Daniel 6:3 - Mukanda Wa Zambi 1970

³ Shimbu likepe milimo ya Daniel yiisoloka yibema kuhiana milimo ya akwo waze aali ni ya e akwa kuyula. Mwanangana yanyonga kumupwisa mwata wa wanangana wenyi weswe mumu ha milimo yenyi yibema.

MUKANDA USANDU WA ZAMBI 1975

³ Mba yono Daniel walumukine wa lufuma helu lia akwa lutwe akwo ni yilolo mumu Spiritu mupema Wahiana Watwamine muli iye; mba mwanangana wazangile kumusa helu lia wanangana weswe.

Daniel 6:3 Iomraidhean Croise

Ezra 4:22

Chilingenu nikawashi, hanga chibi nichimwe chikwo kuchichi kwiza mu wanangana wami.”

Nehemia 7:2

Yingusa malunga aali ayule limbo lia Yerusaleme: mwanakwetu Hanani ni Hanania, mwata wa tujita a lie limbo, te mukwa ululi, kakuvwila Zambi woma kuhiana atu akwo.

Estere 10:3

Kayuda Mordekai yabwa mulopo wa mwanangana Ahashueru, Ayuda yaamulemesa, yaamuzanga kuhiana. Neye yasa tachi ni kuwahisa atu jenyi ni kuhana uhwimino ku vungu lio ha kulutwe.

Yishima 17:27

Mutu wa shindakenyo keshi kulimbambwila matangwa eswe. Chihumikiji kali mukwa malinjekela.

Yishima 22:29

Ngulweze mutu yoze wakulinga milimo yibema. Ngwami, kanahiana atu akwo anji anatela kulikata ni mianangana.

Longeshi 2:13

Mba yingunyingika ngwami, “Mana kaanahiana uhepuke, ngwe chize pangu linahiana milima.

Daniel 5:12

Mutu yoze, Daniel, te mukwa yinyingi ni mana ha kulumbununa yilota, ni yishima, ni yijimbikilo. Kashika ngwami, musake hanga akulweze ulumbunwiso wa yuma yino yeswe.”

Daniel 5:14

Hinevwa ngwo, yena uli ni mwiku wa mazambi a linanga. Chikwo ngwo, uli lunga wajika, ni malinjekela, ni mana.

Daniel 5:7

Hohene mwe mwanangana yakololoka ngwenyi: “Sakenu akwa yipupu ni tahi.” Muze akwa mana waze heeza, yaalweza ngwenyi: “Yoze mahasa kutanga Chisoneko chino ni kungulumbunwina cho, mungumujika mahina a ufungo a wanangana, ni lubambu mulemu wa oru mu kota yenyi. Neye mabwa mu muhela wa muchitatu mu wanangana wami.”

Daniel 9:23

Muze wabutukile kuliumba kuli Zambi, yakukumbulula. Kanakuzange, kashika yami hineza ni kukulweza lie kumbululo. Banjika kanawa, ngunakulumbunwina we Usolwelo.