwene Zambi alakenyene mukwa munanyi Eliya.

1 MIANANGANA 15:29

Ha matangwa ja Peka mwanangana wa Israele, Tiglate Pilesere mwanangana wa Asuria, yatambula membo ja Ijone, ni Abele Bete Maka, ni Janoa, ni Kedeshe, ni Hazore, ni yifuchi ya Gileade, ni Galilea, ni Naftali, yaakwata atu, yaatwala funge mu chifuchi cha Asuria.

1 MIANANGANA 15:8

Ha mwaka makumi atatu ni wa muchinake, wa kuyula cha Uzia mwanangana wa Yuda, Zakaria mwana wa Jeroboame wa muchaali yaamupwisa mwanangana wa Israele, yayula ku limbo lia Samaria tukweji asambano.

Izaya 7:14

Kashika Zambi iye mwene makwaha chilayi: umwe mwana pwo makasema mwana wa lunga ni kumuluka jina ngwo, Emanuele.

Izaya 8:3

Munabwamuze pwo liami yaka ufumba. Muze mwanetu hasemuka, Mwene Zambi yangwamba ngwenyi: “Muluke jina ngwe; ‘Shihenu Nikawashi, Bubenu Nikawashi.’

Izaya 9:6

Kuli yetu hikwasemuka mwana! Mwana lunga hatwaha yo! Kumakabwa mukwa kutuyula. Kumaakamuvuluka ngwo: “Mukwa Kukomwesa,” “Mukwa Kukanyamisa,” “Zambi Mukwa Ndundo,” “Tata wa Miaka Yeswe,” “Mwanangana wa Uhwimino.”

Jeremia 20:3

Muze hikwacha, ni mwe Pashure yanguchiza mu kuli, yingumwamba ngwami: “Mwene Zambi kakuvulukile ko Pashure, alioze ‘Mwongo Kweswe.’

Jeremia 23:2

Mwene Zambi, Zambi ya Israele, kanambila miata waze chatamba kufunga atu jenyi, ngwenyi: “Kunwafungile ko atu jami. Hinunaamwange ni kwaahuma. Haliabwila mungunumwesa lamba mumu ha ungulungulu wenu.

Jeremia 3:8

Yuda neye hamona ngwenyi, yami Mwene Zambi hinalakula Israele, hinamwehuka mumu kahilukile ko kuli yami, mumu halinga utanji. Alioze chihulia Yuda, mwanakwo ya Israele, kevwile ko woma, neye yabwa chitanji.

Ezekiel 23:10

No yaamuzula mahina, neye yabwa uselesele. Yaakwata ana jenyi a malunga ni a mapwo, mba yaamushiha ni mukwale. Mapwo a kuma kweswe yamupwisa kashilikilo.

Ezekiel 23:31

Yiwimbulula ndako ya yayenu, kashika mungukakunwisa musenge uze wene wa lamba.”

Hosea 1:6

Gomere yasema mwana wa muchaali, wa pwo. Mwene Zambi yamwamba Hosea ngwenyi: “Muluke ngwe: ‘Keshi kwazanga’, mumu chichi kazanga nawa Aisraele chibwe kwakonekena.

Hosea 1:9

Mwene Zambi yambila Hosea ngwenyi: “Muluke ngwe: ‘Kulikanza,’ mumu Aisraele keeshi ko atu jami, ni yami hi nguli Zambi yo ko.”

Hosea 2:13

Mungukamumwesa lamba mumu ha matangwa waze anguvulamine muze ochelele hamba Bale yitumbo ya vumba libema, ni muze azalile yingeliengelie yenyi, ni muze akawile masepa jenyi. Yami Mwene Zambi nachamba.

Hosea 9:17

Zambi yoze nakulingila kumakehuka atu jenyi, mumu keeshi kumwivwa. Kumaakabwa yendanganyi mukachi ka mavungu.

Amose 9:8

Ewa, nakuhulikila meso ku wanangana uno ubi wa Israele, mungukawonona. Alioze chichi kwonona vungu lia Yakoba.

Mateu 1:21

Makasema mwana lunga, ukamuluke jina ngwe, Yesu, mumu, makalamwina atu jenyi ku shili yo.”

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:31

Muuseseka ufumba muukasema mwana wa lunga, muukamuluka jina ngwe, Yesu.

Luka 1:63

Zakaria yeta hausonekene. Yasoneka ho maliji wano ngwenyi: “Jina lienyi Yoano.” No eswe yaalishimwoka.

Yoano 1:42

Mba yatwala Simone kuli Yesu. Yesu yamutala, yamwamba ngwenyi: “Yena uli Simone, mwana wa Yoano. Atu maakakuvuluka ngwo: Sefase.” (Hanji Petulu, kulumbunuka ngwo, Liwe.)

Yoshua 19:18

Mu chifuchi cha chihinga cho yimubwa: Jezrele, ni Chesulote, ni Shuneme,