Daniel 3:12 - Mukanda Wa Zambi 1970

¹² Amwe Ayuda aliko, waze wasele ni kuyula chifuchi cha Babilone, Shadrake, ni Meshake, ni Abednego haakolema Shimbi je. Kaasolo kuwayila zambi yenu, chibwe kufulamana kulutwe lia hamba yoze hinunamika.”

MUKANDA USANDU WA ZAMBI 1975

¹² Kwali amwe A-Yunda enu hinwaasela helu lia yiyulo ya provincia ya Babilonia: Shadrake, ni Meshake, ni Abedenego. Mwanangana, wano malunga kanusele mbunge; kalingilile mazambi jenu, kawayilile kaponya ka oru yoze hinwamika.

Daniel 3:12 Iomraidhean Croise

Estere 3:8

Hamane yalweza mwanangana ngwenyi: “Vulie mwanangana! Kukuli limwe vungu waze atwama mu wanangana wenu, haanalitande mu yifuchi yeswe. Kaali ni ndako jize jalisa ni ja atu akwo. Chikwo nawa, keeshi kwononokena Shimbi ja mwanangana. Kashika mwanangana, hi chibema ko kulihumikiza ni atu ngwe wano.

Yishima 27:4

Ufwatulo uli uswii, kuwakushiha atu; alioze kuwahashile kuweseka ni ukwa.

Longeshi 4:4

Hinasa nawa chinyingi mumu yika atu akuhondangana ni kuyuka yuma yo. Mumu ha ukwa uze akuvwila enyembo jo. Alioze yili yamokomoko, ngwe kuhanga fuji.

Daniel 1:7

Mwata wa akwa kuyula yaaha majina aha: Belteshazare, ni Shadrake, ni Meshake, ni Abednego.

Daniel 2:48

Mba yanangamisa Daniel, yamwaha yawana yinji yibema, yamupwisa mukwa kuyula wa chifuchi cha Babilone ni mwata wa akwa kuyula jenyi.

Daniel 2:49

Daniel yeta kuli mwanangana hanga apwise Shadrake, ni Meshake, ni Abednego akwa kuyula ja chifuchi cha Babilone. Neye yachilinga. Alioze Daniel yatwama mu zuwo lia mwanangana.

Daniel 3:11

Mba mweswawo kechi kufulamana ni kukombelela, chatamba kumumbila mu lutengo wa kahia.

Daniel 3:16

Shadrake, ni Meshake, ni Abednego yaakumbulula ngwo: “Vulie mwanangana! Kutuchi kweseka kulihakwila yetwene.

Daniel 3:29

“Kashika haliabwila ngunase Shimbi ngwami, nyi mutu umwe wa ku chimwe chifuchi, hanji limwe vungu, chibwe limwe liji malelesa Zambi ya Shadrake, ni Meshake, ni Abednego, chatamba kumubatwola yipinji yipinji, ni kubuzula zuwo lienyi. Kukushi zambi mukwo yoze mahasa kulamwina ngwe chino.”

Daniel 3:30

Hohene mwanangana yanangamisa Shadrake, ni Meshake, ni Abednego, yaasa mu yihela yinene mu chifuchi cha Babilone.

Daniel 6:13

Mba yaalweza mwanangana ngwo: “Daniel, umwe funge wa ku Yuda, kasolo kunulemesa yenu mwanangana. Keshi kufunga Shimbi yize nwasele. Tangwa ha tangwa kakulemba yisuho yitatu kuli Zambi yenyi.”

Daniel 6:14

Muze mwanangana hevwa chino, yalekumuka, yafupa mana akulamwina Daniel, yeseka ndoo kutoka cha tangwa.

Yilinga 17:7

Ni Jasone haatambula ku zuwo lienyi. Atu wano kaakulinga chilingila ni Shimbi ja mwanangana wa Aroma. Kaakwamba ngwo: ‘Mwanangana mukwo uliko, jina lienyi Yesu.’ ”

Yilinga 5:28

“Tunakanukanda ngwetu, kanda nulongesa nawa mu jina lia mutu yoze. Alioze yenu hinunamwange longeso lienu mu Yerusaleme mweswe. Nunazange kutukokela uhiso wa manyinga ja mutu yono, nyi?”