Daniel 7:1 - Mukanda Wa Zambi 1970

¹ Ha mwaka utangu wa kuyula cha Belshazare mwanangana mu Babilone, nalotele chilota. Yingumona Usolwelo ha ufuku, yinguusoneka.

MUKANDA USANDU WA ZAMBI 1975

¹ Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 7:1 Iomraidhean Croise

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 46:2

Ha ufuku Zambi yambila Israele mu chilota ngwenyi: “Yakoba, Yakoba!” Neye ngwenyi: “Ewa, mwane.”

Jobe 4:13

Yilibwa ngwe chilota chikalu chize chakutungumuna mutu ha tulo.

Izaya 30:8

Zambi yangwamba ha kusoneka ndako jibi ja atu mu mukanda, hanga sango jitwame matangwa eswe.

Izaya 8:1

Mwene Zambi yangwamba ngwenyi: “Anda baya linene usoneke ho sona jinene ‘Shihenu Nikawashi, Bubenu Nikawashi.’

Jeremia 23:28

Mukwa munanyi yoze halota chilota ambe ngwenyi, chili lume chilota cha tulo, alioze mukwa munanyi yoze hevwa maliji jami aambujole lume ni mbunge yimuwika. Kuma mwambu wamokomoko unalifu ni tiriku, nyi?

Jeremia 27:7

Mavungu eswe kumaamulingila; maakalingila nawa mwanenyi ni mujikulu wenyi ndoo ni kuze wanangana wenyi muukasula. Ha matangwa waze atu jenyi maakalingila mavungu eka alemu, ni mianangana eka a tachi.

Jeremia 36:32

Mba yingwanda chivungo cha mukanda chikwo yinguhana kuli mukwa kusoneka Baruke, yasoneka ho yuma yeswe yize namulwezele. Yasoneka maliji eswe waze abwile ha mukanda utangu ni maliji akwo anji alifwa no.

Jeremia 36:4

Hohene yingutambika Baruke, mwana wa Neria, yingumulumbunwina yuma yeswe yize te Mwene Zambi hangulumbunwina. Baruke neye yayisoneka yeswe ha chivungo cha mukanda.

Ezekiel 1:1

Ha mwaka wa makumi atatu ha tangwa lia muchitano lia kakweji wa muchiwana, yami Ezekiel, mwana wa Buzi, nabwile mu undungo hamwe ni Ayuda ku mbumbulu ya lwiji Chebare mu chifuchi cha Babilonia. Lilu yiliazuluka, yingumona uswolwelo wa Zambi. (

Ezekiel 40:2

Mu Usolwelo Zambi yangutwala mu chifuchi cha Israele, yangusa ha mulundu usuku. Ku meso jami yingumona mazuwo anji ngwe limbo.

Daniel 1:17

Zambi yaaha ana malunga waze yinyingi, ni kulongoloka mu mikanda yeka ni yeka, ni mana a kushinginyeka. Zambi yamwaha Daniel mana ni kulumbununa Usolwelo ni yilota.

Daniel 2:1

Ha mwaka wa muchaali wa kuyula chenyi, mwanangana Nebukanezore yalota chilota. Yalibikala kuhiana, te kahashile kuya tulo.

Daniel 2:26

Mwe mwanangana yahula Daniel (jina lienyi likwo ngwo, Belteshazare) ngwenyi: “Kuma muuhasa kungulweza chilota chami ni ulumbunwiso wacho, nyi?”

Daniel 4:13

“Muze te ngunanyongo hakutwala ku we Usolwelo, yingumona kanganda, mukwa kulimwisa, kanahulumuka mwilu.

Daniel 4:5

Alioze yingulota chimwe chilota cha woma unji, yingumona Usolwelo wa mwongo muze te ngunabombo.

Daniel 5:1

Limwe tangwa ha ufuku, mwanangana Belshazare yalakenya atu jenyi alemu kanunu ku chiteleka chinene. No yaanwa vinyu hamuwika.

Daniel 5:22

“Alioze yenu, mwanenyi, chibwe te nunanyingika yuma yino, hindu kunwalikehesele ko.

Daniel 5:30

Ha ufuku uzewene akwa kole yaashiha Belshazare mwanangana wa Babilonia.

Daniel 7:13

Mu Usolwelo wa ufuku uze, yingumona umwe walifwa ni mwana mutu wakujingilika ni malelwa, yangukundama. Mba yaya kuli yoze wabwile ni mwono chize ku miaka yeswe, yaamulakula kuli iye.

Daniel 7:15

Usolwelo uze namwene yiunguvwisa woma, yiungubikalisa kuhiana.

Daniel 7:7

Muze te ngunatale, yingumona nawa ngongo wa muchiwana. Yabwa ni tachi, kole ni woma. Yapapulula akwa kole jenyi ni mazo jenyi, yaabatwola, yaaliataliata. Kalifwile ko ni ngongo akwo, yabwa ni mbinga kumi.

Daniel 8:1

Ha mwaka wa muchitatu wa kuyula cha mwanangana Belshazare, yami Daniel yingumona Usolwelo wa muchaali.

Joele 2:28

“Kulutwe mungukamwangina Mwiku wami wa linanga muli atu eswe: ana jenu a malunga ni a mapwo maakambujola yuma yize muyikeza ho. Tushinakaji twenu maakalota yilota, akweze jenu maakamona Usolwelo.

Amose 3:7

Chamwenemwene Mwene Zambi keshi kulinga Chuma nichimwe, shina malweza chijimbikilo chenyi kuli tuvumbi twenyi, akwa munanyi.

Habakuke 2:2

Mba Mwene Zambi yangukumbulula ngwenyi: “Usolwelo uze hinakulweza usoneke ha tujolo (briki) ya mavu, mba hanga ahase kuutanga kanawa.

Kwalula 12:6

Mwene Zambi yaamba ngwenyi: “Haliabwila banjikenu chize ngunambe! Muze nuli ni akwa munanyi mukachi kenu, nakusoloka kuli ayo mu Usolwelo ni kuhanjika no mu yilota.

A-ROMA 15:4

Mumu yeswe yize yasonewene mu Mukanda wa Zambi yasonewene ha kutufumba, hanga tukayise mbunge, ni hanga tukabwe ni uhumikizo ni kutakama ha kushimbwila yuma yize Zambi hanalakenya.

2 Korintu 12:1

Changutamba kulisamba, chibwe kulisamba kuchishi kukwasa nichimwe. Alioze ngunazange kuhanjika haliabwila hakutwala ku Usolwelo ni yinyingi yize Mwene Yesu anguhele.

Usolwelo 1:19

Soneka yeswe yize unamono, ni yize ya haliabwila, ni yize muyikeza kulutwe.

Usolwelo 10:4

Muze kukulunguza hichahola, nambile kusoneka. Alioze yingwivwa liji mwilu liangwambile ngwo: “Sweka maliji waze a kukulunguza, kanda waasoneka!”