Daniel 7:10 - Mukanda Wa Zambi 1970

¹⁰ kahia yikalekwoka kulutwe lienyi. Tununu ni tununu te anamana kulutwe lienyi. Akwa kusopa yaabutuka kusopa, yaabakwola mikanda.

MUKANDA USANDU WA ZAMBI 1975

¹⁰ Muhwiji wa kahia wavwelwokele ni kutuhuka kumeso jenyi. Kanunu ka tununu amuvumbikile, ni kumi lia tununu twa yisuho ya kumi lia tununu amanyine kumeso jenyi. Punga ya sopi yatwama kusopa, apakwile mikanda.

Daniel 7:10 Iomraidhean Croise

1 Yitanga Ya Mianangana 22:19

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

2 Sango Ja Mianangana 18:18

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

Jobe 25:3

Kwali mutu yoze mahasa kwalula tunganda twa mwilu waze akumulingila, nyi? Kukuli kumwe kuma kuze pangu lia Zambi kulishi kuheta ko, nyi?

Miaso (Masamu) 103:21

Chichimiekenu Mwene Zambi, yenu eswe tunganda twa mwilu a ndundo, yenu tuvumbi twenyi waze nwakulinga chize anazange.

Miaso (Masamu) 18:8

Mwishi yiukakumuka mu mazulu jenyi, milengi ya kahia ni makala yiilengenya mu kanwa lienyi.

Miaso (Masamu) 50:3

Zambi yetu kaneza, alioze keshi kuhola, kahia kanalekwoka kulutwe lienyi, chijimbi chinamujingilika.

Miaso (Masamu) 68:17

Mwene Zambi hakatuka ha mulundu wa Sinai, heza ndoo muma mwa chijila mu matemba jenyi tununu ni tununu.

Izaya 30:27

Ndundo ja Mwene Zambi ni uhenya wenyi yinamoneka kusuku. Kahia ni mwishi yinalweze ufwatulo wenyi. Muze akuhanjika maliji jenyi kaakusasaminya ngwe kahia.

Izaya 30:33

Jiko lia kahia alilulikile kulu lia kwochela mwanangana wa Asuria. Lili linene ni lisuku, yilizala ni kunyi. Mwene Zambi makafuza mulengi wa kahia wa kujocha.

Daniel 12:1

Kanganda ka mwilu yoze te unazala mahina atoma alefuna yamba ngwenyi: “Ha tangwa lize mwe Mikele, kanganda ka mwilu mukwa lutwe yoze wakufunga atu je, makasoloka. Ha matangwa waze lamba linji mulikabwa ko, lamba ngwe lize kanda libwa kama nilimwe tangwa chize kuze Zambi atangile atu hano hashi. Muze tangwa lize mulikeza, atu eswe a ku vungu lie waze anasonewa mu mukanda wa Zambi kumakaalamwina.

Daniel 7:22

Mba yoze watwama ni mwono chize ku miaka yeswe yeza, yasambisa atu ja Zambi Chitunda. Te tangwa hiliaheta atu ja Zambi atambule chiyulo cha wanangana.

Daniel 7:26

Hohene ngaji ja mwilu maakakunguluka ni kumubatwila, maakachiza chiyulo chenyi ni kumwonona liakulu.

Zakaria 14:5

Mba munukachinyina mu chingulunga chize muchikahandununa mulundu mu yihanda yaali. Mba ye yimbandwa muyibwa chinyingi cha milimo yo ya munanyi. Munukachina ngwe chize tushakulu twenu achinyine munyiko ha matangwa ja mwanangana Uzia wa Yuda. Mwene Zambi, Zambi yami, makeza hamwe ni tunganda eswe a mwilu.

Mateu 25:31

“Muze Mwana Mutu makeza mu uhenya wenyi, hamwe ni tunganda twenyi eswe a mwilu, makatwama ha chitwamo chenyi cha uhenya.

Shimbi 33:2

Mwene Zambi yakatuka ku mulundu wa Sinai, yabwa ngwe chize tangwa liakuvumbuka ha Edome nikupanguka hali Aisraele ha mulundu wa Parane. Tunganda a mwilu tununu kumi yabwa hamwe nenyi, soka lia mulengi wa kahia mu kwoko lienyi lia chindume.

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.

Hebreu 12:22

Alioze yenu hinunahete ku Mulundu wa Zione ni ku limbo lia Zambi ya mwono, Yerusaleme wa mwilu, ni yizavu yalio ya tunganda a mwilu.

Yuda 1:14

Kashakulu ketu, Enoke, wa Chisemuko cha muchishimbiali chize kuli Samutu, yahanga kwambulula shimbu kanda hakutwala kuli ayo ngwenyi: “Achivwenu, Mwene makeza hamwe ni yizavu yinji ya akwa kulinanga jenyi a mwilu,

Usolwelo 11:18

Atu waze hi akwa Kristu ko atenukine, mumu tangwa lia kulweza utenu we hilieza, lize muukabatwila afu. Tangwa hiliaheta lize muuhana chawana kuli tuvumbi twe, akwa munanyi, ni kuli atu je eswe, anene ni akepe, kuli waze eswe akuvwila jina lie woma. Tangwa hilieza lize muukonona waze akwonona hashi!”

Usolwelo 5:11

Yingutala nawa, mba yingwivwa liji lia tunganda a mwilu anji, yihuji ni yihuji, tununu ni tununu! Te kaanajingilika chitwamo cha wanangana, ni akwa mwono waze, ni e makulwana.