Filemu 1:17 - Mukanda Wa Zambi 1970

¹⁷ Chenacho, nyi unangumono ngwe nguli mukwa milimo ni mukwenu, mutambule ngwe chize wakungutambula yami.

MUKANDA USANDU WA ZAMBI 1975

¹⁷ Kashika kachi unangumono ngwe sepa, mutambule ngwe yami mwene.

Filemu 1:17 Iomraidhean Croise

Mateu 10:40

“Yoze manutambula, mangutambula yami. Yoze mangutambula, matambula yoze wangutumine.

Mateu 18:5

Ni yoze matambula kanuke umuwika ngwe yono, mu jina liami, mangulambula yami.”

Mateu 25:40

Mwanangana neye makaakumbulula ngwenyi: ‘Chamwenemwene ngunanwambulwila ngwami, muze nwachilingilile umwe wa kuli wano akwetu jami hi alemu ko, kafwa ngwe, yami nwachilingilile.’

Yilinga 16:15

Muze te hamupapachisa ni akwa zuwo lienyi, yaliumba kuli yetu ngwenyi: “Nyi nunangumono ngwe ngunafuliela Mwene Yesu chamwenemwene, tweyenu nutwame mu zuwo liami.” Yatushinjila, yiutayiza.

2 Korintu 8:23

Hakutwala kuli Titu, kakulinga hamwe ni yami ha kunukwasa. Hakutwala kuli akwetu akwo, waze aneza hamwe nenyi, akwa Yikungulwila haanaatongola ni kwatuma, kaakuhalisa Kristu.

Efesu 3:6

Chino che chijimbikilo: ku Sango Jibema, waze hi Ayuda ko haanahingi yiwape ya Zambi hamwe ni Ayuda. Eswe aali kaali yihanda ya mujimba umuwika. Ayo nawa kaali ni chilakenyo chimuwika chize Zambi hanalakenya mu kulinunga ni Kristu.

Filipu 1:7

Chinalite ngubwe ni manyonga wano hakutwala kuli yenu eswe, mumu nakununyonga mu mbunge yami matangwa eswe. Mumu eswe hinunatambula Chihanda cha utu uze angulwezele Zambi, chibwe haliabwila muze nguli mu zuwo lia lamba, ni muze nabwile mukwa kutusuka. Nwakufunga ni kukolesa Sango Jibema hamwe ni yami.

1 Timoteu 6:2

Ndungo waze ali ni miata jo akwa Kristu, kuchaatambile kwalelesa mumu kaali akwa Kristu ni akwo. Alioze chaatamba kwaalingila kuhiana, mumu kaakukwasa akwetu akwa kufuliela. Chakutamba kulongesa ni kwambujola yuma yino.

Filemu 1:10

Ngunaliumbu kuli yena hakutwala kuli mwanami mu ufulielo, Onesimu. Habwa mwanami ku tachi ja Mwiku wa Linanga muno mu zuwo lia lamba.

Filemu 1:12

Ngunakutumina ye haliabwila. Kali ngwe yami mwene.

Filemu 1:18

Nyi hanakulingi chibi, chibwe kongo akukwete, lisoneke ngwe kongo liami.

Hebreu 3:1

Kashika akwetu, yenu waze Zambi hanatambika, chanutamba kunyonga Yesu, yoze Zambi hanatumu hanga abwe Mwata wa mahako ja Zambi hakutwala ku ufulielo wetu.

Hebreu 3:14

Mumu tuli akwa milimo ni akwo ni Kristu, nyi twakunyongonona ndoo ku songo ngwe chize twafulielele ku kabutu.

Tiangu (Jake) 2:5

Akwetu akwa Kristu, banjikenu! Zambi hanatongola yiswale a hano hashi hanga abwe pichi mu ufulielo, ni maswana mu Wanangana wenyi uze alakenyene waze akumuzanga.

1 Petulu 5:1

Yami, umwe mukulwana wa Chikungulwila ngunashinjila makulwana mukachi kenu. Nguli chela cha lamba lize amwene Kristu, mungukabwa nawa ni kamwe ka uhenya uze muukasoloka. Ngunaliumbu kuli yenu ngwami,

1 Yoano 1:3

Yize twamwene ni twevwile, tunanwambulwila yo yenu nawa, hanga nulinunge ni yetu mu kuliendela chize tuli nacho hamwe ni Tata ni Mwanenyi Yesu Kristu.