Filemu 1:12 - Mukanda Wa Zambi 1970

¹² Ngunakutumina ye haliabwila. Kali ngwe yami mwene.

MUKANDA USANDU WA ZAMBI 1975

¹² Namutumine cheka nawa kuli yena, iye mwene, te mbunge yami.

Filemu 1:12 Iomraidhean Croise

2 Samuel 16:11

Mba David yambili Abishai ni tumbaji twenyi eswe ngwenyi “Kamba kama mwanami wakulisemena yami mwene kanafupu kungushiha, mba kuchi nunalishimwoka hali yono Kabenjamine? Mwene Zambi hamwamba angushililike, mwechenu hanga angulinge cho.

Jeremia 31:20

“Israele yena uli mwanami yoze nakuzanga kuhiana. Muze nakwalakana jina lie, nakukunyonga ni zango. Mbunge yami yakulibikala mumu hali yena; mungukuvwila keke.

Marku 11:25

Ni muze munumana ni kulemba, konekenenu akwenu nyi umwe Chuma anuli nacho, hanga Tatenu wa mwilu akanukonekene milonga yenu. [

Luka 15:20

Neye yakatuka nikuhiluka kuli tato. “Shimbu te achili kusuku, tato yamumona, yamuvwila keke, yazomboka ni kumutakana, yamulimbukila ha kota, yamushisa.

Efesu 4:32

Lilwezenu utu ni kulivwila keke ni akwenu, likonekenenu, ngwe chize Zambi hananukonekena mumu hali Kristu.

Shimbi 13:6

“Tangwa likwo yayenu, hanji mwane wa lunga hanji wa pwo, hanji pwo yoze wakuzanga kuhiana, chibwe sepa lie yoze wakuzanga kuhiana, makutwala ku tenga ha kuwayila mazambi eka, waze yenu hanji tushakulu twenu kanda nuchiwayila kama.

Filemu 1:11

Ha miaka ya kunyima te mutu wamokomoko kuli yena, alioze haliabwila mahasa kutufumbula yena ni yami.

Filemu 1:13

Ngunazange kachi asale hamwe ni yami shimbu lize nguli muno mu zuwo lia lamba, hanga akusalakane ni kungukwasa.