Daniel 7:9 - Mukanda Wa Zambi 1970

⁹ Muze te ngunatale, yaasa yitwamo ya wanangana mu mihela yayo. Mba umwe, yoze wabwile ni mwono chize ku miaka yeswe, yatwama ha chimwe chitwamo. Mahina jenyi yaabwa atoma ngwe chiwe, kambu jenyi yiijibwa ngwe Wanda utoma. Chitwamo chenyi yichisoloka ngwe milengi ya kahia, yichibwa ha yijingo ya kahia kaze kanalengenya,

MUKANDA USANDU WA ZAMBI 1975

⁹ Shimbu munguchitala, akolesele ngunja, ni umwe jina lienyi Mukulu-wa-Matangwa yatwama. Mazalo jenyi atoma ngwe neve, ni kambu jenyi ja ha mutwe japwile ngwe wanda upema, ngunja yenyi yapwile milengi ya kahia, ni maroda jayo kahia ka kuyila.

Daniel 7:9 Iomraidhean Croise

1 Yitanga Ya Mianangana 22:19

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

2 Sango Ja Mianangana 18:18

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

Miaso (Masamu) 45:8

Mahina je kaakukupuka vumba libema lia yuma yino: mira, ni yilombo, ni kasia, atu kaakukwimbila tulialia mu mazuwo akwola ni mazo a njamba.

Miaso (Masamu) 90:2

Muze te kanda uchitanga milundu ni hashi, chize ku miaka yeswe ndoo ku miaka yeswe yena uli Zambi.

Miaso (Masamu) 93:2

Aa Mwene Zambi, wanangana we kuwakola chize ku Ubutukilo, yena uli wa miaka yeswe.

Izaya 6:1

Ha mwaka uze afwile mwanangana Uzia, yingumona Mwene Zambi. Te kanatwama ha chitwamo chenyi chinene cha wanangana; kananangama; lubula wenyi yazalisa zuwo lienyi lia chijila.

Izaya 9:6

Kuli yetu hikwasemuka mwana! Mwana lunga hatwaha yo! Kumakabwa mukwa kutuyula. Kumaakamuvuluka ngwo: “Mukwa Kukomwesa,” “Mukwa Kukanyamisa,” “Zambi Mukwa Ndundo,” “Tata wa Miaka Yeswe,” “Mwanangana wa Uhwimino.”

Jeremia 49:38

Mungunongesa mianangana jo ni miata jo, ni kusako yitwamo yami.

Ezekiel 1:26

Ha chifuko chize yihabwa Chuma ngwe chitwamo cha mwanangana chakulinga ni safira. Ha che chitwamo yihatwama umwe walifwa ngwe mutu.

Daniel 7:13

Mu Usolwelo wa ufuku uze, yingumona umwe walifwa ni mwana mutu wakujingilika ni malelwa, yangukundama. Mba yaya kuli yoze wabwile ni mwono chize ku miaka yeswe, yaamulakula kuli iye.

Daniel 7:22

Mba yoze watwama ni mwono chize ku miaka yeswe yeza, yasambisa atu ja Zambi Chitunda. Te tangwa hiliaheta atu ja Zambi atambule chiyulo cha wanangana.

Mika 5:2

Mwene Zambi ngwenyi: “Yena Betleheme Efrata, uli mukepe kuhiana mukachi ka membo ja Yuda, alioze muli yena mungukatuhwisa umwe mukwa kuyula wa Aisraele. Kwalula cha akwa jiko lienyi chinayi ndoo ku shakulu.”

Habakuke 1:12

Aa Mwene Zambi, chize ku kabutu yena uli Zambi. Yena uli Zambi yami, munangi kanda wa miaka yeswe. Mwene Zambi, Zambi yami, kanda Luliwe lwami lwa kuswama, hiunatongola Ababilonia, hiwaapwisa akwa tachi hanga atumwese lamba.

Mateu 17:2

Mba kusoloka chenyi yichalumuka ku meso jo; meso jenyi yaahenya ngwe tangwa; mahina jenyi yaabwa atoma ngwe Pangu.

Mateu 28:3

Yahenya ngwe muhenyo, mahina jenyi yaabwa atoma ngwe chiwe.

Marku 9:3

Mahina jenyi yaabeyima kuhiana, yaatoma lume. Mukwa kukosa niumwe hano hashi mahasa kwatomesa chichize.

Yilinga 2:30

Te mukwa munanyi wa Zambi, mba yanyingika ngwenyi, Zambi hanamulakenya ni Shingo ngwenyi: ‘Mungukapwisa umwe wa ku vungu lie mwanangana ngwe yena.’

Yilinga 2:33

Zambi hanamuzundula, hanamuse ku kwoko lienyi lia chindume. Ni Yesu hanatambula kuli Tata, Mwiku wa Linanga uze alakenyene, hanatumwangina wo. Yuma yize nunevu ni yize nunamono yili yitanga ya Mwiku uze.

Filipu 3:9

ni kulinunga nenyi liakulu. Chishi nawa ni ululi wa yami mwene, uze wakwiza ha kufunga Shimbi. Alioze haliabwila nguli ni ululi uze wakwiza ha kusa mbunge kuli Kristu. Ululi uno wakukatuka kuli Zambi mumu ha ufulielo.

1 Timoteu 6:16

Iye wika keshi kufwa. Katwama mu pangu lize mutu niumwe kahashile kukundama mo. Mutu niumwe kanda amumona kama nilimwe tangwa, niumwe mahasa kumumona. Iye chamutamba kubwa ni ulemu ni ndundo ku miaka yeswe! Chibwe kama Chenacho.

1 Yoano 1:5

Lino lie liji lize twevwile kuli Yesu Kristu ni tunanwambulwila lio. Zambi kali pangu, muli iye kumushi milima niyimwe.

Usolwelo 1:14

Kambu jenyi te jitoma kuhiana ngwe ngona ja mapanga, hanji ngwe chiwe (neige), meso jenyi te kaanalekwoka ngwe mulengi wa kahia.

Usolwelo 19:18

Tweyenu hanga nulie misunya ya mianangana anene anene, ni misunya ya tujita ni ya miata jo, ni misunya ya tuvwalu ni ya waze akutwama hali ayo, ni misunya ya atu eswe, ni ya ndungo ni enyaho, ni ya makulwana ni ya twanuke!”

Usolwelo 20:4

Hohene yingumona yitwamo ya wanangana ni waze atwamine ho. Yaatambula chiyulo cha kubatwila atu. Yingumona nawa miono ya atu waze ashihile mumu ambulwile umwenemwene uze asolwele Yesu Kristu ni maliji a Zambi. Kaawayilile ngongo yoze munene chibwe kaponya kenyi ka. Kaatambwile ko mufunda wa ngongo yoze chibwe ha mahuma jo, chibwe ha moko jo. Enoo yaabwa nawa ni mwono, ni yaayula hamwe ni Kristu kanunu ka miaka.

Usolwelo 4:2

Hazehene Mwiku wa Linanga yiungukwata. Mwe mwilu te chitwamo cha wanangana chilimo. Ha chitwamo chize umwe unatwama ho.