Daniel 9:4 - Mukanda Wa Zambi 1970

⁴ Yingulemba kuli Mwene Zambi ni kushikisa milonga ya atu jami. Yingwamba ngwami: “Mwene Zambi, yena uli munene, twakukulemesa. Uli wamwenemwene hakutwala ku Usendo we. Wakulweza zango lie lize kulishi kuhwa kuli waze akukuzanga ni kufunga Shimbi je.

MUKANDA USANDU WA ZAMBI 1975

⁴ Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Daniel 9:4 Iomraidhean Croise

1 Yitanga Ya Mianangana 8:23

yalemba ngwenyi: “Mwene Zambi, Zambi ya Aisraele, kukushi Zambi mukwo niumwe ngwe yena, chibwe mwilu chibwe hashi! Wakufunga Usendo ni atu je. Wakwalweza utu we muze akukwononokena ni mbunge jo jeswe.

2 Sango Ja Mianangana 7:14

nyi ngwe alemba kuli yami, nyi alumuka ku mbunge, ni kwehuka yibi yize te akulinga, mba muze mwilu nguli mungwabanjika, ni kwakonekena milonga yo, ni kuwahisa nawa chifuchi cho.

Ezra 10:1

Muze te Ezra anafulamana hashi nikulemba kulutwe lia zuwo lia Zambi, nikulila, nikushikisa milonga yino, mbunga yinene ya Aisraele, malunga, ni mapwo, ni ana, yaakunguluka kuli iye, yaalila kuhiana.

Nehemia 1:5

“Mwene Zambi, Zambi ya mwilu! Yena uli munene, twakukuvwila woma. Yena wakufunga Usendo ni waze akukuzanga ni kulinga chize unapale.

Nehemia 9:32

“Aa Zambi, Zambi yetu, yena uli munene! Uli kola woma, mukwa ndundo! Wakufunga yilakenyo ya Usendo we. Chize ku matangwa waze te akutuhungumiona kuli mianangana ja Asuria ndoo ni musono uno, twakumona lamba linji, mianangana jetu, ni miata jetu, ni mahako jetu, ni akwa munanyi jetu, ni tushakulu twetu, ni atu jetu eswe. Iwuluka kama lamba lize hitwamona!

Miaso (Masamu) 32:5

Mba yingushikisa shili yami kuli yena; chakuswekelele ko uhenge wami. Nabatwile ngwami, munguyishikisa kuli yena, ni yena yiungukonekena yo yeswe.

Kutuhuka 20:6

Alioze tununu twa yisemuko ya waze akunguzanga ni akufunga Shimbi jami, mungubwa ni kwalweza utu.

Jeremia 3:13

Tayiza lume ngwe: ‘Ngunahi. Nakatukilile Mwene Zambi, Zambi yami.’ Shikisa ngwe, ‘Mushi lia mitondo yeswe ya wisu hingunazange mazambi a tundaka, Chononokenene ko ku maliji je.’ Yami Mwene Zambi nachamba.

Jeremia 32:23

Alioze muze haanjila mo, haachizuka, kononokene ko ku Shimbi je hanji kufunga longeso lie; kaalingile ko nichimwe cha yuma yize waalwezele. Kashika yiwaamwesa lamba lino lieswe.

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Daniel 9:3

Yinguliumba kuli Mwene Zambi ni chinyengo, nikumulembela, nikulitwamina kulia, nikuzala mwanji, nikulimwangina uto.

Luka 1:72

Nawa ngwenyi, makasolwela tushakulu twenu keke yenyi ni kwiwuluka Usendo wenyi wa linanga.

A-ROMA 8:28

Mumu tunanyingika ngwetu, ha yuma yeswe Zambi kakulinga yibema kuli waze akumuzanga, kuli waze atambikile nikulita ni kunyonga chenyi.

Shimbi 5:10

Alioze tununu twa yisemuko ya waze akunguzanga ni akufunga Shimbi jami, mungubwa ni kwalweza utu.

Shimbi 7:12

“Nyi nwabanjika ku Shimbi jino ni kujifunga kanawa, mba Mwene Zambi, Zambi yenu, makafunga Usendo uze akolesele ni yenu ni kunulweza zango lienyi hahiana, ngwe chize alakenyene tushakulu twenu.

Shimbi 7:21

Kashika kanda nuvwila atu wano woma. Mwene Zambi, Zambi yenu, kali hamwe ni yenu, kali Zambi munene, kola woma.

Shimbi 7:9

Kashika iwulukenu ngwenu, Mwene Zambi, Zambi yenu, kali Zambi wika, kali mukwa kushishika. Kumakafunga Usendo wenyi uze akolesele ni Aisraele ni kulweza zango lienyi kuli tununu twa yisemuko a kuli waze akumuzanga ni akufunga Shimbi jenyi.

Tiangu (Jake) 1:12

Kawaha mutu yoze wakukumba mu yeseko. Mumu muze hakumba, mabwa ni mwono. Mwono uze uli chawana chize Zambi hanalakenya waze akumuzanga.

Tiangu (Jake) 2:5

Akwetu akwa Kristu, banjikenu! Zambi hanatongola yiswale a hano hashi hanga abwe pichi mu ufulielo, ni maswana mu Wanangana wenyi uze alakenyene waze akumuzanga.