Daniel 2:9 - Mukanda Wa Zambi 1970

⁹ nyi kunwangulwezele che chilota, yenu eswe mungunumwesa lamba lizeliene limuwika. Hinwalitesa mukachi kenu kuhanjika mahuza kuli yami ngwenu, yuma muyalumuka kulutwe. Ngulwezenu che chilota mba ngunyingike ngwami, kuma munuhasa kungulweza ulumbunwiso wacho.”

MUKANDA USANDU WA ZAMBI 1975

⁹ Nyi kunwangulwezele chilota upatwilo umuwika uliko kuli yenu. Hinwalitesa kuhanjika maliji a mahuza, maliji api kuli yami ndo yuma muyalumuka. Kashika ngulwezenu che chilota, mba mungunyingika ngwami, Munuhasa kungulumbunwinacho.

Daniel 2:9 Iomraidhean Croise

1 Yitanga Ya Mianangana 22:22

Mwene Zambi ngwenyi: ‘Ngwe kuchi?’ We mwiku ngwenyi: ‘Munguya ni kushinjika akwa munanyi ja Ahabe eswe akahanjike mahuza.’ Mwe Zambi ngwenyi: ‘Yako ukamwonge, kumuukamukumba.’ ”

1 Yitanga Ya Mianangana 22:6

Chenacho mwanangana wa Israele akungulwile akwa munanyi, ngwe 400. Yaahula ngwenyi: “Nguye ni kwasa jita ku Ramote mu Gileade, nyi?” No yaakumbulula ngwo: “Yako, mumu Mwene Zambi kumakakukwasa ni kwakumba.”

Estere 4:11

“Shimbi yinambe ngwo: mweswe mutu, chibwe lunga hanji pwo, manjila mu yiize ya mwanangana, nyi kamutambikile ko, chamutamba kufwa. Atu eswe chize kuli akwa kuyula ja mwanangana ndoo kuli atu eswe a mu yifuchi kaanachinyingika. Shina mwanangana nyi wamwolwela lukanda wenyi wa oru, mba matwama ni mwono. Alioze yami, kakweji habalika, mwanangana kangutambikile ko.”

Yishima 12:19

Mahuza keeshi kulinduluka, alioze umwenemwene wakulinduluka ndoo ku miaka yeswe.

Izaya 41:23

Tulwezenu yuma yize muyikeza kulutwe, mba tunyingike ngwetu kuma nuli mazambi! Lingenu chimwe Chuma chibema hanji mwesenu lamba limwe; tuvwisenu woma ni tushimwokenu!

Izaya 44:25

Yami nakuhepwisa tahi; ni kubinjisa maliji a munanyi. Maliji ja akwa mana nakwapwisa amokomoko, ni kusolola uhepuke wa malinjekela jo.

Ezekiel 13:17

Mwene Zambi yamba ngwenyi: “Mwana mutu, haliabwila achitala mapwo a hakachi ka atu je waze akulongesa munanyi wa yuma yize muyiza ho, ahise.

Ezekiel 13:19

Nwakungulelesa ku meso ja atu jami hanga nuzomone mukamo wa masa ni yimwe mbolo. Nwakushiha atu waze kaatelele kufwa, ni kufunga ni mwono waze atela kufwa. Nwakuhanjika mahuza kuli atu jami, no kaakunufuliela.”

Ezekiel 13:6

Usolwelo wo uli wa mahuza ni munanyi wo uli wa kwonga. Kaakwamba ngwo, kaakulongesa maliji jami. Alioze chaatumine kwami. Hindu kaakufuliela ngwo, maliji jo maakamanunuka.

Daniel 2:16

Ha shimbu lizeliene Daniel yanjila maha mwanangana, yamulembejeka amwehe ola yinalite hanga ahase kumulumbunwina chilota chenyi.

Daniel 2:21

Kakuyula miaka ni tungonde; kakupwisa atu mianangana, kakuhana mana ni yinyingi.

Daniel 2:8

Mba mwanangana yakumbulula ngwenyi: “Ngunanyingika kanawa, nunazange kusuhwisa pande mumu nunanyingika chize nabatula kulinga ngwami,

Daniel 3:15

Muze munwivwa liji lia yitavwi, ni ndembo, ni tulialia, ni yisaji yikwo, fulamanenu, nukombelele mwe hamba. Alioze nyi kunwachilingile, maanumbila shimbu lizeliene mu lutengo wa kahia. Kuma nunayongo ngwenu, umwe zambi uliko yoze mahasa kunulamwina, nyi?”

Daniel 5:28

kuhandununa, wanangana wenu hauhandununa, hauhana kuli Amedia ni Apersia.”

Daniel 5:31

Mba Dariuse, mukwa Media, yatambula we wanangana ni tachi, te habwa ni miaka makumi asambano ni yaali.

Daniel 7:25

Makahanjika maliji akulimika ni Zambi Chitunda, makabinjisa atu ja Zambi. Makeseka kwalumuna Shimbi jo ja kuwayila Zambi ni ja yiwanyino yo. Atu ja Zambi maakabwa mu chiyulo chenyi miaka yitatu ni Chipinji.

2 Korintu 2:17

Kutushi ngwe atu akwo, waze akuwezela yuma yikwo ku maliji a Zambi. Alioze twakuhanjika umwenemwene weswe ku meso ja Zambi mumu tuli a Kristu, mumu Zambi iye mwene hanatutumu.