Hosea 1:2 - Mukanda Wa Zambi 1970

² Chisuho chitangu muze Mwene Zambi ahanjikile kuli Hosea, yamwamba ngwenyi: “Yako umbate pwo; mwe pwo lie makabwa chitanji, ana je no maakembulula naye. Mumu atu jami kaasolo kulitwamina kulinga utanji wo nikuwayila mazambi eka, haangwehuka yami Mwene Zambi.”

MUKANDA USANDU WA ZAMBI 1975

² Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova.

Hosea 1:2 Iomraidhean Croise

2 Sango Ja Mianangana 21:13

Alioze hiwembulula ndako ja mianangana ja Aisraele, hiwavulumwisa Ayuda ni akwa Yerusaleme ngwe chize mwanangana Ahabe ni waze amuhingile avulumwishine Aisraele. Nawa hiunashihi ana akwenu waze abwile malunga abema kuhiana yena.

Miaso (Masamu) 106:39

Yaalumuka yingulungulu mumu ha ye yitanga yino, yeehuka Zambi.

Miaso (Masamu) 73:27

Chamwenemwene, waze akulituna yena kumaakafwa, eswe waze akukwehuka muukoonona.

Jeremia 2:13

Mumu atu jami haavulumuna milonga yaali: haangwehuka yami shima lia meya akekema; haalifulila mashima, mashima waze ali ni miaji, kumwahashile kubwa meya.

Jeremia 2:20

Mwene Zambi kanambe ngwenyi: “Israele, hasuku walitunyinine chiyulo chami; hiunalitunu kungwononokena ni kunguwayila. Ha milundu yeswe, ni mushi lia mitondo yeswe ya wisu, te wakuwayila mazambi a utanji.

Jeremia 2:23

Ngwe kuchi muuhasa kwamba ngwe, chalingile chibi; nawa ngwe, kuwakombelele ko hamba Bale? Achitala chize hiunavulumuna mu chikulo; achitala chize hiwalinga. Yena uli ngwe chihwo cha kamelu yoze unafupu kuji yoze unazomboka sali ni sali mu puya.

Jeremia 3:9

Kevwile ko sonyi nichimwe, yabihisa che chifuchi nikulinga utanji ni kuwayila mawe ni mitondo.

Ezekiel 6:9

Kwenako maakabwa mu undungo. Mba maakewuluka ngwo, yami naamwesa lamba ni kwakolesa sonyi, mumu haanangwehuka ni mbunge jo jikalu. Yazanga mahamba kuhiana yami. Maakalivutwokela ha ungulungulu wo ni yibi yo yeswe yize haanalingi.

Hosea 2:7

Makaula masepa jenyi fuji, alioze kechi kaaheta. Makaafupa alioze kechi kaamona. Mba makalihanjikisa ngwenyi: “Nyi chize, ngunahiluka kuli lunga liami mutangu, mumu nabwile kanawa, hi ngwe chize ko nguli haliabwila.”

Hosea 3:1

Mwene Zambi yangwamba ngwenyi: “Tambula nawa pwo lie yoze hanalumbuka ni lunga weka. Chatamba kumuzanga kanawa ngwe chize yami nakuzanga Aisraele, chibwe haanatewulukila kuli mazambi eka ni kwalambula mihuko ya vinyu.”

Hosea 5:3

Ngunanyingika chize abwa Aisraele, kaahashile kuswama ku meso jami. Haanalingi utanji, kaalitele ni kunguwayila.”

Marku 1:1

Uno we Ubutukilo wa Sango Jibema jize jinahanjikila Yesu Kristu, Mwana Zambi.

Shimbi 31:16

Mwene Zambi yambila Mose ngwenyi: “Kwasala hakepe ufwe. Muze hiwafwa atu wano kumaakashiha Usendo uze nakolesele no. Kumaakangwehuka ni kuwayila mazambi ja mavungu a mu chifuchi chize anambe kunjila.

2 Petulu 2:14

Kaakuzanga shina kutala mapwo yitanji. Kaakwonga atu alelu. Kaali ni lwahu wa ubite. Zambi hanaashingi!

Usolwelo 17:5

Ha huma lienyi hanasonewa jina lia chijimbikilo. Linalumbunuka ngwo, Limbo linene lia Babilone, naye ya mapwo yitanji ni ya yibi yeswe ya hashi.