Daniel 3:6 - Mukanda Wa Zambi 1970

⁶ Mweswawo kechi kafulamana ni kukombelela, hazehene maamumbila mu lutengo wa kahia.”

MUKANDA USANDU WA ZAMBI 1975

⁶ Mweswawo kafulamanyine ni kuwayila, mamunyasa haze hene mu lutengo wa kahia ka kulengenya.

Daniel 3:6 Iomraidhean Croise

Ubutukilo 19:28

Yatala ku membo ja Sodome ni Gomora, ni ku chana cheswe. Yamona mwishi unafwindangana hashi, ngwe mwishi wa mu lutengo.

Kutuhuka 20:5

Kanda wafukamina, chibwe kwakombelela, mumu yami Mwene Zambi, Zambi ye, nguli Zambi ya ukwa. Atu waze akunguvutwokela mungukaamwesa lamba, ni ana jo, ni ajikulu jo, ni tukwatambuli two.

Izaya 44:17

Chipinji cha muchaali machisonga hamba, mba mafukama ni kumuwayila. Maliumba nikwamba ngwenyi: “Yena uli zambi yami, ngulamwine kama!”

Jeremia 29:22

Nyi atu a ku Yerusaleme waze atwalile mu undungo ku Babilonia maazanga kushinga umwe mutu, maamba ngwe: ‘Mwene Zambi anulinge kama ngwe chize hanalingi Zedekia ni Ahabe, waze mwanangana wa Babilonia ochele mu kahia!’

Daniel 2:5

Mwanangana ngwenyi: “Ngunambe ngwami, ngulwezenu che chilota ni we ulumbunwiso wacho. Nyi kunwahashile mungunubatwola yipinji yipinji ni kubuzwola mazuwo jenu.

Daniel 3:11

Mba mweswawo kechi kufulamana ni kukombelela, chatamba kumumbila mu lutengo wa kahia.

Daniel 3:15

Muze munwivwa liji lia yitavwi, ni ndembo, ni tulialia, ni yisaji yikwo, fulamanenu, nukombelele mwe hamba. Alioze nyi kunwachilingile, maanumbila shimbu lizeliene mu lutengo wa kahia. Kuma nunayongo ngwenu, umwe zambi uliko yoze mahasa kunulamwina, nyi?”

Daniel 3:7

Mba muze heevwa lie liji lia yitavwi, atu a ku yifuchi yeswe, ni mavungu eswe, ni maliji eswe yaafulamana hashi, yaakombelela mwe hamba wa oru yoze amikine mwanangana Nebukanezore.

Daniel 5:19

Neye yabwa munene lume. Kashika atu a ku yifuchi, ni mavungu, ni maliji eswe yaamuvwila woma, yaachikima. Nyi ngwe hazanga kushiha umwe mutu, te kakuchilinga; nyi ngwe hazanga kufunga umwe ni mwono, hindu te kakuchilinga. Yoze te anazange kulemesa, yamulemesa; ni yoze te anazange kulelesa, yamulelesa.

Daniel 6:7

Yetu akwa lutwe eswe a mu wanangana: miata a tujita, ni akwa kuyula yifuchi, ni milopo jo, ni akwo eswe, hitwanyonga ngwetu, chipema yenu mwanangana nuse Shimbi ya tachi ngwenu, mutu mumwe mahasa kwita chimwe Chuma kuli umwe zambi chibwe umwe mutu shina kuli yenu ha matangwa makumi atatu. Mweswawo matangula Shimbi yino chatamba kumumbila mu wina wa tambwe.

Mateu 13:42

Maakambila mu jiko lia kahia. Kwenako atu maakalila ni kulicheka ku mazo.

Mateu 13:50

Maakambila yingulungulu mu jiko lia kahia. Kwenako atu maakalila ni kulicheka ku mazo.”

Mateu 4:9

Yamwamba ngwenyi: “Yeswe ayize mungukwaha yo nyi muufukama ku meso jami ha makungunwa unguwayile.”

Marku 6:27

Hazehene mwanangana yatuma umwe kajita hanga anehe mutwe wa Yoano. Mwe kajita yatuhuka, yaya ku zuwo lia lamba, yatapa Yoano Chipapachisa.

Usolwelo 14:11

Mwishi wa kahia kaze kakwabinjisa wakufwindangana mwilu ku miaka yeswe ni miaka yeswe. Waze awayilile ngongo munene ni mwe kaponya kenyi, ni mweswawo hanatambula mufunda wa jina lienyi, keechi kabwa ni uhwimino mwalwa ni ufuku.”

Usolwelo 9:2

Lutongonoshi yoze yazulula mwe muma mwajotoka. Yimukakumuka mwishi, yiubwa ngwe mwishi uze wakutuhuka mu lutengo wa kahia. Tangwa yililaa, ni fuji yiyalumuka mwishi ha mwishi, wa muma mwajotoka.