Daniel 2:11 - Mukanda Wa Zambi 1970

¹¹ Chuma chino nwahula chili chikalu kuhiana; niumwe mahasa kuchilumbununa shina mazambi wika. Alioze ayo keeshi kutwama mukachi ka atu.”

MUKANDA USANDU WA ZAMBI 1975

¹¹ Chuma chino mwanangana kanafupu, chuma chikalu; niumwe mahasa kuchilweza kuli mwanangana ndo mazambi wika, waze katwamine hamwe ni atu a musunya.

Daniel 2:11 Iomraidhean Croise

Ubutukilo 41:39

Kashika yambila Josefe ngwenyi: “Kutushi ni mukwa mana mukwo kuhiana yena, mumu Zambi hakulweza yuma yino yeswe.

Ubutukilo 41:8

Ha chichamene yalibikala, yatambika tahi ni akwa mana eswe a mu chifuchi cha Egiptu. Yaawila yilota yenyi, alioze kamwenekene ko chibwe umuwika yoze mahasa kuyilumbununa.

1 Yitanga Ya Mianangana 8:27

“Alioze yena Zambi, kuma muuhasa kutwama hano hashi, nyi? Chibwe lilu Heswe kuliakutelele. Mba ngwe kuchi muuhasa kutwama mu zuwo lino hinakutungila?

2 Sango Ja Mianangana 6:18

“Alioze yena Zambi, kuma muuhasa kutwama hano hashi mukachi ka atu, nyi? Chibwe lilu heswe kuliakutelele. Mba ngwe kuchi muuhasa kutwama mu zuwo lino hinakutungila?

Miaso (Masamu) 132:14

Kanambe ngwenyi: “Mungukabwa ko ndoo ku miaka yeswe; kwenako mungukayula lume.

Miaso (Masamu) 68:18

Muze azezukile mwilu yatwala funge hamwe nenyi, yatambula yawana kuli atu, chibwe kuli yingulungulu, Mwene Zambi makatwama ko ndoo ku miaka yeswe.

Kutuhuka 29:45

Mungukatwama mukachi ka Aisraele ni kubwa Zambi yo.

Kutuhuka 8:19

Akwa kulinga yipupu yaalweza mwanangana ngwo: “Zambi walinga Chuma chino.” Hindu mwanangana wa Egiptu yakalisa mbunge yenyi ngwe chize ambile Mwene Zambi. Hi kabanjikile ko Mose ni Arane.

Izaya 47:12

Jikijila ha kando ni mbinga ye, yize wakulinga nayo chize kuwanuke we, hanji muyikukwasa; hanji muuhasa kuvwisa akwa kole je mwongo.

Izaya 57:15

“Nguli Zambi Munangi, wa Mwilu Mwahiana, Zambi wa miaka yeswe. Kunatwama homa hanangama ha chijila, alioze kunatwama nawa hamwe ni waze akulikehesa ni kwalumuka ku mbunge. Nakuchilinga ni kwahuzulula mbunge.

Izaya 8:18

Hano nguli hamwe ni ana waze Zambi hanangwehe. Mwene Zambi Mukwa Ndundo Jeswe, yoze ukwete chitwamo chenyi ha mulundu wa Zione, hanatutumu tubwe akwa sango kuli atu ja Israele.

Daniel 4:4

“Te ngunatwama kwami nee mu zuwo liami lia wanangana ni uwahililo mumu ha yuma yami yinji.

Daniel 5:11

Mu wanangana we muli umwe lunga yoze uli ni mwiku wa mazambi a linanga. Muze tatenu abwile mwanangana, lunga yoze yasolola yinyingi yenyi ni mana jenyi ngwe ya mazambi. Tatenu, Nebukanezore, yamupwisa mwata wa akwa yipupu ni tahi ni akwa munanyi.

Kwalula 35:34

Kanda nubihisa chifuchi muze nwatwama, mumu ni yami Mwene Zambi nakutwama mukachi ka Aisraele.”

Mateu 19:26

Yesu yaatala nee, yaamba ngwenyi: “Atu kenu maachisa, alioze hi Zambi ko, mumu Zambi kakuhasa yuma yeswe.”

Yoano 1:14

Lie Liji yilialumuka mutu, yatwama mukachi ketu, mukwa utu ni umwenemwene. Yitumona uhenya wenyi unji, uhenya uze mwe Mwana hanatambula kuli Tato.

Yoano 14:17

Akwa hashi kaahashile kuutambula, mumu kaahashile kuumona, chibwe kuunyingika. Alioze yenu nunaunyingika, mumu kuuli hamwe ni yenu, ni muukabwa muli yenu.

Yoano 14:23

Yesu ngwenyi: “Yoze wakunguzanga, mononokena longeso liami. Tata mamuzanga, mba Tata ni yami mutukeza ni kutwama muli iye.

2 Korintu 6:16

Ngwe kuchi zuwo lia Zambi mulihasa kulivwa ni mahamba? Mumu yetu tuli zuwo lia Zambi ya mwono, ngwe chize Zambi iye mwene hanambe ngwenyi: “Mungukatwama mukachi ko, mungukaliendela no. Mungukabwa Zambi yo, no maakabwa atu jami.”

Usolwelo 21:3

Yingwivwa liji linene ku chitwamo cha wanangana ngwo: “Haliabwila Zambi kakutwama mukachi ka atu! Makatwama hamwe no, no maakabwa atu jenyi. Zambi iye mwene makabwa hamwe no, makabwa Zambi yo.