Daniel 2:10 - Mukanda Wa Zambi 1970

¹⁰ Akwa kuyula ngwo: “Vulie mwanangana, kalombo! Hano hashi wakuhi niumwe yoze mahasa kunulweza chize nunahula. Mwanangana, niumwe, chibwe munene hanji wa tachi kuhiana, hanahula nilimwe tangwa chihula ngwe chino kuli tahi, hanji akwa tufutafuta, hanji mbuki jenyi.

MUKANDA USANDU WA ZAMBI 1975

¹⁰ A-Kaletea yakumbulula mwanangana ngwo, Kuheshi umwe mutu hashi yoze mahasa kulinga chino mwanangana kanambe. Mumu niumwe mwanangana munene, wa ngolo, hafupa chuma chipwa haha kuli umwe chimbanda, hanji tahi, hanji Ka-Kaletea.

Daniel 2:10 Iomraidhean Croise

Izaya 47:13

Kuushi tachi, chibwe akwa mana kaakukulongesa. Tahi eze akulamwine, atu waze akulilongesa kutala matongonoshi, waze akuhengula yuma ya lilu ni kukulweza kakweji ni kakweji yuma yize muyikakuwana.

Daniel 2:2

Kashika yasaka tahi, ni akwa tufutafuta, ni akwa kupanda, ni mbuki amulumbunwine che chilota. No yaaheta, yaamana kulutwe lienyi.

Daniel 2:27

Daniel yamukumbulula ngwenyi: “Vulie mwanangana! Kukushi mbuki niumwe, hanji mukwa tufutafuta, chibwe tahi, chibwe mukwa kutala matongonoshi yoze mahasa kunulweza cho.

Daniel 3:8

Mwaabwamuze amwe Ababilonia yaafunda Ayuda kuli mwanangana.

Daniel 4:7

Muze tahi, ni akwa yipupu, ni akwa mana eswe heeza, yingwaawila chilota chami, alioze kaahashile ko kungulumbunwina cho.