Daniel 8:5 - Mukanda Wa Zambi 1970

⁵ Muze te ngunanyongo hakutwala ku ulumbunwiso wa Usolwelo uze, yingumona kuji a pembe unakatuka fuji ku chitokelo, molu jenyi kaaliachile ko hashi. Neye yabwa ni mbinga yimuwika yinene mukachi ka yikenyikenyi.

MUKANDA USANDU WA ZAMBI 1975

⁵ Shimbu munguchizewula, kumanyi, kuji ya pembe yakatuka ku Chitokelo ni kupalika ndusu hashi heswe, nikuliata hashi ka. Kuji ya pembe kali ni mbinga yimwe ya lufuma hakachi ka meso jenyi.

Daniel 8:5 Iomraidhean Croise

Daniel 11:3

“Hohene mukukasoloka umwe mwanangana chitakame. Neye makayula mu wanangana unene, makalinga cheswacho anazange.

Daniel 2:32

Mutwe wenyi te wakulinga ni oru yibema; tulo yenyi ni moko jenyi ya prata; jimo lienyi ni mashina ja molu jenyi ya unengu;

Daniel 2:39

Kulutwe lia yenu mukukabwa wanangana ukwo, alioze hiunene ko ngwe uno wa yenu; kulutwe lia uze mukukabwa wa muchitatu, wanangana wa unengu, uze muukayula atu eswe a hashi.

Daniel 7:6

Muze te ngunatale, yingumona ngongo mukwo. Yalifwa ni kolwama, alioze te kali ni mapulwa awana ngwe a kajila. Yabwa nawa ni mitwe yiwana, yamoneka ngwe umwe mukwa kuyula.

Daniel 8:21

Kuji a pembe kanalumbununa wanangana wa Gresia. Mbinga yenyi yinene ya mukachi ka yikenyikenyi yinalumbununa mwanangana wo mutangu.

Daniel 8:6

Yeza kuli kuji a panga, yoze namwene te unamana ku mbumbulu ya lwiji, yamulundumukina ni tachi jenyi jeswe.

Daniel 8:8

Mwe kuji a pembe yabutuka kulengumuka kuhiana, alioze muze habwa ni tachi kuhiana, mbinga yenyi yiimakuka. Mba ha chituwa chize yihasoka mbinga jeka jiwana, yijitalikisa ku kanda jeswe.