Daniel 7:7 - Mukanda Wa Zambi 1970

⁷ Muze te ngunatale, yingumona nawa ngongo wa muchiwana. Yabwa ni tachi, kole ni woma. Yapapulula akwa kole jenyi ni mazo jenyi, yaabatwola, yaaliataliata. Kalifwile ko ni ngongo akwo, yabwa ni mbinga kumi.

MUKANDA USANDU WA ZAMBI 1975

⁷ Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Daniel 7:7 Iomraidhean Croise

2 Samuel 22:43

Nakwafwenya, kaakubwa ngwe fufuta ya hashi, nakwaliata ngwe malowa a mu jila.

Jobe 41:14

Iya mahasa kubakula mbangachi jenyi jize jakujingilika ni mazo a mwongo kuhiana?

Ezekiel 40:2

Mu Usolwelo Zambi yangutwala mu chifuchi cha Israele, yangusa ha mulundu usuku. Ku meso jami yingumona mazuwo anji ngwe limbo.

Daniel 2:19

Ha ufuku uzewene Zambi yasolwela Daniel chijimbikilo chize mu Usolwelo. Neye yachichimieka Zambi wa mwilu ngwenyi:

Daniel 7:13

Mu Usolwelo wa ufuku uze, yingumona umwe walifwa ni mwana mutu wakujingilika ni malelwa, yangukundama. Mba yaya kuli yoze wabwile ni mwono chize ku miaka yeswe, yaamulakula kuli iye.

Daniel 7:2

We Usolwelo uno: Fuji yiwana yiivundula kalunga lwiji sali ni sali.

Daniel 8:10

Yiilikoleza kuhiana, yiiyasa jita ni tujita twa mwilu, chibwe ni matongonoshi, yiimbila amwe hashi ni kwaliataliata.

Daniel 8:22

Mbinga jiwana jize jasokele muze yitangu hiyamakuka jinalumbununa ngwo, wanangana utangu muukahandunuka mu mawanangana awana. No keechi kabwa ni tachi ngwe uze utangu.

Zakaria 2:1

Mu Usolwelo ukwo yingumona umwe lunga ni lwoji wa kweseka nenyi mu kwoko lienyi.

Usolwelo 12:3

Chilayi chikwo yichisoloka kwilu: umwe ngongo munene muchila, dragau, yasoloka ni mitwe shimbiali ni mbinga kumi. Ha mitwe yenyi yabwa ni yipangula shimbiali.

Usolwelo 13:1

Mba yingumona ngongo munene mukwo, te unatuhuka mu kalunga lwiji. Te kali ni mbinga kumi, ni mitwe shimbiali. Kanazala yipangula ha mbinga jenyi jeswe, ni ha mitwe yenyi hanasonewa majina ja kuchoka Zambi.

Usolwelo 17:12

“Mbinga kumi jize hiwamona jinalumbununa mianangana waze kanda achihinga, alioze maakatambula chiyulo cha kuyula ngwe mianangana ha ola yimuwika hamwe ni ngongo yoze.

Usolwelo 17:7

Mba kanganda ka mwilu yangwamba ngwenyi: “Kuchi analishimwoka? Mungukwambulwila ulumbunwiso wa chijimbikilo cha mwe pwo ni ngongo munene yoze unamumbata, ngongo yoze uli ni mitwe shimbiali ni mbinga kumi.

Usolwelo 17:8

Ngongo yoze hiwamona, hatangu te kali ni mwono, alioze haliabwila keshi nawa ni mwono, chamutamba kutuhuka muma mwajotoka hanga aye akafwe. Akwa hashi hano, waze majina jo kaasonewene ko mu mukanda wa akwa mwono, chize kuze Zambi atangile yuma yeswe, maakalishimwoka muze maakamona ngongo yoze. Mumu hatangu te mwono akwete, alioze keshi nawa ni mwono, alioze makasoloka nawa.