Daniel 9:3 - Mukanda Wa Zambi 1970

³ Yinguliumba kuli Mwene Zambi ni chinyengo, nikumulembela, nikulitwamina kulia, nikuzala mwanji, nikulimwangina uto.

MUKANDA USANDU WA ZAMBI 1975

³ Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Daniel 9:3 Iomraidhean Croise

2 Samuel 12:16

Mwanangana yalemba kuli Zambi hanga mwana ahinduke. Yajila kulia, matangwa eswe ufuku yanjila mu zuwo lienyi, yabomba hashi.

Ezra 10:6

Ezra yakatuka kulutwe lia zuwo lia Zambi, yanjila mu zuwo lia Jehohanane mwana wa Eliashibe, yabomba ko tangwa lize. Kalile ko, chibwe kunwa ka, yanenganyana mumu ha uhulia wa atu waze atuhukile mu undungo.

Ezra 8:21

Kwenako ku lwiji Ahava, nahanyine Shimbi hanga yetu eswe tulitwamine kulia, tulikehese ku meso ja Zambi yetu, tuliumbe hanga atusongwele mu wenyi wetu ni kutufunga ni ana jetu ni ubite wetu weswe.

Ezra 9:5

Muze te ola ya milambu ya chingoloshi hiyaheta, mba yingukatuka ni kuzala mahina jami akusonya, yingufukama ha makungunwa jami ni kulemba ni kwolola moko jami kuli Mwene Zambi, Zambi yami.

Nehemia 9:1

Ha kakweji yoze mwene ha tangwa ha makumi aali ni awana, Aisraele yaakunguluka ni kulitwamina kulia nikusolola chinyengo cha milonga yo. Te haanalihandununa kulu kuli yilambala eswe. Yaazala mianji ni kulimwangina uto ha mitwe yo nikusolola yinyengo yo. Mba yaakatuka, yaabutuka kushikisa milonga yo ni yize ya tushakulu two.

Estere 4:16

“Yako ukungulule Ayuda eswe a mu Shushane. Alitwamine kulia ni kungulembela kama. Kanda nulia chimwe Chuma hanji kunwa matangwa atatu. Ni yami ni tuvumbi twami a mapwo mutulinga nawa chizechene. Mba munguya kuli mwanangana, chibwe kuchalitele ni Shimbi. Chibwe kufwa, mungufwa.”

Jobe 42:6

Kashika ngunevu sonyi ha yize yeswe hinahanjika, hinalumuna mbunge, hinatwama mu fufuta ni uto.

Miaso (Masamu) 35:13

Alioze muze ayijile yinguzala mwanji, yingulitwamina kulia, yingulihetamina nikulemba,

Izaya 22:12

Ha tangwa lize Mwene Zambi Mukwa Ndundo Jeswe anutambikile ni kulila, ni kulishimwoka, ni kutewula kambu jenu, ni kuzala mianji.

Jeremia 33:3

“Ngutambikenu mba mungunukumbulula ni kunulweza yuma ya kukomwesa ni ya kusweka, yize kuwayinyingikine.

Ezekiel 36:37

Mwene Zambi kanambe ngwenyi: “Mungukatayiza Aisraele kunguhula nawa ngwakwase, mungukookesa ngwe mbunga ya mapanga.

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Daniel 9:2

Ha mwaka utangu wa kuyula chenyi, yami Daniel te nakuhengula mu mikanda ya Zambi ni kushinginyeka hakutwala ku chize Yerusaleme mabwa kwenyeka miaka makumi shimbiali nikulita ni liji lize Mwene Zambi alwezele mukwa munanyi Jeremia.

Daniel 9:20

Nanyongonona nikulemba, nikushikisa milonga yami ni ya atu jami Aisraele, nikuliumba kuli Mwene Zambi, Zambi yami, hanga atungulule zuwo lienyi lia chijila.

Daniel 9:4

Yingulemba kuli Mwene Zambi ni kushikisa milonga ya atu jami. Yingwamba ngwami: “Mwene Zambi, yena uli munene, twakukulemesa. Uli wamwenemwene hakutwala ku Usendo we. Wakulweza zango lie lize kulishi kuhwa kuli waze akukuzanga ni kufunga Shimbi je.

Joele 1:13

Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Joele 2:12

Mwene Zambi ngwenyi: “Chibwe chocho, alumukenu ku mbunge nuhiluke kuli yami nujile kulia, nulile ni kunenganyana.

Yona 3:5

Aninive yaafuliela liji lia Mwene Zambi. Yaabatula ngwo, mutu mweswe ajile kulia, atu eswe, chize kuli pichi ndoo kuli yiswale, azale mianji ha kusoloka ngwo, haalumuka ku mbunge.

Mateu 17:21

Alioze mwiku ngwe uno kuushi kutuhuka shina ha kulemba ni kulitwamina kulia ha kuwayile Zambi.]”

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.