Filemu 1:20 - Mukanda Wa Zambi 1970

²⁰ Ewa, mukwetu, ungutayize vumbi lino ngwe mukwenu mu kulinunga ni Kristu, mumu ha zango lia Kristu.

MUKANDA USANDU WA ZAMBI 1975

²⁰ Ewa, ndumbu, nguwahilile muli Mwene hali yena; hwimisa kama mbunge yami muli Kristu.

Filemu 1:20 Iomraidhean Croise

1 Korintu 16:18

Haananguhwimisa mbunge ngwe chize haananuhwimisa yenu mbunge. Chatamba kulemesa atu ngwe waze.

2 Korintu 2:2

Mumu, nyi mungunuvwisa chinyengo, aya maanguwahisa? Shina yenu nahele chinyengo!

2 Korintu 7:13

Kashika twatakamine. Kutwatakamine chamokomoko, alioze twawahilile muze twevwile uwahililo wa Titu ha chize nwamutakamishine.

Filipu 1:8

Zambi kali chela chami, ngwamie, nakunuvwila usona yenu eswe ni zango liahiana lia Yesu Kristu.

Filipu 4:1

Kashika akwetu akwa Kristu, manenu chizechene nguu, mu kuliendela chenu ni Mwene Yesu. Akwetu ngunanuzange, ngunanuvwila usona, ngunalisambe ni yenu, nunanguwahisa.

Filemu 1:12

Ngunakutumina ye haliabwila. Kali ngwe yami mwene.

Filemu 1:7

Mukwetu, zango lie hilinanguwahisa ni kungulembejeka, mumu hiunahuzulula mbunge ja akwa Kristu.

Hebreu 13:17

Ononokenenu tetekeli jenu mu Chikungulwila, azeyelenu. Mumu kaakulayiza mwono wenu, mumu ayo maakalumbununa uvumbiko wo kuli Zambi. Nyi nwoononokena, maakamanuna milimo yo ni uwahilio. Nyi ka, maakayimanununa ni chinyengo. Chuma chize kuchichi kanukwasa nichimwe.

1 Yoano 3:17

Nyi umwe mutu, pichi, kanamono mukwo kanahono, alioze nyi makalisa mbunge yenyi, ngwe kuchi mahasa kwamba ngwenyi, kakuzanga Zambi?

3 Yoano 1:4

Yuma yize yakunguwahisa kuhiana yenayi ayi: kwivwa ngwo, ana jami kaakulinga umwenemwene.