Daniel 3:1 - Mukanda Wa Zambi 1970

¹ Mwanangana Nebukanezore yalinga hamba wa oru. Chizundamo chenyi metro makumi aali ni shimbiali, unene wenyi metro jitatu. Mwe mwanangana yamumika mu chana cha Dura mu chifuchi cha Babilone.

MUKANDA USANDU WA ZAMBI 1975

¹ Mwanangana Nabukanezore walingile umwe kaponya wa oru, Chizundamo chenyi makumi asambano a mbandu, ni utohe wenyi mbandu jisambano. Yamumika ha chana cha Dura mu provincia ya Babilonia.

Daniel 3:1 Iomraidhean Croise

1 Yitanga Ya Mianangana 12:28

Mwanangana yashinginyeka. Hohene yafula yimbembe aali a kuji a oru, mba yambila atu ngwenyi: “Yenu Aisraele, nwakuya kanji ku Yerusaleme ni kuwayila Zambi. Talenu mazambi jenu waze anutuhwishile mu chifuchi cha Egiptu.”

Estere 1:1

Mwanangana Ahashueru, ku Shushane, limbo lia wanangana mu chifuchi cha Persia, te kakuyula yifuchi 127, chize ku chifuchi cha India ndoo ni ku chifuchi cha Sudane.

Miaso (Masamu) 135:15

Mazambi ja mavungu kaali a prata ni oru, akulinga ni moko ja atu.

Kutuhuka 20:23

Kanda nulifulila mazambi a prata hanji a oru, ha kuwayila hamuwika ni yami.

Kutuhuka 32:31

Mose yahiluka kuli Mwene Zambi, yamba ngwenyi: “Aa Mwene Zambi, atu wano havulumuna kuhiana. Haalinga zambi yo ya oru.

Izaya 2:20

Muze tangwa lize mulikeza, atu maakambila mahamba jo a prata ni oru waze alingile, maakaahichikila tumbi ni tufukufuku.

Izaya 30:22

Munukanda mahamba jenu akulamika prata ni oru, nikwaambila ngwe Chuma cha luchisa, nikukololoka ngwenu: “Katukenu ko!”

Izaya 46:6

Atu kaakubakula ngonga jo, kaakuhana oru; kaakweseka prata ha pezo. Kaakuhula fuli hanga afule hamba; mba kaakufukama ni kumukombelela.

Jeremia 10:9

Mahamba jo kaali akutatula ni prata ya ku chifuchi cha Espanya, ni oru ya ku Ufaze; yeswe yili milimo ya akwa utotombo. Mahina jo alauluka ni aufungo, yeswe yili milimo ya akwa utotombo.

Jeremia 16:20

Kuma mutu mahasa kulilingila mazambi jenyi, nyi? Ka, nyi machilinga keechi kabwa mazambi.”

Daniel 2:48

Mba yanangamisa Daniel, yamwaha yawana yinji yibema, yamupwisa mukwa kuyula wa chifuchi cha Babilone ni mwata wa akwa kuyula jenyi.

Daniel 2:49

Daniel yeta kuli mwanangana hanga apwise Shadrake, ni Meshake, ni Abednego akwa kuyula ja chifuchi cha Babilone. Neye yachilinga. Alioze Daniel yatwama mu zuwo lia mwanangana.

Daniel 3:14

Mba yaamba ngwenyi: “Shadrake, Meshake, Abednego, kuma chamwenemwene yenu nunalitunu kuwayila zambi yami ni kufulamana kulutwe lia hamba yoze hinamika, nyi?

Daniel 3:30

Hohene mwanangana yanangamisa Shadrake, ni Meshake, ni Abednego, yaasa mu yihela yinene mu chifuchi cha Babilone.

Daniel 5:23

Yinulimika ni Mwene Zambi ya Mwilu muze nwanehene misenge ni yenga yize achijile mu zuwo lienyi ku Yerusaleme. Yenu, ni alemu jenu, ni miazovu jenu, ni mapwo akwo yinunwina mo, ni kufumanyisa mazambi jenu akulinga ni oru, ni prata, ni unengu, ni utale, ni mitondo, ni mawe, waze keeshi kuhasa kumona chibwe kubanjika, ni waze kaanyingikine nichimwe. Alioze kunwalemesene ko Zambi yoze wakunubatwila kubwa ni mwono hanji kufwa, ni yoze wakunuyula mu yuma yeswe yize nwakulinga.

Daniel 5:4

ni kufumanyisa mazambi jo akulinga ni oru, ni prata, ni unengu, ni utale, ni mitondo, ni mawe.

Hosea 2:8

Katayijile ko ngwenyi, yami mwene namuhele mbuto, ni vinyu, ni maji a olive, ni prata, ni oru yeswe yize akuwayila nayo hamba Bale.

Hosea 8:4

“Atu jami yaatongola mianangana, kanguhulile ko. Yaapwisa akwa lutwe, alioze yami chaatayijile ko. Yaalinga mahamba a prata ni oru, yaalikokela kwonona.

Habakuke 2:19

Lamba lienu! Mumu nwakwambila Chipinji cha mutondo ngwenu: “Hinduka!” Hanji ku liwe ngwenu: “Katuka!” Kuma mahamba mahasa kunulweza Usolwelo, nyi? Kali kwenyi Chuma chakulamika prata ni oru, alioze muli iye kumushi mwono.

Yilinga 17:29

Kashika, mumu tuli ana ja Zambi, hi chibema ko kunyonga ngwetu, Zambi kalifwa ni oru, hanji prata, hanji liwe lia kusonga ni utotombo ni mana ja atu.

Yilinga 19:26

Nunamono ni nunevu ngwo, mutu yono, Paulu, hanakununa atu anji. Kakwamba ngwenyi: ‘Mazambi waze akulinga ni moko ja atu, hi mazambi ko.’ Chino kachilingile ko mu Efesu wika, kwasala hakepe ni mu chifuchi cheswe cha Asia nawa.

Shimbi 7:25

Nukocha mahamba jo, ni prata ni oru yize alingile nayo mahamba, kanda nukayivwila chihilulu. Nyi ka, muyikabwa muheto kuli yenu, mumu Mwene Zambi, Zambi yenu, kakuvutwokela mahamba.

Usolwelo 9:20

Masalila waze eswe, waze kaafwile ko mu lamba lize, kaambilile ko mahamba waze asongele ni moko jo. Keehukile kuwayila mwiku wa luchisa, ni mahamba ja oru, ni prata, ni unengu, ni mawe, ni mitondo, mahamba waze keeshi kumona, keeshi kwivwa, keeshi kwenda.