Daniel 5:3 - Mukanda Wa Zambi 1970

³ Hohene yaaneha ye misenge ya oru ni prata, mba yaanwina mo ye vinyu,

MUKANDA USANDU WA ZAMBI 1975

³ Mba yaneha yikwachilo ya oru yize achijile ku tembele, lie zuwo lia Zambi mu Yerusaleme; ni mwanangana, ni alemu jenyi, ni mapwo jenyi, ni *akonkubina jenyi anwinyinemo.

Daniel 5:3 Iomraidhean Croise

2 Sango Ja Mianangana 36:18

Mwanangana wa Babilone yabuba yikashi yeswe ya mu zuwo lia Zambi, ni we ubite wamo, ni we ubite wa mwanangana ni wa akwa kuyula jenyi, yaya nayo ku limbo lia Babilone.

Izaya 5:14

Muma lia afu munevu zala mumu hali ayo, mumubakula kanwa liamo, mumuminya atu alemu a mu Yerusaleme, ni atu eswe akwo.

Jeremia 50:28

(Akwa kuchina anakatuka ku Babilonia, kaaneza ku Zione, kaanambulula chize Mwene Zambi, Zambi yetu hakala yibi yize Ababilonia haanalingi ku zuwo lia Zambi.)

Daniel 5:2

Muze te ananu, mwe Belshazare yahana Shimbi ande misenge ya oru ni prata ni yenga yize tato Nebukanezore anjile mu zuwo lia Zambi mu Yerusaleme. Mwe mwanangana yahana Shimbi yino hanga anwine mo iye mwene ni e alemu jenyi, ni mwata mwali, ni mapwo jenyi akwo.

Daniel 5:23

Yinulimika ni Mwene Zambi ya Mwilu muze nwanehene misenge ni yenga yize achijile mu zuwo lienyi ku Yerusaleme. Yenu, ni alemu jenu, ni miazovu jenu, ni mapwo akwo yinunwina mo, ni kufumanyisa mazambi jenu akulinga ni oru, ni prata, ni unengu, ni utale, ni mitondo, ni mawe, waze keeshi kuhasa kumona chibwe kubanjika, ni waze kaanyingikine nichimwe. Alioze kunwalemesene ko Zambi yoze wakunubatwila kubwa ni mwono hanji kufwa, ni yoze wakunuyula mu yuma yeswe yize nwakulinga.

Daniel 5:4

ni kufumanyisa mazambi jo akulinga ni oru, ni prata, ni unengu, ni utale, ni mitondo, ni mawe.

Hosea 2:8

Katayijile ko ngwenyi, yami mwene namuhele mbuto, ni vinyu, ni maji a olive, ni prata, ni oru yeswe yize akuwayila nayo hamba Bale.

Habakuke 1:11

Mba maabalika ko ngwe fuji, atu wano tachi jo jili ngwe zambi yo.”

Malaki 1:12

Alioze yenu nwakungulelesa muze nwakwamba ngwenu, chilumbilo chami chili chamokomoko, ni muze nwakulambula ho yakulia yize nwakulelesa.

1 Tesalonika 5:3

Muze atu maakamba ngwo: “Tuli ni uhwimino, yuma yeswe yinawaha,” mba susumuku kwonona muchiza. Keechi kuhichika nichimwe. Muchibwa ngwe yikola ya kusema yize hiyakwata kafumbakaji.

Akwa Kuyula 19:1

Ha matangwa waze, shimbu te Aisraele kanda achibwa ni mwanangana, kwabwile umwe Kalevi ku chifuchi cha milundu ya Efraime te kusuku. Yatambula umwe mwana pwo wa ku Betleheme mu Yuda abwe temena yenyi.