Hosea 1:11 - Mukanda Wa Zambi 1970

¹¹ Ayuda ni Aisraele maakalikunda nawa. Mba maakatongola umwe mukwa lutwe, no maakawaha, maakoka nawa mu chifuchi cho. Ewa tangwa lia Jezrele mulikabwa tangwa linene!

MUKANDA USANDU WA ZAMBI 1975

¹¹ Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 1:11 Iomraidhean Croise

Miaso (Masamu) 110:3

Tangwa lize muukasa jita ni akwa kole je, atu je maakalihana kuli yena. Ngwe chize mume wakusulumioka chichamene cheswe, akweze je maakeza kuli yena ha milundu ye ya chijila.

Jeremia 30:21

Mukwa kwayula makakatuka ku vungu lio ene, mwana wa mwanangana wo makabwa wa kuli ayo ene. Muze mungukamutambika kumakangukundama, mumu iya mahasa kukundama nyi yami chamutambikile? Kumaakabwa atu jami, ni yami mungukabwa Zambi yo. Yami Mwene Zambi nachamba.”

Jeremia 30:3

mumu tangwa kulineza lize mungukahilwisa atu jami, Aisraele ni Ayuda. Mungukaaneha mu chifuchi chize nahanyine kuli tushakulu two, mba maakazuka nawa chihinga cho. Yami, Mwene Zambi, nachamba.”

Jeremia 30:7

Tangwa lia lamba hiliakundama; kukushi tangwa likwo lize mulilifwa nalio. Lili tangwa lia lamba lia atu jami, alioze keechi kwoonona liakulu.”

Jeremia 31:33

Usendo Waha uze mungukakolesa ni Aisraele muukabwa ngwe chino: mungukasa Shimbi jami mu mbunge jo. Mungukabwa Zambi yo, no maakabwa atu jami.

Jeremia 32:37

mungukakungulula atu chize kuze naamwanginyine ni ufwatulo ni utenu. Mungukaahilwisa mu chifuchi chino hanga abwe mu uhwimino.

Jeremia 50:19

Mungukahilwisa Aisraele mu chifuchi cho. Kumaakalia yakulia ya ku mulundu wa Karmele ni ya mu chifuchi cha Bashane. Kumaakalia yeswe yize anazange ya mu yifuchi ya Efraime ni Gileade.

Ezekiel 39:25

Mwene Zambi yamba ngwenyi: “Alioze haliabwila mungukevwila keke vungu lia Yakoba, atu ja Israele, ni kwawahisa nawa. Mungukafunga jina liami lia linanga.

Hosea 2:1

Kashika vulukenu usoko wenu Aisraele ngwenu: “Atu ja Zambi” ni “Zambi Kananuzange.”

Hosea 3:5

Alioze tangwa kumulikeza lize Aisraele maakahiluka nawa kuli Mwene Zambi, Zambi yo, ni kuli umwe wa ku vungu lia David mwanangana wo. Mba maakalemesa Mwene Zambi ni kutambula yawana yenyi yibema.

A-ROMA 11:15

Mumu muze Zambi weehukile, yapwisa atu akwo tusendo twenyi. Kuchi muchikabwa muze makatambula Aisraele nawa? Muze makaatambula, waze haanafu maakabwa ni mwono.