Daniel 4:3 - Mukanda Wa Zambi 1970

³ “Zambi hatulweza yilayi yinji, yikomokeso ya ndundo! Zambi mabwa mwanangana matangwa eswe; mayula ndoo ku miaka yeswe.

MUKANDA USANDU WA ZAMBI 1975

³ Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 4:3 Iomraidhean Croise

Miaso (Masamu) 104:24

Mwene Zambi, yena watangile yuma yinji! Yeswe wayilingile ni mana! Hashi hihanazala ni yuma yize watangile.

Miaso (Masamu) 105:27

No yaalinga ko yikomokeso ni yilayi ya Zambi.

Miaso (Masamu) 145:13

Wanangana we uli wa miaka yeswe, chiyulo che chili ku yisemuko yeswe. Zambi kakumanununa yilakenyo yenyi, kali mubema ku yeswe yize akulinga.

Miaso (Masamu) 66:7

Kakuyula ni ndundo jenyi ndoo ku miaka yeswe, kakutala meso jenyi hali mavungu. Akwa kukolema kanda ahamika nenyi.

Miaso (Masamu) 72:18

Halisenu Mwene Zambi, Zambi ya Aisraele, iye wika wakulinga yuma ya kukomwesa!

Miaso (Masamu) 77:19

Te wakwendangana mu meya, yiumwanga kalunga lwiji, alioze ngano je kujasolokele ko.

Miaso (Masamu) 86:10

Yena uli mukwa ndundo, kuwakulinga yikomokeso; yena wika uli Zambi.

Miaso (Masamu) 92:5

Mwene Zambi, yitanga ye yili ya kulishimwoka! Manyonga je kaali asuku!

Izaya 25:1

Mwene Zambi, yena uli Zambi yami; mungukulemesa ni kuchichimieka jina lie. Hiunalingi yuma ya kukomwesa; yuma yize wanyongene ku shakulu, yeswe hiunayimanununa kanawa.

Izaya 28:29

Mana eswe kaakwiza kuli Mwene Zambi Mukwa Ndundo Jeswe. Kululieka cha kuli Zambi chikwete mana, kuchakulinduluka!

Izaya 9:7

Tachi ja wanangana wenyi muujoka, wanangana wenyi matangwa eswe muukabwa ni uhwimino. Makatwama ha chitwamo cha mwanangana David ni kuyula, makakolesa wanangana wenyi ni umwenemwene ni ululi, chize musono ndoo ku miaka yeswe. Mwene Zambi Mukwa Ndundo Jeswe hanabatula kulinga yuma yino yeswe.

Jeremia 10:10

Alioze yena Mwene Zambi uli Zambi yamwenemwene, Zambi ya mwono, mwanangana wa miaka yeswe. Muze yena wakutenuka, hashi kuhakuchikima. Mavungu keeshi kuhasa kulihumikiza ni ufwatulo we.

Daniel 2:2

Kashika yasaka tahi, ni akwa tufutafuta, ni akwa kupanda, ni mbuki amulumbunwine che chilota. No yaaheta, yaamana kulutwe lienyi.

Daniel 2:44

Ha matangwa ja mianangana waze, Zambi wa mwilu kumakasa wanangana ukwo uze kuuchi kabwa ni songo. Mutu niumwe kechi kakumba wanangana uze, alioze we wanangana uze muukakumba mawanangana eswe akwo, mba muukalinduluka ndoo ku miaka yeswe.

Daniel 4:17

Uno we ubatwilo wa tunganda twa mwilu, akwa kulimwisa. Ha chino atu eswe a kuma kweswe anyingike ngwo, Zambi Chitunda kakuyula mawanangana eswe ja atu; nawa ngwo, mahasa kwaahana kuli waze anazange, chibwe atu alelu kuhiana.’ ”

Daniel 7:14

Neye yamwaha chiyulo, ni ulemu, ni ndundo ja wanangana, hanga atu a ku yifuchi yeswe, ni mavungu eswe, ni maliji eswe amulingile. Chiyulo chenyi muchilinduluka ndoo ku miaka yeswe, wanangana wenyi kuuchi kubwa ni songo.

Daniel 7:27

Chiyulo ni ndundo ya mawanangana eswe a hashi maakayihana kuli atu ja Zambi Chitunda. Chiyulo cha wanangana wo kuchichi kusula, akwa kuyula eswe a hashi kumaakaalingila ni kwoononokena.”

A-ROMA 11:33

Mana ja Zambi ni yinyingi yenyi kuyajotoka ni kulumbama ngwe ubite! Iya mahasa kulumbununa ubatwilo wenyi? Iya mahasa kunyingika manyonga jenyi?

Shimbi 4:34

Kwali umwe zambi yoze haneseka kama kuchiza atu mukachi ka chifuchi chikwo ni kwapwisa atu jenyi mwene, ngwe chize Mwene Zambi, Zambi yenu, anuchijile mu Egiptu, nyi? Yasolola ndundo jenyi ku meso jenu, yamwesa atu lamba ni misongo yikalu ni jita, yalinga yikomokeso, ni yilayi, ni yuma ya kuvwisa mwongo.

1 Timoteu 1:17

Atu alemese ni kufumanyisa Zambi matangwa eswe. Kali mwanangana wa miaka yeswe, keshi kufwa, keshi kumoneka. Iye mwe Zambi wika. Chibwe kama Chenacho.

Hebreu 1:8

Alioze hakutwala kuli Mwanenyi Zambi hanambe ngwenyi: “Zambi, chitwamo che cha Wanangana muchilinduluka ku miaka yeswe ni miaka yeswe! Wakuyula Wanangana we ni ululi.

Hebreu 2:4

Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.

1 Petulu 4:11

Yoze wakulongesa, chamutamba kulongesa maliji a Zambi. Yoze wakulingila atu akwo, chamutamba kulinga ni ngolo jize akumwaha Zambi, hanga mu yuma yeswe atu achichimieke Zambi ku tachi ja Yesu Kristu. Uhenya wenyi ni ndundo jenyi yimoneke ku miaka yeswe ni miaka yeswe! Chibwe kama Chenacho.

Usolwelo 11:15

Hohene kanganda ka mwilu wa muchishimbiali yemba chitavwi. Mba yingwivwa maliji anene ngwo: “Wanangana wa hashi hiwabwa wanangana wa Mwene wetu ni Kristu yenyi. Mwenawo makayula ku miaka yeswe ni miaka yeswe!”