Daniel 7:2 - Mukanda Wa Zambi 1970

² We Usolwelo uno: Fuji yiwana yiivundula kalunga lwiji sali ni sali.

MUKANDA USANDU WA ZAMBI 1975

² Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene.

Daniel 7:2 Iomraidhean Croise

Izaya 17:12

Mavungu a tachi kaanavundula ni lundunjila ngwe kalunga lwiji, ngwe zungo lia miavu ya meya.

Jeremia 49:36

Mungutuma fuji yize yinakatuka ku kanda jeswe. Mungumwangina atu jamo kweswe, ndoo haachinyina mu yifuchi yeswe.

Jeremia 51:42

Kalunga lwiji hazala, hafuka Babilone ni mikanya yenyi.

Daniel 11:4

Alioze muze makabwa ni tachi kuhiana, wanangana wenyi muukahandunuka mu yihanda yiwana. Mianangana waze hi a ku vungu lienyi ko maakamusalakana, alioze keechi kabwa ni tachi ngwe iye.

Daniel 2:19

Ha ufuku uzewene Zambi yasolwela Daniel chijimbikilo chize mu Usolwelo. Neye yachichimieka Zambi wa mwilu ngwenyi:

Daniel 7:13

Mu Usolwelo wa ufuku uze, yingumona umwe walifwa ni mwana mutu wakujingilika ni malelwa, yangukundama. Mba yaya kuli yoze wabwile ni mwono chize ku miaka yeswe, yaamulakula kuli iye.

Daniel 7:7

Muze te ngunatale, yingumona nawa ngongo wa muchiwana. Yabwa ni tachi, kole ni woma. Yapapulula akwa kole jenyi ni mazo jenyi, yaabatwola, yaaliataliata. Kalifwile ko ni ngongo akwo, yabwa ni mbinga kumi.

Daniel 8:2

Yingumona mu Usolwelo susumuku nguli mu limbo liakukoleka lia Shushane mu chifuchi cha Elame. Te ngunamana ku mbumbulu ya lwiji Ulai.

Daniel 8:8

Mwe kuji a pembe yabutuka kulengumuka kuhiana, alioze muze habwa ni tachi kuhiana, mbinga yenyi yiimakuka. Mba ha chituwa chize yihasoka mbinga jeka jiwana, yijitalikisa ku kanda jeswe.

Zakaria 6:5

Yangukumbulula ngwenyi: “Jino jili fuji jiwana jize jinakatuka kuli Mwene Zambi wa hashi heswe.”

Mateu 24:31

Chitavi chinene muchikahanjika. Hohene Zambi makatuma tunganda twenyi a mwilu ku mbango jeswe jiwana ja hashi, no maakakungulula waze Zambi hanatongola chize ku songo limwe lia hashi ndoo ku songo likwo.”

Usolwelo 17:15

Kanganda ka mwilu yangwamba ngwenyi: “Ngiji jize hiwamona haze te pwo yoze chitanji anatwama, jinalumbununa atu, ni mbunga, ni akwa mavungu, ni akwa maliji.

Usolwelo 7:1

Munabwamuze yingumona tunganda a mwilu awana kaanamana ku mbango jeswe jiwana ja hashi, kaanakwata fuji yiwana ya hashi, hanga kuyichi kuhehuka hashi heswe, chibwe ha kalunga lwiji, chibwe ku weswe mutondo.