Daniel 2:12 - Mukanda Wa Zambi 1970

¹² Ha chino mwanangana yalikasa ufwatulo, yahana Shimbi hanga ashihe akwa kuyula eswe a mwanangana mu Babilone.

MUKANDA USANDU WA ZAMBI 1975

¹² Ha chikuma chino mwanangana yatenuka ni ufwatulo wunji. Yatuma kwonwona akwa mana eswe a mu Babilonia.

Daniel 2:12 Iomraidhean Croise

Jobe 5:2

Ufwatulo wakushiha chihepuke, ukwa wakushiha yoze keshi mana.

Miaso (Masamu) 76:10

Chibwe wuli wa atu akukuchichimieka, atu waze maasala ni mwono muze jita hiyabalika, maafunga yiwanyino.

Yishima 16:14

Nyi ngwe mwanangana matenuka mahasa kushiha atu. Kashika mukwa mana kakweseka kumuhwimisa mbunge.

Yishima 19:12

Ufwatulo wa mwanangana uli ngwe kuhiohia cha tambwe, alioze vumbi lienyi lili ngwe mume ha mwambu.

Yishima 20:2

Chinabeme kwivwila mwanangana chifwatulo woma ngwe chize wakuvwila tambwe yoze unakenana woma. Nyi wamuvwila ufwatulo mahasa kukushiha.

Yishima 29:22

Yifwatulo kaakukoka Vunda ni kuzwela.

Daniel 2:24

Hohene Daniel yaya kuli Arioke, yoze ahele Shimbi kuli mwanangana akashihe akwa kuyula. Yamwamba ngwenyi: “Kanda ushiha akwa kuyula. Ngutwale kuli mwanangana hanga ngumulweze ulumbunwiso wa chilota chenyi.”

Daniel 2:5

Mwanangana ngwenyi: “Ngunambe ngwami, ngulwezenu che chilota ni we ulumbunwiso wacho. Nyi kunwahashile mungunubatwola yipinji yipinji ni kubuzwola mazuwo jenu.

Daniel 3:13

Ha chino mwanangana yalikasa wuli, ngwenyi: “Anehenu!”

Daniel 3:19

Hohene mwanangana Nebukanezore yalikasa wuli, huma lienyi yilialumuka ngee. Yahana Shimbi kuli atu jenyi asosele kahia mu lutengo yisuho shimbiali.

Daniel 5:19

Neye yabwa munene lume. Kashika atu a ku yifuchi, ni mavungu, ni maliji eswe yaamuvwila woma, yaachikima. Nyi ngwe hazanga kushiha umwe mutu, te kakuchilinga; nyi ngwe hazanga kufunga umwe ni mwono, hindu te kakuchilinga. Yoze te anazange kulemesa, yamulemesa; ni yoze te anazange kulelesa, yamulelesa.

Mateu 2:16

Muze Herode hanyingika ngwenyi, akwa mana haamulenya, yevwa ufwatulo, yahana Shimbi ya kushiha ana malunga a mu Betleheme ni a mu chifuchi cha kusulangana a miaka yaali ni waze kanda achiheta ku miaka yaali, nikulita ni tangwa lize amulwezele akwa mana.

Mateu 5:22

Alioze yami ngunanwambulwila ngwami, mutu yoze mevwila mukwo ufwatulo, matela ubatwilo. Yoze mambila mukwo ngwenyi: ‘Chihepuke!’ matela ubatwilo ku meso ja Mbunga ya Ngaji ja Ayuda. Yoze mamwamba ngwenyi: ‘Chizuzuke!’ kanatela kuya mu kahia.