Daniel 5:2 - Mukanda Wa Zambi 1970

² Muze te ananu, mwe Belshazare yahana Shimbi ande misenge ya oru ni prata ni yenga yize tato Nebukanezore anjile mu zuwo lia Zambi mu Yerusaleme. Mwe mwanangana yahana Shimbi yino hanga anwine mo iye mwene ni e alemu jenyi, ni mwata mwali, ni mapwo jenyi akwo.

MUKANDA USANDU WA ZAMBI 1975

² Ha kunwa ye vinyu Beleshazare yatuma kuneha yikwachilo ya oru ni prata, yize tato Nabukanezore hachiza ku tembele mu Yerusaleme hanga mwanangana ni alemu jenyi, ni mapwo jenyi, ni *akonkubina jenyi, anwinemo.

Daniel 5:2 Iomraidhean Croise

2 Samuel 9:7

Mwanangana ngwenyi: “Kanda wivwa woma. Ngunazange kukulweza utu mumu hali tatenu Jonatane. Mungukuhilwishila minda yeswe ya kakenu Saulu, matangwa eswe yena muubwa nikwiza ku mesa yami ni kulia.”

1 MIANANGANA 24:13

Yatwala ku Babilone yuma yeswe ya ndando yinji ya mu zuwo lia Zambi ni ya mu zuwo lia mwanangana. Ngwe chize Mwene Zambi aliangile kuchamba, Nebukanezore yabatwola yikashi yeswe ya oru yize afulile mwanangana Solomone akalinge nayo mu zuwo lia Zambi.

1 MIANANGANA 25:15

Yaambata nawa yuma yeswe ya prata ni oru, ni yula, ni milondo.

2 Sango Ja Mianangana 11:20

Rehoboame yambata nawa Maka, mwana wa Absalome, yasema nenyi ana awana a malunga: Abija, ni Atai, ni Ziza, ni Shelomite.

2 Sango Ja Mianangana 15:16

Mwanangana Asa yachiza kako wa pwo Maka ku ulemu wenyi wa kuyula mumu te hasonga kaponya ka sonyi wa zambi wa pwo Ashera. Yanunguna mwe hamba, yamuchaya kunyi, yamwochela mu chikulo cha Kidrone.

2 Sango Ja Mianangana 36:10

Mukachi ka mwaka, mwanangana Nebukanezore yatwala Jehoakine funge ku Babilonia, hamwe ni yuma ya ndando yinji ya mu zuwo lia Zambi. Mba Nebukanezore yapwisa Zedekia tato wa kanuke wa Jehoakine mwanangana wa Yuda ni Yerusaleme.

2 Sango Ja Mianangana 36:18

Mwanangana wa Babilone yabuba yikashi yeswe ya mu zuwo lia Zambi, ni we ubite wamo, ni we ubite wa mwanangana ni wa akwa kuyula jenyi, yaya nayo ku limbo lia Babilone.

Ezra 5:14

Yahilwisa yikashi yeswe ya prata ni oru yize mwanangana Nebukanezore achijile mu zuwo lia Zambi mu Yerusaleme ni kuyitwala mu zuwo lia zambi mu Babilone. Mwanangana Siruse yakunjika yikashi yino mu moko ja umwe lunga Sheshbazare, yoze atongwele iye mwene abwe mukwa kuyula mu Yuda.

Jeremia 27:7

Mavungu eswe kumaamulingila; maakalingila nawa mwanenyi ni mujikulu wenyi ndoo ni kuze wanangana wenyi muukasula. Ha matangwa waze atu jenyi maakalingila mavungu eka alemu, ni mianangana eka a tachi.

Jeremia 50:35

Mwene Zambi kanambe ngwenyi: “Babilonia afwe kwenyi! Atu jenyi afwe kwo! Ni e miata jenyi, ni akwa mana jenyi.

Jeremia 52:19

Yaambata nawa yuma yeswe ya prata ni oru, yenga, ni ndeho, ni yula, ni milondo ni yikwachilo ya ndeya, ni misenge.

Daniel 1:2

Mwene Zambi yamutayiza kukwata mwanangana Jehoakime ni kububa umwe ubite wa mu zuwo lia Zambi. Neye yaya ni amwe funge ku zuwo lia mazambi jenyi mu limbo lia Babilone, yasa yuma yize abubile mu mazuwo a kutulikila.

Daniel 5:11

Mu wanangana we muli umwe lunga yoze uli ni mwiku wa mazambi a linanga. Muze tatenu abwile mwanangana, lunga yoze yasolola yinyingi yenyi ni mana jenyi ngwe ya mazambi. Tatenu, Nebukanezore, yamupwisa mwata wa akwa yipupu ni tahi ni akwa munanyi.

Daniel 5:13

Ha shimbu lizeliene, atu yaatwala Daniel ku meso ja mwanangana. Mba mwe mwanangana yamuhula ngwenyi: “Yena Daniel, wa mu Yuda, yoze tata mwe mwanangana anehene kuno, nyi?

Daniel 5:18

“Zambi Chitunda yapwisa tatenu Nebukanezore mwanangana munene, yamwaha ulemu ni ulamba.

Daniel 5:23

Yinulimika ni Mwene Zambi ya Mwilu muze nwanehene misenge ni yenga yize achijile mu zuwo lienyi ku Yerusaleme. Yenu, ni alemu jenu, ni miazovu jenu, ni mapwo akwo yinunwina mo, ni kufumanyisa mazambi jenu akulinga ni oru, ni prata, ni unengu, ni utale, ni mitondo, ni mawe, waze keeshi kuhasa kumona chibwe kubanjika, ni waze kaanyingikine nichimwe. Alioze kunwalemesene ko Zambi yoze wakunubatwila kubwa ni mwono hanji kufwa, ni yoze wakunuyula mu yuma yeswe yize nwakulinga.

Daniel 5:3

Hohene yaaneha ye misenge ya oru ni prata, mba yaanwina mo ye vinyu,

Daniel 5:30

Ha ufuku uzewene akwa kole yaashiha Belshazare mwanangana wa Babilonia.

Daniel 5:4

ni kufumanyisa mazambi jo akulinga ni oru, ni prata, ni unengu, ni utale, ni mitondo, ni mawe.