Daniel 4:4 - Mukanda Wa Zambi 1970

⁴ “Te ngunatwama kwami nee mu zuwo liami lia wanangana ni uwahililo mumu ha yuma yami yinji.

MUKANDA USANDU WA ZAMBI 1975

⁴ Yami Nabukanezore napwile mu zuwo liami kanawa lume; nawahililile ni milimo yami mu palasiu.

Daniel 4:4 Iomraidhean Croise

Izaya 56:12

Akwa kuzengewa waze kaakwamba ngwo: ‘Tunwenu vinyu tuzengewe! Hamene mulikabwa tangwa libema kuhiana musono!’ ”

Jeremia 48:11

Mwene Zambi yamba ngwenyi: “Moabe matangwa eswe kakutwama ni uhwimino, kanda achimutwala kama mu undungo. Moabe kali ngwe vinyu yize keshi kusunga ni kuyilongalonga mu milondo. Kuyema chenyi kuchalumukine, kuchasamukine nichimwe.

Ezekiel 28:17

Te wakulengumuka hakutwala ku ubeme we, lufuma we yakupwisa chihepuke. Kashika nakunyashine ni kukunungwina hashi, yingukupwisa chilweza kuli mianangana akwo.

Ezekiel 29:3

Mulweze ngwe, yami Mwene Zambi ngunambila mwanangana wa Egiptu ngwami, nguli mukwa kole ye, yena ngandu munene, wabomba mu lwiji. Wakwamba ngwe, Nile kali lwiji we, wamutangile yena mwene.

Daniel 2:11

Chuma chino nwahula chili chikalu kuhiana; niumwe mahasa kuchilumbununa shina mazambi wika. Alioze ayo keeshi kutwama mukachi ka atu.”

Daniel 4:19

Ha chino Daniel, yoze te akuvuluka nawa ngwo Belteshazare, yevwa woma unji, te kahashile ko kuhanjika liji nilimwe. Mwanangana yamwamba ngwenyi: “Belteshazare, kanda wivwa woma wa chilota ni we ulumbunwiso wacho.” Belteshazare ngwenyi: “Vulie mwanangana! Kachi che chilota ni we ulumbunwiso wacho yibwe kama kuli akwa kole jenu, hi kuli yenu ko.

Daniel 5:8

Akwa kuyula ja mwanangana yaakundama, alioze niumwe wahashile kutanga che Chisoneko ni kulweza mwanangana ulumbunwiso wacho.

Zefania 1:12

“Ha tangwa lize mungwiza ni ndeya ni kubolongoza mu Yerusaleme. Mungumwesa lamba waze atwama mu uhwimino, waze akwamba ngwo: ‘Mwene Zambi kechi kulinga nichimwe, chibwe chibi chibwe chibema.’