Hosea 1:10 - Mukanda Wa Zambi 1970

¹⁰ Aisraele maakabwa anji ngwe masekeseke a ku kalunga lwiji, kuwahashile kwaalula chibwe kweeseka. Haliabwila Zambi kanambe ngwenyi: “Yenu hi nuli atu jami ko,” alioze tangwa mulikeza lize maakamba ngwenyi: “Nuli ana ja Zambi ya mwono!”

MUKANDA USANDU WA ZAMBI 1975

¹⁰ Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Hosea 1:10 Iomraidhean Croise

Ubutukilo 13:16

Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula.

Ubutukilo 22:17

mungukakuwahisa, mungukokesa vungu lie. Maakabwa ngwe matangonoshi a mwilu hanji ngwe masekeseke a ku mbumbulu ya kalunga lwiji. Maakakumbakumba akwa kole jo.

Ubutukilo 32:12

Wangulakenyene ngwe: ‘Mungukakuwahisa. Vungu lie mungukalipwisa anji ngwe masekeseke ku mbumbulu ya kalunga lwiji, waze atu kaahashile kwalula.’ ”

2 Samuel 7:24

Hiunapwisa Aisraele atu je ndoo ku miaka yeswe. Mwene Zambi, yena hiunabu Zambi yo.

Izaya 43:6

Mungwamba ku norde ngwami: ‘Echa’ ni ku sude ngwami: ‘Kanda waalalaminya.’ Tayiza atu jami atuhuke mu yifuchi kusuku, ku mambongo eswe a hashi.

Izaya 48:19

Kachi vungu lienu mulikabwa anji ngwe masekeseke, kachi nasele tachi hanga keechi kufwa.”

Izaya 63:16

Yena uli tata yetu. Tushakulu twetu Abrahama ni Yakoba kaatunyingikine ko, alioze yena Mwene Zambi uli tata yetu. Chize ku shakulu jina lie ngwo: “Mukwa Kutukula.”

Izaya 64:8

Alioze Mwene Zambi, yena uli tata yetu. Yetu tuli ngwe uma, yena uli ngwe tengi. Yena watutangile,

Izaya 65:1

Mwene Zambi yamba ngwenyi: “Nazangile kukumbulula ku kulemba cha atu jami, alioze kaalembele ko. Nazangile te angufupe, alioze kaachilingile ko. Aisraele kaalembele ko kuli yami, chibwe te nakuzanga kukumbulula matangwa eswe ngwami: ‘Yami uno; mungunukwasa.’

Izaya 66:20

Maakahilwisa atu jenu eswe waze atwama mukachi ka mavungu akwo ngwe chawana kuli yami. Kumaakaneha ku mulundu wami wa chijila, mu Yerusaleme, ha tuvwalu, ni ha yimbulu, ni ha tumelu, ni ha matemba, ngwe chize Aisraele akuneha milambu ya mbuto ku zuwo lia Zambi mu yikashi ya chijila.

Jeremia 33:22

Mungukokesa vungu lia kavumbi kami David ni mahako a ku vungu lia Levi. Atu keechi kahasa kwaalula ngwe chize keeshi kuhasa kwalula matongonoshi a mwilu hanji masekeseke a ku mbumbulu ya kalunga lwiji.”

Daniel 6:26

Ngunase Shimbi ngwami, mu wanangana wami weswe atu eswe evwe woma, alemese Zambi ya Daniel. “Iye kali Zambi ya mwono, mayula ndoo ku miaka yeswe. Wanangana wenyi kuuchi kasula, ndundo jenyi kujichi kahwa nichimwe.

Hosea 1:9

Mwene Zambi yambila Hosea ngwenyi: “Muluke ngwe: ‘Kulikanza,’ mumu Aisraele keeshi ko atu jami, ni yami hi nguli Zambi yo ko.”

Hosea 2:23

Mungukatumbika atu jami mu chifuchi ni kwawahisa. Mungukazanga waze akwamba ngwo: “Keshi kwazanga.” Kuli waze akwamba ngwo: “Kulikanza,” mungukamba ngwami: “Nuli atu jami.” No maakangwamba ngwo: “Yena uli Zambi yetu.”

Yoano 1:12

Alioze akwo yaalitambula, yaalifuliela. Kashika yiliaaha chiyulo cha kubwa ana ja Zambi.

A-ROMA 8:19

Yuma yeswe yize Zambi atangile kuyakushimbula ni usona ngwo, Zambi asolole ana jenyi.

2 Korintu 6:18

Mungukabwa tatenu, mba ni yenu munukabwa ana jami a malunga ni ana jami a mapwo, Chenacho anambe Mwene Mukwa Ndundo Jeswe.”

Hebreu 11:12

Yabwa ngwe himafwa, hindu kuli iye mutu umuwika, yikusemuka atu anji ngwe matongonoshi a mwilu, ngwe masekeseke a ku mbumbulu ya kalunga lwiji waze kuwahashile kwalula.