Daniel 3:10 - Mukanda Wa Zambi 1970

¹⁰ Hinwasa Shimbi ngwenu, muze maabutuka kwimba yitavwi, mutu mweswe chamutamba kufulamana ni kukombelela hamba yoze wa oru.

MUKANDA USANDU WA ZAMBI 1975

¹⁰ Yenu mwanangana hinwakolesa shimbi ngwenu, Mutu mweswe ha kwivwa liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji mafulamana ni kuwayila kaponya ka oru;

Daniel 3:10 Iomraidhean Croise

1 Sango Ja Mianangana 15:16

Mwanangana yambila miata ja Alevi hanga atongole Alevi eka ni eka hanga embe miaso ni tulialia ni yifwolo.

1 Sango Ja Mianangana 15:28

Chenacho Aisraele eswe atwalila mushete wa Usendo ku Yerusaleme ni kukololoka ni uwahililo, ni kwimba yitavwi, ni yifwolo, ni tulialia.

2 Sango Ja Mianangana 29:25

Mwanangana Hezekia yalinga nikulita ni Shimbi jize Mwene Zambi ambilile akwa munanyi Gade ni Natane hanga alweze mwanangana David. Yasa Alevi mu zuwo lia Zambi ni tulialia ni yifwolo,

Miaso (Masamu) 94:20

Kuushi kulikwata usepa ni ngaji waze akutambula mbongo ja mbenga, waze keshi kubatula ni ululi.

Kutuhuka 1:16

“Muze munufungula mapwo ja Ahebreu, nyi mwana kali wa lunga, mushihenu, alioze nyi kali wa pwo, atwame ni mwono.”

Kutuhuka 1:22

Mba mwanangana yaha atu jenyi eswe Shimbi, ngwenyi: “Mweswe mwana wa lunga yoze wasemuka kuli mapwo ja Ahebreu numumbila mu lwiji Nile, alioze a mapwo nweecha ni mwono.”

Longeshi 3:16

Chikwo, hingunamono nawa hano hashi kuze chatamba kubwa ululi ni umwenemwene kwe kuli ungulungulu.

Izaya 10:1

Lamba lienu! Yenu nwakusa Shimbi ja uhenge ni kubinjisa atu jami.

Daniel 3:11

Mba mweswawo kechi kufulamana ni kukombelela, chatamba kumumbila mu lutengo wa kahia.

Daniel 3:15

Muze munwivwa liji lia yitavwi, ni ndembo, ni tulialia, ni yisaji yikwo, fulamanenu, nukombelele mwe hamba. Alioze nyi kunwachilingile, maanumbila shimbu lizeliene mu lutengo wa kahia. Kuma nunayongo ngwenu, umwe zambi uliko yoze mahasa kunulamwina, nyi?”

Daniel 6:12

yaaya ni kwambulula Daniel kuli mwanangana, yaamba ngwo: “Vulie mwanangana! Nunakasoneka jina lienu mu mukanda wa Shimbi ngwenu, ha matangwa makumi atatu mutu niumwe mahasa kwita chimwe Chuma kuli umwe zambi chibwe umwe mutu shina kuli yenu mwanangana. Yoze machilinga chatamba kumumbila mu wina wa tambwe.” Mwanangana yakumbulula ngwenyi: “Ewa, Chenacho ngunakakolesa ye Shimbi, ni Shimbi ya Amedia ni Apersia kuyahashile kwalumuka.”

Amose 6:5

Nwakuzanga kutomba miaso ngwe mwanangana David, ni kuyimba ha kalialia.

Yoano 11:57

Mahako a lutwe a Zambi ni Afariseu te haahana Shimbi ngwo: “Mweswawo mamona kuze ali Yesu, eze atulweze, hanga tuhase kumukwata.”