Daniel 8:8 - Mukanda Wa Zambi 1970

⁸ Mwe kuji a pembe yabutuka kulengumuka kuhiana, alioze muze habwa ni tachi kuhiana, mbinga yenyi yiimakuka. Mba ha chituwa chize yihasoka mbinga jeka jiwana, yijitalikisa ku kanda jeswe.

MUKANDA USANDU WA ZAMBI 1975

⁸ Mba kuji ya pembe yalitohesa kuhiana, alioze muze hapwa ni tachi, mbinga yenyi yinene yiyimakuka, mba yikusoka mbinga jiwana ja lufuma kusalakana ja kutalikisa ku fuji jiwana ja malilu.

Daniel 8:8 Iomraidhean Croise

2 Sango Ja Mianangana 26:16

Alioze muze mwanangana Uzia hatakama kuhiana, yalengumuka chinji, kashika yalikokela mulonga. Yalimika ni Mwene Zambi, Zambi yenyi, ni kunjila mu zuwo lia Zambi ni kwochela Mwene Zambi yuma ya vumba libema ha chilumbilo.

Estere 9:4

Mu wanangana weswe atu yaanyingika ngwo, Mordekai habwa mutu mulemu mu wanangana, ni ulemu wenyi yiuya lume ni kuliwezela.

Jeremia 49:36

Mungutuma fuji yize yinakatuka ku kanda jeswe. Mungumwangina atu jamo kweswe, ndoo haachinyina mu yifuchi yeswe.

Jeremia 5:27

Ngwe chize yanga akuzalisa zuwo lienyi ni tujila, no haanazalisa mazuwo jo ni yuma yakububa. Kashika haanabu akwa kutakama ni pichi,

Ezekiel 16:7

Yingukutatwisa ngwe chibuta. Yiutatuka, yiusuhwa, yiubwa pwo. Yiubwa ni mele ni kambu jisuku, alioze te uli uselesele.

Ezekiel 28:9

Muze maakeza ni kukushiha, muukamba nawa ngwe, uli umwe zambi, nyi? Muze muukaamona meso ni meso muukabwa ngwe mutu hi ngwe zambi ko.

Daniel 11:4

Alioze muze makabwa ni tachi kuhiana, wanangana wenyi muukahandunuka mu yihanda yiwana. Mianangana waze hi a ku vungu lienyi ko maakamusalakana, alioze keechi kabwa ni tachi ngwe iye.

Daniel 4:31

Muze te machihanjika, mwilu yimwiza liji ngwo: “Mwanangana Nebukanezore, banjika ku maliji jami! Chiyulo cha wanangana we haliabwila hakuchiza cho.

Daniel 5:20

Alioze muze mwe tatenu halizata, halengumuka, habwa chitanganyanyi, Zambi yamuchiza ha chitwamo chenyi cha wanangana, neye yatokesa muhela wenyi wa vumbi.

Daniel 7:2

We Usolwelo uno: Fuji yiwana yiivundula kalunga lwiji sali ni sali.

Daniel 7:6

Muze te ngunatale, yingumona ngongo mukwo. Yalifwa ni kolwama, alioze te kali ni mapulwa awana ngwe a kajila. Yabwa nawa ni mitwe yiwana, yamoneka ngwe umwe mukwa kuyula.

Daniel 8:22

Mbinga jiwana jize jasokele muze yitangu hiyamakuka jinalumbununa ngwo, wanangana utangu muukahandunuka mu mawanangana awana. No keechi kabwa ni tachi ngwe uze utangu.

Daniel 8:5

Muze te ngunanyongo hakutwala ku ulumbunwiso wa Usolwelo uze, yingumona kuji a pembe unakatuka fuji ku chitokelo, molu jenyi kaaliachile ko hashi. Neye yabwa ni mbinga yimuwika yinene mukachi ka yikenyikenyi.

Daniel 8:7

Yingumutala te kanabubu kuji a panga ni wuli wenyi unji, yamumakwona je mbinga jaali. Neye kabwile ko nawa ni tachi ja kujikiza. Kuji a pembe yambila kuji a panga hashi, yamuliataliata. Niumwe kabwile ko yoze mahasa kumulamwina.

Mateu 24:31

Chitavi chinene muchikahanjika. Hohene Zambi makatuma tunganda twenyi a mwilu ku mbango jeswe jiwana ja hashi, no maakakungulula waze Zambi hanatongola chize ku songo limwe lia hashi ndoo ku songo likwo.”

Marku 13:27

Hohene Zambi makatuma tunganda a mwilu, hanga akakungulule waze hanatongola iye mwene, ku mbango jeswe jiwana, chize ku songo limwe lia hashi ndoo ku songo likwo.”

Shimbi 31:20

Mungwahetesa mu chifuchi chino cha chinuno, ngwe chize nalakenyene tushakulu two. Kwenako maakabwa ni yakulia yeswe yize anazange, maakatwama kanawa. Alioze kumaakatewuluka ni kuwayila mazambi eka. Kumaakangwehuka ni kushiha Usendo wami.

Usolwelo 7:1

Munabwamuze yingumona tunganda a mwilu awana kaanamana ku mbango jeswe jiwana ja hashi, kaanakwata fuji yiwana ya hashi, hanga kuyichi kuhehuka hashi heswe, chibwe ha kalunga lwiji, chibwe ku weswe mutondo.