Daniel 3:7 - Mukanda Wa Zambi 1970

⁷ Mba muze heevwa lie liji lia yitavwi, atu a ku yifuchi yeswe, ni mavungu eswe, ni maliji eswe yaafulamana hashi, yaakombelela mwe hamba wa oru yoze amikine mwanangana Nebukanezore.

MUKANDA USANDU WA ZAMBI 1975

⁷ Kashika muze mavungu eswe evwile liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, mavungu eswe, ni minyachi yeswe, ni malimi eswe afulamanyine ni kuwayila kaponya ka oru yoze mwanangana Nabukanezore hamika.

Daniel 3:7 Iomraidhean Croise

Jeremia 51:7

Babilonia yabwa ngwe musenge wa oru mu kwoko liami, wakuzengesa akwa hashi eswe. Mavungu yaanwa vinyu yenyi, yaazauka.

Daniel 2:46

Hohene mwanangana yafulamana hashi, yawayila Daniel. Yahana Shimbi ya kulambula Daniel mulambu.

Daniel 3:10

Hinwasa Shimbi ngwenu, muze maabutuka kwimba yitavwi, mutu mweswe chamutamba kufulamana ni kukombelela hamba yoze wa oru.

Daniel 3:4

Hohene mukwa kutambika mutambi yakololoka ngwenyi: “Yenu atu a ku yifuchi yeswe, ni mavungu eswe, ni akwa maliji eswe!

Daniel 3:5

Munwivwa mutambi wa yitavwi. Munubwamuze munwivwa ndembo, ni tulialia, mba mukusula yisaji yeka ni yeka. Muze maabutuka kuyimba, hifulamanenu hashi ni kukombelela mwe hamba wa oru yoze amika kuli mwanangana Nebukanezore.

Daniel 3:6

Mweswawo kechi kafulamana ni kukombelela, hazehene maamumbila mu lutengo wa kahia.”

Daniel 3:8

Mwaabwamuze amwe Ababilonia yaafunda Ayuda kuli mwanangana.

Yilinga 14:16

Ha miaka ya kunyima, Zambi yatayiza mavungu kukaula jila jo ene,

1 Yoano 5:19

Tunanyingika ngwetu, tuli a Zambi, ni mwe Chingulungulu kakuyula akwa hashi eswe.

Usolwelo 12:9

Ngongo yoze munene yaamumbila haze. Kali kapela mukulu, yoze alukile ngwo, Sakwonga, yoze wakwonga atu eswe. Yaamumbila hashi hamwe ni tunganda twenyi eswe.

Usolwelo 13:14

Te kakupiangula akwa hashi eswe ni yilayi yize amuhele kulinga ku meso ja ngongo yoze mutangu. Te kakwambila akwa hashi hanga alinge kaponya wa kuhalisa nenyi ngongo yoze alemekene ni mwela alioze kafwile ko.

Usolwelo 13:3

Mutwe umuwika wa ku mitwe ya ngongo yoze yiumoneka ngwe uli ni chilonda cha kufwa, alioze che chilonda yachiwuka. Akwa hashi eswe yaalishimwoka, yaamukaula,

Usolwelo 13:8

Akwa hashi eswe maakamuwayila, kafwa ngwe, waze majina jo kasonewene, chize ku kutanga cha yuma yeswe, mu mukanda wa akwa mwono wa Mwana Panga yoze ashihile.

Usolwelo 17:8

Ngongo yoze hiwamona, hatangu te kali ni mwono, alioze haliabwila keshi nawa ni mwono, chamutamba kutuhuka muma mwajotoka hanga aye akafwe. Akwa hashi hano, waze majina jo kaasonewene ko mu mukanda wa akwa mwono, chize kuze Zambi atangile yuma yeswe, maakalishimwoka muze maakamona ngongo yoze. Mumu hatangu te mwono akwete, alioze keshi nawa ni mwono, alioze makasoloka nawa.

Usolwelo 19:20

No yaakwata mwe ngongo ni mahuza yoze te wakulinga yilayi ku meso jenyi. (Ni yilayi yize yonga atu waze atambwile mifunda kuli ngongo yoze, ni waze te akuwayila kaponya kenyi.) Ngongo ni mukwa munanyi wa mahuza yaambila ni mwono mu wina uze wakulekwoka kahia ni fundanga.