Daniel 5:5 - Mukanda Wa Zambi 1970

⁵ Susumuku yikusoloka kwoko lia mutu, yilibutuka kusoneka ku mbango ya zuwo lia mwanangana, kuze te kunatemukina ndeya kuhiana. Mwe mwanangana yamona kwoko lize te linasoneka.

MUKANDA USANDU WA ZAMBI 1975

⁵ Haze hene minwe ya kwoko lia mutu yiyisoloka nikusoneka ha ndambo ya kushingula ya ha yishimi ya palasiu ya mwanangana, hatalanganyi ni ndeya. Mwanangana kanamono shimbu kwoko mulisoneka.

Daniel 5:5 Iomraidhean Croise

Jobe 20:5

chingulungulu niumwe katwamine ni uwahililo matangwa anji. Uwahililo wa yitanganyanyi uli wa kashimbu wika.

Yishima 29:1

Nyi wakukalisa mbunge tangwa lieswe lize akukukanjisa, limwe tangwa susumuku, makuwonda, kuuchi kuhinduka nawa nichimwe.

Jeremia 50:43

Muze mwanangana wa Babilonia hevwa sango jize, ni mwe mu moko kekee. Kanevu yikola ngwe pwo yoze unafumbajala, kanalifwichi.

Daniel 4:31

Muze te machihanjika, mwilu yimwiza liji ngwo: “Mwanangana Nebukanezore, banjika ku maliji jami! Chiyulo cha wanangana we haliabwila hakuchiza cho.

Daniel 4:33

Hazehene maliji waze yaamanunuka. Atu yaahuma mwanangana Nebukanezore mukachi ko. Neye yalia mwambu ngwe ngombe. Mujimba wenyi yiuwula ni mume, kambu jenyi yijisuhwa suhwa ngwe ngona ja tela, yala yiitolomioka ngwe ya tujila.

Daniel 5:15

Natambikanga akwa kuyula ni akwa yipupu hanga angutangile Chisoneko chino ni kungulweza ulumbunwiso wacho, alioze niumwe kachihashile.

Daniel 5:4

ni kufumanyisa mazambi jo akulinga ni oru, ni prata, ni unengu, ni utale, ni mitondo, ni mawe.

Daniel 5:6

Yalumuka ku meso, yevwa woma unji, yalekumuka mu makungunwa jenyi.

Daniel 5:8

Akwa kuyula ja mwanangana yaakundama, alioze niumwe wahashile kutanga che Chisoneko ni kulweza mwanangana ulumbunwiso wacho.

Kolosu 2:14

Hanajimuna Chisoneko cha makongo jetu, jize twabwile najo mumu ha Shimbi jize twashihile. Yaajimuna muze ajihachile ha kulusu.