Daniel 5:4 - Mukanda Wa Zambi 1970

⁴ ni kufumanyisa mazambi jo akulinga ni oru, ni prata, ni unengu, ni utale, ni mitondo, ni mawe.

MUKANDA USANDU WA ZAMBI 1975

⁴ Yanwa vinyu ni kuhalisa mazambi a oru ni prata, ni unengu, ni utale, ni mutondo, ni mawe.

Daniel 5:4 Iomraidhean Croise

1 Yitanga Ya Mianangana 1:49

Eswe waze Adonija alakenyene yeevwa woma, mba mutu ni mutu yasewunuka.

Izaya 42:17

Eswe waze akushachila ha mahamba, waze akwamba ngwo, mahamba e mazambi jetu, mungukalelesa ni kwevwisa sonyi.”

Izaya 42:8

“Yami wika nguli Mwene Zambi, Zambi ye. Chichi kuhana uhenya wami kuli zambi mukwo, chichi kutayiza atu kuwayila mahamba.

Daniel 1:8

Alioze Daniel yabatula ngwenyi, kechi kalichisa ha kulia ni kunwa yuma ya mu zuwo lia mwanangana, kashika yahula Ashpenaze amukwase.

Daniel 4:37

“Haliabwila yami, Nebukanezore, ngunachichimieka ni kufumanyisa Mwanangana wa Mwilu. Yuma yeswe yize akulinga yili yamwenemwene ni yinalite. Mahasa kuhetamisa mweswawo wakwenda ni kulengumuka.”

Daniel 5:23

Yinulimika ni Mwene Zambi ya Mwilu muze nwanehene misenge ni yenga yize achijile mu zuwo lienyi ku Yerusaleme. Yenu, ni alemu jenu, ni miazovu jenu, ni mapwo akwo yinunwina mo, ni kufumanyisa mazambi jenu akulinga ni oru, ni prata, ni unengu, ni utale, ni mitondo, ni mawe, waze keeshi kuhasa kumona chibwe kubanjika, ni waze kaanyingikine nichimwe. Alioze kunwalemesene ko Zambi yoze wakunubatwila kubwa ni mwono hanji kufwa, ni yoze wakunuyula mu yuma yeswe yize nwakulinga.

Daniel 5:3

Hohene yaaneha ye misenge ya oru ni prata, mba yaanwina mo ye vinyu,

Daniel 5:5

Susumuku yikusoloka kwoko lia mutu, yilibutuka kusoneka ku mbango ya zuwo lia mwanangana, kuze te kunatemukina ndeya kuhiana. Mwe mwanangana yamona kwoko lize te linasoneka.

Amose 6:7

Kashika munukabwa atangu ha kuya mu undungo. Kunuchi kabwa nawa ni yiwanyino ni yiteleka.

Habakuke 2:19

Lamba lienu! Mumu nwakwambila Chipinji cha mutondo ngwenu: “Hinduka!” Hanji ku liwe ngwenu: “Katuka!” Kuma mahamba mahasa kunulweza Usolwelo, nyi? Kali kwenyi Chuma chakulamika prata ni oru, alioze muli iye kumushi mwono.

Yilinga 17:29

Kashika, mumu tuli ana ja Zambi, hi chibema ko kunyonga ngwetu, Zambi kalifwa ni oru, hanji prata, hanji liwe lia kusonga ni utotombo ni mana ja atu.