Daniel 3:4 - Mukanda Wa Zambi 1970

⁴ Hohene mukwa kutambika mutambi yakololoka ngwenyi: “Yenu atu a ku yifuchi yeswe, ni mavungu eswe, ni akwa maliji eswe!

MUKANDA USANDU WA ZAMBI 1975

⁴ Mukwa mutambi yamba ni liji linene ngwenyi, Enu mavungu, ni minyachi, ni malimi, kananwehe shimbi ngwo,

Daniel 3:4 Iomraidhean Croise

Estere 8:9

Yino yabwile ha tangwa lia makumi aali ni lia muchitatu lia kakweji wa muchitatu, Sivane. Mordekai yatambika akwa kusoneka ja mwanangana hanga asoneke mikanda kuli Ayuda ni kuli akwa kuyula ni kuli akwa lutwe a mu yifuchi yeswe ya wanangana 127, chize ku India ndoo ku Sudane. Ye mikanda yaayisoneka ku chifuchi ni chifuchi mu liji lio nikulita ni sona jo, ni kuli Ayuda mu liji lio nikulita ni sona jo.

Izaya 40:9

Yerusaleme, kandukenu ha mulundu usuku nwambujole sango jibema! Zione, kololoka ni liji linene wambulule sango jibema! Hanjika kanda nwivwa woma. Lweza membo ja Ayuda ngwe, Zambi yenu kaneza!

Izaya 58:1

Mwene Zambi kanambe ngwenyi: “Kololokenu chikolo! Lwezenu atu jami Aisraele milonga yo!

Daniel 3:10

Hinwasa Shimbi ngwenu, muze maabutuka kwimba yitavwi, mutu mweswe chamutamba kufulamana ni kukombelela hamba yoze wa oru.

Daniel 3:3

Muze akwa lutwe wano eswe haaswa, yaamana kulutwe lia mwe hamba.

Daniel 3:7

Mba muze heevwa lie liji lia yitavwi, atu a ku yifuchi yeswe, ni mavungu eswe, ni maliji eswe yaafulamana hashi, yaakombelela mwe hamba wa oru yoze amikine mwanangana Nebukanezore.

Daniel 4:1

Mwanangana Nebukanezore yatuma maliji wano kuli atu a ku yifuchi yeswe, ni mavungu eswe, ni maliji eswe ngwenyi: “Mwoyo wenu!

Daniel 4:14

Neye yambujola ni liji linene ngwenyi: ‘Nungunenu we mutondo, salulenu mitango yawo, hululenu mafwo jawo, mwangenu mihuko yawo. Hangenu tushitu waze akunamina mushi liawo ni tujila waze atwama ko.

Daniel 6:25

Hohene mwanangana Dariuse yasoneka kuli atu a ku yifuchi yeswe, ni mavungu eswe, ni maliji eswe ngwenyi: “Mwoyo wenu!

Hosea 5:11

Aisraele kaanamono lamba, haatokesa Chipinji cha chifuchi cho mumu hasa mbunge ha yuma yamokomoko.

Mika 6:16

Yino yeswe muyikabwa mumu nwakawile ndako jibi ja mwanangana Omri, ni ja mwanenyi Ahabe. Nwembulwile ndako jo, kashika mungukanumwesa lamba, atu eswe maakanulelesa. Sali ni sali atu maakanusaula.”

Usolwelo 5:9

E makulwana te kaanembi mwaso Waha ngwo: “Mumu haanakushihi, ni manyinga je hiunalanjila Zambi atu a ku vungu heswe, ni a liji heswe, ni a kuli atu eswe, ni a ku yifuchi yeswe.