Daniel 8:4 - Mukanda Wa Zambi 1970

⁴ Yingumona mwe kuji a panga kanayi nikububa ku chitokelo, ni ku norde, ni ku sude. Te kukushi kashitu niumwe yoze mahasa kumukwika hanji kumuchina mumu ha tachi jenyi. Yalinga yeswe yize azangile, yabutuka kulengumuka.

MUKANDA USANDU WA ZAMBI 1975

⁴ Namwene mwe kuji ya panga kanalundumukina ku Chitokelo, ni ku Norte, ni ku Sule. Niumwe kashitu wahasa kujikiza kumeso jenyi; kukwapwile niumwe yoze wahasa kupulula ku tachi jenyi. Walingile cheswacho chamupemenene nikulitohesa.

Daniel 8:4 Iomraidhean Croise

1 Yitanga Ya Mianangana 22:11

Umwe hakachi ko, Zedekia, mwana wa Kenana, yalifulila mbinga ja utale. Yambila Ahabe ngwenyi: “Mwene Zambi kanambe ngwenyi: ‘Munushinjika Asiria ni mbinga ndoo munwakumba liakulu.’ ”

Jobe 10:7

Yena Unanyingika ngwe, chishi kwami ni uhiso; niumwe mahasa kungulamwina mu moko je.

Miaso (Masamu) 44:5

Ku tachi je twakukumba akwa kole jetu ni kwaliata.

Miaso (Masamu) 50:22

“Banjikenu yenu waze nwakungulelesa, nyi ka, mungunwonona; kukushi niumwe yoze manulamwina.

Miaso (Masamu) 7:2

Nyi ka, maangupapulula ngwe tambwe, Maangutwala kusuku kuze niumwe mahasa kungupulula.

Ezekiel 34:21

Nwakushinjika haze waze ali ni yikola ni kwabuba nwahume.

Daniel 11:16

Mwanangana wa ku Norde makalinga cheswacho anazange, niumwe kechi kajikiza ku meso jenyi. Kumakamana mu chifuchi cha Chilakenyo ni kuchiyula liakulu.

Daniel 11:36

“Mwanangana wa ku Norde makalinga ngwe chize anazange. Makalichichimieka ngwenyi, ngunahiana mazambi eswe, kuhiana chibwe mwe Zambi Chitunda. Makachilinga ndoo ku tangwa lize Zambi makamumwesa lamba. Zambi makalinga nikulita ni chize hanalulika kulu.

Daniel 5:19

Neye yabwa munene lume. Kashika atu a ku yifuchi, ni mavungu, ni maliji eswe yaamuvwila woma, yaachikima. Nyi ngwe hazanga kushiha umwe mutu, te kakuchilinga; nyi ngwe hazanga kufunga umwe ni mwono, hindu te kakuchilinga. Yoze te anazange kulemesa, yamulemesa; ni yoze te anazange kulelesa, yamulelesa.

Daniel 5:30

Ha ufuku uzewene akwa kole yaashiha Belshazare mwanangana wa Babilonia.

Daniel 7:5

Ngongo wa muchaali yalifwa ngwe ursu, yamana. Yabwa ni pachi jitatu ku mazo jenyi. Yikwiza liji ngwo: “Yako, ulie yifwo yinji ngwe chize unazange.”

Daniel 8:7

Yingumutala te kanabubu kuji a panga ni wuli wenyi unji, yamumakwona je mbinga jaali. Neye kabwile ko nawa ni tachi ja kujikiza. Kuji a pembe yambila kuji a panga hashi, yamuliataliata. Niumwe kabwile ko yoze mahasa kumulamwina.

Mika 5:8

Waze maakasala mukachi ka mavungu maakabwa ngwe tambwe yoze unazombo mu usaki hanji mu chililo ni kufupa yakulia. Makanjila mukachi ka mapanga, makachinyangila hali ayo ni kwapapulula yihanda yihanda, niumwe kechi kaapulula.

Shimbi 33:17

Josefe yabwa ni tachi ngwe kuji a ngombe, kali ni mbinga ngwe ja kuji a mbau. Mbinga jenyi jili tununu twa Amanase ni tununu kumi twa Aefraime. Kaakushinjika najo mavungu ni kwatwala ku mambango eswe a hashi.”