Filemu 1:14 - Mukanda Wa Zambi 1970

¹⁴ Alioze Chazangile kulinga nichimwe nyi yena kuwatayile. Chazangile kukukwachisa ni tachi. Ngunazange uchilinge ni zango lia yena mwene.

MUKANDA USANDU WA ZAMBI 1975

¹⁴ Alioze chazangile kulinga nichimwe shina yena mutá; hanga chitanga che chipema kuchichi kapwa cha kuzangisa, aiioze ha upale wa yena mwene.

Filemu 1:14 Iomraidhean Croise

1 Sango Ja Mianangana 29:17

Zambi yami, ngunanyingika ngwami, wakweseka mbunge ya mutu mweswe, ni wakwivwa kuwaha ni akwa mbunge yimuwika. Hinalimwena cho yami mwene chize atu je anakunguluka hano haalambula ni uwahililo.

Miaso (Masamu) 110:3

Tangwa lize muukasa jita ni akwa kole je, atu je maakalihana kuli yena. Ngwe chize mume wakusulumioka chichamene cheswe, akweze je maakeza kuli yena ha milundu ye ya chijila.

1 Korintu 9:17

Nyi nalinga milimo ku upale wa yami mwene, kachi mungusa ko mbunge ha kutambula fweto. Alioze hi chocho ko, mumu kuyili milimo yize anguhele Zambi ha kuyilinga, Changutamba kuyilinga.

1 Korintu 9:7

Iya hanevu kama ngwo, kajita kakulilanjila yuma ya kwasa nayo jita iye mwene? Hanji ngwo, njimi keshi kulia mihuko ya vinyu yize atumbile? Hanji ngwo, kafunga keshi kunwa yamwa ya mapanga jenyi, nyi?

2 Korintu 1:24

Kutushi kunwambila ni tachi chize chanutamba kufuliela, mumu nunamana nguu mu ufulielo. Alioze twakulinga hamwe ni yenu ha uwahililo wenu.

2 Korintu 8:12

Mumu, nyi mutu mazanga kuhana chawana, Zambi matayiza chawana chenyi nikulita ni chize ali nacho, hi nikulita ko ni chize keshi nacho.

2 Korintu 9:5

Kashika ngunakanyonga ngwami, chinalite kuhula akwetu wano, nyi maahasa kunuheta hatangu ha kululika chawana chize nwalakenyene kuhana. Chenacho chawana chize muchikabwa chakululika kulu muze hinaheta. Mba chikalumbunuke ngwo, nunachilingi ku zango lia yenwene, hi ku zango lia mutu mukwo ko.

2 Korintu 9:7

Mutu mweswe akahane chize hanyonga kuhana, alioze hi ni chinyengo ko hanji mumu akwo kaanamushinjika. Mumu Zambi kakuzanga mutu yoze wakuhana ni uwahililo.